Z wudaća: štwórtk, 14 februara 2019

14.2.–20.2.2019 Budyski filmowy palast:­

Club der roten Bänder: wšědnje 13:15, 17:45 a 20:00 | pj a so 22:45 Alita: Battle Angel w 3 D: wšědnje 20:30 | pj a so 23:00 Drachenzähmen leicht gemacht w 3 D: wšědnje 16:00 a 20:15 (nimo pó) Drachenzähmen leicht gemacht: wšě­dnje 13:45 | nj, wu a srj 11:15 Tabaluga: wu a srj 10:00 The Lego Movie: wšědnje 13:30 | wu a srj 9:00 The Lego Movie w 3 D: wšědnje 15:45 Chaos im Netz: wšědnje 15:30 | wu a srj 9:00 Feuerwehrmann Sam: nj, wu a srj 12:15 Immenhof: nj, wu a srj 11:15 Der Junge muss an die frische Luft: wšědnje 18:00 100 Dinge: wšědnje 18:15 Glass: pj a so 22:45

Kino-ekstra: Was uns nicht umbringt: pó 20:15

Wojerowski CineMotion:

Der Club der roten Bänder: wšědnje 13:45, 17:40 a 20:00 | pj a so 22:20 Alita: Battle Angel w 3 D: wšědnje 15:15 a 20:15 | pj a so 22:45 Alita: Battle Angel: wšědnje 17:40 The Lego Movie: wšě­dnje 11:00 (nimo štw a pj) a 15:25 Drachenzähmen leicht gemacht w 3 D: wšědnje 17:45 a 20:30 Drachenzähmen leicht gemacht: wšědnje 13:00 (nimo štw a pj) a 15:20 Creed 2: wšědnje 20:10 Mia und der weiße Löwe: wšědnje 13:20 Chaos im Netz: wšědnje 16:05 Polaroid: pj a so 22:50 Plötzlich Familie: wšědnje 12:50 (nimo štw a pj) Glass: pj a so 22:40 Der Junge muss an die frische Luft: 18:25 (nimo srj) Immenhof: wšědnje 11:30 (nimo štw a pj) Die Frau des Nobelpreisträgers: srj 18:25

Sulšecy. Po prěnimaj wuspěšnymaj předstajenjomaj před domjacym publikumom předstaji Serbska lajska dźiwadłowa skupina Chrósćicy swój najnowši kruch „Čeplski recept“ jutře, pjatk, w 19.30 hodź. w Sulšečanskim kulturnym domje. Wšitcy su wutrobnje přeprošeni.

Tepjenski wolij wuběžał

Chwaćicy. Techniskeho zmylka dla je wčera w Chwaćicach z tankoweho awta tysac litrow wolija wuběžało. Dźěl toho wuliny so do spjateho jězora, hdźež natwarichu wobornicy płuwace zaraćenje.

Wojerecy (AK/SN). Wuski zwisk z praksu a zhromadne dźěło z mnohimi zawodami a zarjadnišćemi wokoliny stej we Wojerowskim powołanskošulskim centrumje „Konrad Zuse“ (BSZ) wosebje wažnej. To wuzběhny nawodnica Kathleen Stephan­ na njedawnym dnju wotewrjenych duri.

Hinak hač w druhich tajkich kubłanišćach zjednoća Wojerowski BSZ hnydom pjeć šulskich družin. Su to powołanska šula z dualnym wukubłanjom, powołanska fachowa šula z ćežišćomaj socialnistwo/hladanje starych a chorych, fachowa wyša šula z abituru z ćežišćemi hospodarstwo a zarjadnistwo kaž tež strowota a socialne, powołanski gymnazij za hospodarstwo, strowotu a socialnistwo a skónčnje fachowa šula za socialne z ćežišćom statnje připóznateho kubłarja. W šuli je so 24 wukubłanskich zawodow a kooperaciskich partnerow předstajiło. Jich paleta sahaše wot dźěłoweje agentury přez meblowy zawod MAJA hač k Běłowodźanskej rězniskej firmje Willms.

Serbske Pazlicy. Serbskopazličanske karnewalowe towarstwo bliži so wjerškej swojeje 49. sezony. Tohodla přeproša wone pod hesłom „Na póstnicach a w žiwjenju přec njeběži kaž na štryčku“ zhromadnje z princowskim porom Michałom III. a Christinu I. na wjacore zarja­dowanja w Njebjelčanskej „Bjesadźe“. 23. februara a 2. měrca, wotměja tam stajnje w 19.30 hodź. kapičkowej wječoraj. Dale wuhotuja njedźelu, 24. februara, w 15 hodź. póstnicy za seniorow, pjatk, 1. měrca, w 20 hodź. žonjace póstnicy a sobotu, 2. měrca, w 14 hodź. dźěćace póstnicy. 4. měrca w 20 hodź. woswjeća róžowu póndźelu. Na wšitke zarjadowanja su zajimcy­ wutrobnje přeprošeni. Zastupne­ lisćiki dóstanu woni pola Hübenthalec (tel. 03578/ 303 505) wšědnje wot 17 hodź. a při wječornej kasy.

