Dopomnjenka čłonam ZSW
Budyšin. Jutře, 21. septembra, přewjedźe Zwjazk serbskich wuměłcow swoju hłownu zhromadźiznu w Budyskej Röhrscheidtowej bašće. Započatk je we 18 hodź. Nimo rozprawy wo dźěławosći ZSW ma so tež změna wustawkow schwalić, zo bychu prawniskim předpisam powšitkownowužitnosće wotpowědowali.
Strowotna studnja w fokusu
Budyšin. Budyšenjo a dalši zajimcy su jutře wot 14 do 16 hodź. do konferencneje rumnosće kubłanskeje agentury na Otta Nagelowej na rozmołwne koło přeprošeni. Ze zamołwitymi politiki a zarjadnistwom města a dalšimi chcedźa wo temje „zetkanišća, młodźina a wěstota“ w měšćanskim dźělu diskutować.
Klankodźiwadło na dwórnišću
Kulow. 30 lět hrajetaj Heiner a Esmeralda Frank klankodźiwadło, a to klasisce z wulkimi drjewjanymi klankami. Přichodnu wutoru, 25. septembra, móžemy jeju z hru „Grüffelo“ w 17 hodź. na Kulowskim Starym dwórnišću dožiwić.
20.9.–26.9.2018 Budyski filmowy palast: Ballon: srj 20:00 Pettersson und Findus: wšědnje 14:30 (nimo pó a srj) a 16:15 | nj 12:45 | nj 12:30 Klassentreffen 1.0: wšědnje 14:15 (nimo pó a srj), 17:00 a 19:45 | pj 22:00 | so 22:30 Predator w 3 D: wšědnje 20:15 (nimo pó a srj) | pj a so 22:30 Meg w 3 D: pj 22:30 Gundermann: wšědnje 18:00 (nimo nj a pó) | štw, so, wu a srj 17:00 Das schönste Mädchen der Welt: wšědnje 16:00 (nimo nj a pó) a 18:00 (nimo pj a srj) | nj 15:00 Christopher Robin: nj 12:45 Hotel Transsilvanien: štw, pj, so a wu 14:00 Hotel Transsilvanien w 3 D: nj 12:30 Mamma Mia: pj a srj 18:00 The Equalizer 2: so 22:00 Das Haus der geheimnisvollen Uhren: wšědnje 14:45 (nimo pó a srj), 17:00 a 19:30 (nimo srj) | srj 20:15 Meine teuflisch gute Freundin: nj 12:45 The Nun: wšědnje 20:30 (nimo nj a pó) | pó 20:15 | nj 19:30 | pj a so 22:30
Kino-ekstra: Die brillante Mademoiselle Neïla: pó 17:15 a 20:15 | nj 17:15
Wojerowski CineMotion:
Wobchod zapusćili a tony pomórali
Wojerecy. Něhdźe 10 000 eurow škody načinichu wandalojo, kotřiž běchu blisko Wojerowskeho lěsneho kěrchowa w nocy na wutoru wobchod zapusćili. Policija na to tuka, zo jedna so wo samsnych chaotow, kotřiž su na Kinajchtskej a na Hasy dr. Marje Grólmusec wotpadkowe tony, latarnju, nadróžne znamješka a busowu čakarnju z hokatymi křižemi a ze wšelakimi parolemi pomórali.
Přichodnu njedźelu wola Kamjenčenjo noweho wyšeho měšćanostu. Jako jenički kandiduje za wólby njestronjan Roland Dantz, dotalny mějićel zastojnstwa. Wo jeho dźěle, přećach a zaměrach w móžnej nowej periodźe jako prěni muž Lessingoweho města je so z nim rozmołwjał Jan Kral.
Maće lóšt a mocy za móžne dalše dźěło na dobro Kamjenca a jeho wobydlerjow?
