Za dobrej tydźenjej su jutry. Předewšěm dźěći snano zdychuja, zo dyrbja hišće tak dołho bjez słódkosćow wutrać, su-li sej to za póstny čas předewzali. Wosebje ­křižerjam pak najskerje dawno hižo we hłowje chodźi, što maja hišće wobstarać. Wšojedne hač jenož maličkosće abo ­wjetše nakupy, lěpje je, zo wšitko trěbne sčasom wobstaraš a to na poslednje dny njewotstorčiš.

Štóž hižo wjele lět sobu jěcha, tón wě, što ma so doma a w konjencu činić. ­Hinak je to zawěsće tam, hdźež maja ­nowačka-křižerja. W tajkim padźe su přidatna suknja, dalši cylinder, krawata abo mucha, rukajcy, škórnje atd. trěbne. To a tamne drje móžeš sej w přiwuznistwje a mjez znatymi abo susodami wupožčić. Ale tež nowe sekle, šabraka, cholowy a wjele dalšeho njeje problem, chceš-li sej to hnydom sam kupić. Za tajke pady maš wobchody, hdźež će nazhonići krawcojo, šwalče, konjacy fachowcy a dalši předawarjo poradźuja a ći tak rozsud nastupajo barbu a formu wolóžeja.

Wobalku wudaća wudebi Tereza Zelnakec, kotraž pokazuje w swojich wobrazach, zo pohibuje so tworićelsce w rozdźělnych stilach. Dale praša so w předsłowje Pija Šnajdrec, što našu identitu poprawom wučinja. Awtorka je po Europje po puću, a wuchadźejo z tutoho wotstawka k Łužicy wona wopisuje, što to je, štož ju na domiznu wjaza. Z metaforiskej rěču přeprošuje čitarstwo, mjez linkami čitać.

W druhim dźělu swojeho pojednanja přiwobroći so dr. Měrćin Wałda mjez druhim politiskej dilemje folklorizma w Serbach. Stawiznar wopisuje Serbow pod swojim hladanišću jako „skućićelow abo wopory“ kak fatalne je, zo trjebamy za wobstaće našeho ludu kruty prawniski zakład, ale dóstanjemy dale a přeco hišće wobraz redukowanja Serbow na folkloru, štož je na kóncu wuraz pozdatneje zastarskosće serbskeho swěta wosrjedź moderneho němskeho. Tradicionalna serbska kultura njehodźi so jenož jako muzealny relikt abo turistiska atrakcija předstajeć, ale ma so tež wědomje do načasneje, progresiwneje programoweje kultury integrować, piše Wałda.

Wodorunje: 3 dźěle ćěła, 6 dźěl Čěskeje republiki, 7 prjedawši prezident USA, 8 njejapcy, 10 planet, 13 nic wuchod, 15 knježićeljo skrótš., 16 produkt pjekarja

Padorunje: 1 kónc modlitwy, 2 sydło w srjedźowěku, 3 njewotwisna, awtonomna, 4 husitske město w Čěskej, 5 je dejimy pola kruwy, kozy, 9 arabski zaliw, 11 španiske žónske předmjeno, 12 běži do Dunaja, 14 dźěl dźiwadłoweje hry