njedźelu hornjoserbsce
11:00 Live z Njebjelčanskeho gmejnskeho swjedźenja, mjez druhim z rozprawami a rozmołwami
12:00 Nabožne wusyłanje
(Jan Malink)
po tym zbožopřeća
delnjoserbsce
12:30 Aktualny magacin, mjez druhim wo Serbskim blidźe Choćebuskeho Serbskeho muzeja a wo rěčnym kursu za dźěći
13:00 Madźarska mjeńšina w Rumunskej
13:30 Nabožne wusyłanje
(Helmut Hupac)
po tym zbožopřeća
Do sotrownjow załožić
Mały Wjelkow. Kónctydźenski program w Małowjelkowskich sotrownjach zahaji so kaž kóždu sobotu tež jutře w 17.30 hodź. z yogu. Wječorna chłóšćenka budźe koncert ze swětoznatym bubnarjom Günterom Babyjom Sommerom. K hudźbje nastanje wobraz, ke kotremuž inspiruja hudźbnika formy a barby. Njedźelu móžemy so wot 14 hodź. na jazzowu improwizaciju Scottyja Böttchera a Macka Goldsburyja wjeselić.
Namša w Serbskej cyrkwi
Zły Komorow. Wěriwi a dalši su njedźelu w 14 hodź. na serbsko-němsku namšu do Złokomorowskeje Serbskeje cyrkwje z fararjom Dieterom Schüttom přeprošeni. Po kemšach prosy wosada na kofejpiće a spěwanje.
Rjemjeslniske wiki w Błótach
Bórkowy. Jutře a njedźelu wotměja so w Bórkowach rjemjeslniske a burske wiki. Z dujerskej hudźbu je w 10 hodź. zahaja, wjesnjanostka Ira Frankmann wiki wotewrje. W programje wustupitej w 14.45 hodź. folklorna skupina Drjewjanki a w 16 hodź. Serbska drastowa skupina ze Strobic. Njedźelu w 14.10 hodź. zawjeseli wopytowarjow Bórkowska rejwanska skupina. Wot 10 hodź. móža sej woni wšelake rjemjesła wobhladać.
Pjatk 13. do 15.7. 5. studnjowy swjedźeń we Wětošowje
21. mjezynarodny gmejnski swjedźeń w Njebjelčicach
Wjesny swjedźeń a 20 lět wjesny a młodźinski klub Smječkecyo
Pjatk 13.7. 19:00 Wobkedźbować hwězdy w juliju; w Budyskej šulskej hwězdarni
20:00 Žonjace stawizny z Noru Gomringer a Philippom Scholzom w Małowjelkowskich sotrownjach
Sobotu 14. a 15.7. 17. błótowske rjemjeslniske a burske wiki w Bórkowach
Sobotu 14.7. 10:00 „Serbska rěč w praksy“ – čołmikowanje wot Bórkowskeho hosćenca „K zelenemu róžkej“
13:00 Mjezynarodny wolejbulowy turněr z migrantami na Njebjelčanskim sportnišću
17:30 Zarjadowanje „Zbožowna yoga“ w Małowjelkowskich sotrownjach
20:00 Konzert z Günterom „Babyjom“ Sommerom w Małowjelkowskich sotrownjach
Njedźelu 15.7. 11:00 Pittiplatsch a jeho přećeljo na wopyće w Złokomorowskim amfiteatrje
14:00 Lětni swjedźeń w parku Rakečanskeho domu seniorow z Porchowskimi muzikantami
14:00 Serbsko-němska namša w Złokomorowskej Serbskej cyrkwi
15:00 Koncert z młodym serbskim organistom Johannesom Krahlom w Budestečanskej cyrkwi
15:00 Koncert z orchestrom Łužiska brunica we Wochožanskim parku błudźenkow
Mjezynarodny turněr
Serbskopazličanscy a Njebjelčanscy młodostni přeprošeja młodźinu na mjezynarodny wolejbulowy turněr z migrantami, kotryž je jutře, sobotu, wot 13 do 18 hodź. na Njebjelčanskim sportnišću. Dobyćerske mustwo změje darmotny zastup na wječornej party.