W Njeswačanskim hrodowym parku so wo škit ptačkow staraja

Njeswačidło (SN/mwe). „Ptački nas wšědnje ze swojim spěwanjom a fifolenjom zawjeseleja, jich rjanosć a pisanosć nas zahorja. Runočasnje su wone dźěl družinowych zhromadźenstwow z mnohostronskimi ekologiskimi skutkownosćemi a posłužbami“, wuswětla předsyda spěchowanskeho towarstwa Njeswačanskeje ptakoškitneje stacije Georg Richter.

Škit ptačkow je w towaršnostnym wědo­mju hłuboko zakótwjeny. Někotre družiny maja swoje krute městno w sym­bolice čłowjeka a so ze swojimi kajkosćemi sčłowječeja. Tak su padušna sroka, chrobły wroblik abo mudry a sylny worjoł charismatiske figury bajkow a bajow, najebać to z nimi w Serbach kóžde lěto ptači kwas swjećimy.

Dr. Winfried Nachtigall je jednaćel spě­cho­wanskeho towarstwa Njeswačanskeje ptakoškitneje stacije. Měrćin Weclich­ je so z nim rozmołwjał.

Tójšto družin ptakow steji w Němskej na tak­ mjenowanej čerwjenej lisćinje. Što je z tym měnjene?

W. Nachtigall: W 1970tych lětach su po cyłym kraju lisćinu wohroženych ptačich­ družin zestajeli. Tuchwilu su tež po­la­ nas ptaki agrarneho ruma, ratarstwa dla bohužel najbóle wohrožene. Hospo­darski staw ratarstwa z jara wul­kimi pło­ni­nami, bjez strukturow a nje­pře­widnym zasadźenjom chemikalijow je za wšitkich wobydlerjow, kotrymž tež ptaki słušeja, problematiske.

Što móžemy přećiwo tomu činić?

W. Nachtigall: Móžemy wjele činić, ale za to su wulke změny w Europje, Němskej a Sakskej trěbne. Jednotliwc wšak njemóže wjele wuskutkować, štož ški­tarja družin ptakow chětro wostrózbja. Jara derje dźě wěmy, kotre naprawy bychu trěbne byli. Te pak njehodźa so tuchwilu politisce rozrisać.

Móžemy sej žiwjenje bjez ptakow přichodnje scyła předstajić?

Měrćin Weclich

Zwjazk za wobydlerjam přichilenu wobchadnu politiku je tež lětsa pokutny katalog wudał, kotryž je w interneće přistupny. Na stronje „ptački pod ptakoškitom“ rěka, zo ma tón, „kiž dźiwjeho ptaka dosahnje, rani abo mori“, w Sakskej z pokutu hač do 5 000 eurow ličić.

Prašach so na Budyskim krajnoradnym zarjedźe, kak je to z pokutu we wokrjesu rjadowane? Tak na přikład nastupajo wose­bje škitanu wosu, kotruž je wobydler Sakskeje „bjez praweje přičiny dosahnył, zranił abo morił“, za čož móža sej wot njeho „wosebitu“ pokutu hač do 50 000 eurow žadać. Njeměł tuž hižo wosu tak bjeze wšeho placnyć? Dunja Reichelt z nowinskeho běrowa Budyskeho wokrjesa mi zdźěli: „Za zarjady zwjazowacy katalog wo pokutnym pjenjezu za přeń­dźenja přećiwo zwěrinoškitej njeeksistuje. Chłostajomne po paragrafje 17 zwěrinoškitneho zakonja je, morić rjapnika bjez rozumneje přičiny.“

FC Energija Choćebuz

– Würzburger Kickers 1:2 (0:1)

Zestawa domjacych: Spahić – Hemmerich, Müller, Matuwila, Schlüter, Gjasula, Bohl (74. Viteritti), de Freitas, Broschinski (58. Rangelow), Geisler (81. Holthaus), Mamba

Wšitke štyri nowopřichady zymskeje přestawki je koparski trenar FC Energije Choćebuz Claus-Dieter Wollitz minjenu sobotu do startoweje formacije wzał. A kompletny kwartet wukonliwosć nowačka třećeje ligi zwyši. W tym nastupanju smědźa so zamołwići a přiwisnicy nadźijeć, zo sylnje změnjene mustwo klasu dźerži, byrnjež na zestupnym městnje stało.

Byrnjež Choćebuženjo tónkróć derje nadběhowali, poradźi so hosćom zažne nawjedowanje, dokelž škit domjacych porjadnje njeagěrowaše. Dominic Baumann přihrawku Orhana Ademija přetwori. Byrnjež Energija přez Jürgena Gjasulu (20.) a Strelija Mambu (24.) někotre wjele lubjace akcije měła, dźěše Würzburg ze zbožownym 1:0 do kabiny.

Koparjo SJ Njebjelčicy přebywachu wot 8. do 11. februara w sněhakowanskim lěhwje w čěskim Benecko. Trenar prěnjeho mustwa Handrij Krawčik bě hižo nazymu wšitko dokładnje planował a so wo wotpowědny wotběh postarał. Cyłkownje wobdźěli so šěsnaće aktiwnych pod nawodom Handrija Krawčika a přewodnika Bjarnata Deleńka.

Sobotu po snědani wobstarachu sej wšitcy we wupožčowanskej staciji sněhaki a wotpowědne črije a podachu so na derje spřihotowane sněhakowanske čary.