R. Dantz: Praju haj z połnym přeswědčenjom. Mam lóšt a chcu to rady činić. Mam ze swojeho dźěła wulke wjeselo a dosć lóšta, je dale wukonjeć. Mam tež tójšto podpěry z rjadow wobydlerjow. Wězo je tajke dźěło tež z njelubymi zjawami a druhdy njepopularnymi rozsudami zwjazane. Hdyž pak dobre stronki tajkeho zastojnstwa přewažuja, hdyž maš wuspěch a něšto na dobro města wuskutkuješ, je to spokojace a rjane dźěło. Bych zbožowny był, by-li mi přichodnu njedźelu wjetšina Kamjenčanow znowa dowěru wuprajiła.
Optimizm a lóšt, znowa jako prěni muž města skutkować, złožuje so na dobre nazhonjenja a wuspěchi minjenych lět. Što maće wosobinsce za to bytostne zašłeje wólbneje doby?
Wot 7. do 8. septembra přebywach z dalšimi dwanaće šulerjemi-čěšćinarjemi Serbskeho gymnazija Budyšin na rěčnej ekskursiji w Praze. Přewodźałoj stej nas naša wučerka čěšćiny knjeni Štilerová a knjeni Žurowa.
Rano w sedmich wotjědźechmy z ćahom z Budyšina do Biskopic, hdźež dyrbjachmy přelězć do ćaha, kotryž dowjeze nas do čěskeho Libereca. Jědźechmy z busom dale do čěskeje stolicy, a tam wužiwachmy podzemski ćah na Václavske naměsto.
ST Marijina hwězda – HZ Łaz/Běły Chołmc 2:1 (1:1)
Zestawa domjacych: O. Schmidt – Peschmann, Škoda, Rab, Cyž (69. Lipič), Pjetaš, Kuring, O. Hawš, R. Hawš, Eldor (83. Bělk), Pakoßnick (77. P. Schmidt)
Při přijomnych wonkownych wuměnjenjach nastupištej w Pančicach prěnje koparske mustwo Sportoweho towarstwa Marijina hwězda a cyłk Hrajneho zjednoćenstwa Łaz/Běły Chołmc přećiwo sebi. Hosćićeljo móžachu partiju na wysokim niwowje, w kotrejž nasta tójšto rjanych dwubojow, z 2:1 dobyć. Woboje wrota třěli Jakob Pakoßnick. Porjadny natwar hry pak na woběmaj stronomaj spočatnje móžny njebě, dokelž w srjedźnym polu wo kóždy bul wojowachu. Z wobhladanjahódnymi wrotami hosćo po 16 mjeńšinach nawjedowachu, štož pak Pančičanow njezatraši. Hnydom přewzachu woni režiju na hrajnišću. Wosebje kapitan Pakoßnick torhaše přeco zaso na rjećazach. W 21. min. so jemu hišće njeporadźi wurunać, w 39. min. pak to lěpje sčini. Foulowany bě sej Pakoßnick kulowatu kožu sam za wólny kop na trawnik połožił a ju ze zdalenosće 21 metrow do šibjeńcy třělił. Z remisom dźěše do přestawki.
ST 1896 Wulka Dubrawa – Viktoria Worklecy 0:3 (17:25, 16:25, 23:25)
FSV Budissa Budyšin – VfB Auerbach 1906 1:0 (0:0)
Zestawa domjacych: Ebersbach – Mack, Patka, Hoßmang, Kral (76. Krawčik), Ciapa (46. Langr), Weiß (85. Wockatz), Treu, Schmidt T., Merkel, Bönisch
Prěnju móžnosć na stronje Budissy Budyšin měješe pilny Tony Schmidt, kiž pak bul z kónčkojteho kuta snadnje nimo přećiwniskich wrotow třěli (2.). Při kopje Amera Kadrića na tamnym boku bě Maik Ebersbach na městnje a dźeržeše (10.). Wotnětka naby Auerbach na sylnosći a nadźěła sej wjacore šansy. Jedna z nich bě třělwa Marca-Philippa Zimmermanna do łaty (21.).
Slědowachu dalšej móžnosći za Thomasa Stocka (28.), Zimmermanna (38.), ale tež amplowa karta za Marcina Siebera po dalšim foulu (41.). Nětko bě Budissa z mužom wjace na kopanišću. Přiwšěm rěčeše trenar Torsten Gütschow wo najšpatnišim połčasu swojeho mustwa w aktualnej sezonje. Narěč w połčasu pomhaše.