Marathonowe płuwanje
W přistawje Klětno při Bjerwałdskim jězoru přewjedu jutře, 14. julija, 10. marathonowe płuwanje w Bjerwałdskim jězoru. Wot 10 hodź. wubědźuja so tam dźěći a dorosćeni na wjacorych distancach w płuwanju bjez a z pjericami. Dalše informacije pod www.baer-service.de
Přihotowanske koparske hry
13.07. 19:00 Rakečanske ST –
Nowe Město
14.07. 13:30 Módro-běli Kulow –
SC Mały Wosyk
14.07. 16:00 FSV Nowosólc-Hródk –
Budissa Budyšin
15.07. 11:00 Jednota Kamjenc –
Serbska koparska wu- branka (w Njebjelčicach)
15.07. 14:00 International Lipsk –
Budissa Budyšin
21.07. 11:00 Módro-běli Kulow –
SG Weixdorf
21.07. 15:00 SJ Njebjelčicy –
Lok Slepo
22.07. 14:30 ST 1922 Radwor –
SJ Chrósćicy
(w Njebjelčicach)
22.07. 15:20 ST Marijina hwězda –
Sokoł Ralbicy/Hórki
(w Njebjelčicach)
22.07. 16:15 Serbski supercup w Nje- bjelčicach – hra wo
3. městno
22.07. 17:00 Serbski supercup
w Njebjelčicach – finale
Wjesny swjedźeń w Smječkecach steji lětsa cyle w znamjenju 20. róčnicy wobstaća tamnišeho wjesneho kluba. Jeho čłonojo pak w běhu lěta wjele wjace na nohi staja.
Smječkecy (SN/MWj). Na swjedźenišću před Smječkečanskim towarstwowym domom knježeše zawčerawšim čiłe žiwjenje. W přihotach na wjesny swjedźeń, kotryž tam hač do njedźele swjeća, su piwowy wóz na prawe městno storčili a započachu stan twarić. Wosrjedź pomocnikow bě Handrij Hejduška, kiž ma přihotowanske nitki sobu w horšći. Wón dźě je předsyda wjesneho kluba a so derje dopomina, kak bě tón něhdy nastał.
1998 chcyše gmejna towarstwowy dom spriwatizować. Zo njeby wón za wjesnjanow zhubjeny był, je so na zwołanej wjesnej zhromadźiznje něhdźe 50 wobydlerjow spěšnje dojednało, wutworić wjesny klub. Jeho prěnja předsydka bě Marlies Kralowa, a wona wukonješe zastojnstwo hač do lěta 2009. W tym času wudawachu samo wjesnu nowinu Kilop.
Ralbicy (SN/JaW). Gmejna Ralbicy-Róžant je puć runała za nowo- abo wutwar tamnišeje pěstowarnje, kotraž je w nošerstwje SŠT. Radźićeljo su wčera w gratowni Ralbičanskeje wobory wobzamknjenje z lěta 2016, za projekt architekturne wubědźowanje přewjesć, zběhnyli.
Budyšin. Dróhotwarskich dźěłow na Budyskej Hasy Clary Zetkin dla budźe Móst měra wot póndźele, 16., hač do soboty, 21. julija, dospołnje zawrjeny. Wot kružneho wobchada hač k Leibnitzowej budźe wotrězk dróhi slepa hasa. Wobchad do města powjedu kaž hižo zašłe tydźenje přez Móst swjateho ducha a Wonkownu Lawsku. Z města won dyrbja awta přez Nowosólsku a zapadnu tangentu jězdźić. Kolesowarjo a pěšcy móža zawrjeny wotrězk dale wužiwać.
Wodźa zajimcow po měsće
Biskopicy. Tři radnicy steja jutře, sobotu, w srjedźišću zjawneho měšćanskeho wodźenja w Biskopicach. Prěnju radnicu natwarichu 1286 na torhošću. Dźensniša nasta tam před 200 lětami na zakładnych murjach druheje radnicy. Zajimcy zetkaja so w 15 hodź. při radnicy na torhošću. Přizjewić so njetrjebaja.
Ponowja wotrězk puća
Łomsk. Statna dróha S 106 we Łomsku w Radworskej gmejnje budźe wutoru, 17. julija, dospołnje zawrjena. Přičina su dróhotwarske dźěła. Po 240 metrow dołhim wotrězku pokryja tam puć z nowej asfaltowej worštu.
Přez telefon wobšudźili
Bretnig. Z woporom wobšudnikow sta so tele dny žona w Bretnigu. Při wjacorych telefonatach wudawachu so njeznaći skućićeljo jako sobudźěłaćerjo Microsofta a 58lětnej napowědachu, zo je jeje kompjuter połny wirusow. Po přikazu cuzych sćahny sej žona wjacore programy na swój ličak, přeradźi čisło swojeho handyja a zapoda připósłane TANy. Z nimi wotzběhnychu wobšudnicy 850 eurow z jeje konta.