Z wudaća: pjatk, 19 julija 2019

Njedźelu na serbski supercup

Sportowa jednotka Njebjelčicy budźe njedźelu hosćićel 3. serbskeho supercupa – turněra ze štyrjomi serbskimi koparskimi mustwami. W 14.30 hodź. hraja w prěnim połfinalu ST Marijina hwězda – Sokoł Ralbicy/Hórki a wot 15.25 hodź. SJ Chrósćicy – SJ Njebjelčicy. Hra wo třeće městno započnje so něhdźe w 16.25 hodź., finale budźe wokoło 17.25 hodź. Kóždy duel je na 45 mjeńšinow postajeny.

Satkula póndźelu w Pančicach

Bičwolejbulowa tura Radija Satkula wuhraje póndźelu w Pančicach-Kukowje swój štwórty turněr. Cyłki zetkaja so w 17.45 hodź. a hraja wot 18 hodź. Dalše terminy: 29.7. Kulow, 5.8. Worklecy, 12.8. Konjecy a 19.8. Budyšin. Wulke fi­nale budźe 26.8. w Miłoćicach.

1. sakske e-sport mišterstwa

Wodorunje: 3 jednory žnjenski grat, 5 awto NDR skrótš., 6 wobstatk popy na žnjach, 7 dźěl ruki, 10 lóštna za­bawa, 13 wojerski pakt, 14 stolica Senegala, 15 nic prědku

Padorunje: 1 zastać!, 2 přitok rěki Mosel, 3 sudobjo z drjewa, 4 ćěło­zwučowanje, 8 prjedawši prezident USA, 9 nic zwjercha, 11 wódnišćo, 12 ameriske město NEW ...

Tydźeń trajacy cirkusowy projekt su dźensa na Wojerowskej dźěćacej a młodźinskej farmje Křesćansko-socialneho ku­błanskeho skutka zakónčili. Pod nawodom cirkusowych pedagogow zaběrachu so wobdźělnicy z akrobatiku, žonglěrowanjom a artistiku. Přichodny tydźeń steja přirodowědne poskitki na programje farmy. Foto: Silke Richter

Lětuša bičwolejbulowa tura Radija Satkula je so 2. julija zahajiła. Hač do kónca awgusta hišće so mustwa na do­hromady dźewjeć stacijach wubědźuja. W małej seriji­ jednotliwe hrajnišća předstajamy.

Pančicy-Kukow (SN/pdź). Hač dotal běchu stacije bičtury Satkule stajnje derje wopytane. 15 mustwow mějachu w Ra­dworju, 21 w Njebjelčicach a 17 póndźelu w Hórkach. Problem na tajkim bohatym wobdźělenju pak je, zo je hrajny čas na jeničce pjeć mjeńšin wobmjezowany a zo maja mustwa mjez swojimi hrami zwjetša dołhe přestawki. To pak so přichodnu póndźelu najskerje změni.

„Wjeselu so jara na přichodnu staciju w Pančicach-Kukowje, dokelž maja tam dwě hrajnišći a nic kaž dotal jenož jedne“, praji Jan Kola z Bronja, kotryž běše so hač donětka na kóždej staciji wobdźělił. „Nadźijomnje rozsudźa so Satkularjo potom tež za to, hrajny čas podlěšić. Pjeć mjeńšin je drje za krótku hru dosahace, ale hraju rady tež trochu dlěje.“

Kak měli dróhotwarske naprawy w gmejnje Ralbicy-Róžant rjadować?

Ralbicy (JK/SN). Na swojim minjenym a zdobom poslednim posedźenju so ­nachilaceje wólbneje doby zaběrachu so gmejnscy radźićeljo Ralbic-Róžanta mjez druhim z porjedźenjom a wobnowjenjom komunalnych dróhow. Za to ­dóstachu spěchowansku podpěru z programa k wotstronjenju zymskich škodow. Na teritoriju delanskeje gmejny pak je wjele wjac dróhow a pućow, kotrež maja porjedźeć, hač je pjenjez k dispoziciji. Tak mějachu radźićeljo łoskoćiwy nadawk, rozsudźić, hdźe porjedźeć dać, abo hač by snadź lěpje było, wšudźe kusk płatać?

Sulšecy. Z natočenjom piwa a wubědźowanjom wohnjowych wobornikow, staršich hač 40 lět, započnje so dźensa wjesny swjedźeń w Sulšecach. Jutře w 13 hodź. přizamknje so 6. wubědźowanje wjesnych mustwow w třělenju jědnatkow. Wjeršk budźe njedźelu wot 16 hodź., hdyž přeproša wjesne žony na tradicionalne dźiwadłowe předstajenje pod hesłom „Směm ja prosyć ...?“.

Pokradnjeny bager namakali

Haslow. Z twarnišća w Haslowje su nje­znaći w nocy na štwórtk 30 000 eurow drohi bager pokradnyli. Wotwjezli su jón z transporterom, kotryž běchu do toho w susodnych hornich Sulšecach spakosćili. Wčera připołdnju swědk transporter ze skóncowanym kolesom a z pokrad- njenym bagrom na dróze mjez Smochćicami a Wulkim Wjelkowom wuhlada.

Kulow. Na sportnišću Kulowskeho sportoweho towarstwa DJK połoža přichodnu wutoru, 23. julija, zakładny kamjeń za nowe socialne twarjenje, kotrež ma dotalne narunać. W starym běchu nuzniki skóncowane, tepjenje často wupadny a cyły dom bě dodźeržany. Nětko stworja porjadne poměry za hrajerjow kaž tež za přihladowarjow, rjekny twarski nawoda Udo Popjela.

Na folklorny festiwal

Hórki. Jánošíkove dny w Terchovje přićahuja kóždolětnje zajimcow słowakskeje a mjezynarodneje folklory. Tež bus ze Serbow pojědźe wot 2. do 4. awgusta na mjezynarodny folklorny festiwal do Słowakskeje. W nocy na pjatk bus wotjědźe. Po puću sej historisku drohoćinku Słowakskeje wobhladaja. Po krótkim přebytku w hotelu w Žilinje pojědu na festiwalnišćo. A tež sobotu chcedźa tam přebywać. Někotre městna w busu su hišće swobodne. Štóž chce sobu jěć, njech přizjewi so pola Šołćicow w Hórkach pod telefonowym čisłom 035796 /95012.

Z kajakom po Sprjewi

Zetkanje z wuspěšnym młodym delnjoserbskim komponistom Sebastianom Elikowskim-Winklerom

Jeho wjesołe wašnje mi hnydom napadnje, jako so ze 40lětnym komponistom Sebastianom Elikowskim-Winklerom w Budyšinje zetkam. Delnjoserb, kiž hižo 20 lět w Berlinje bydli, je wot lětušeho februara w Serbskim ludowym ansamblu na poł městnje jako dramaturg za reje a hudźbu kruće přistajeny.

„Tydźensce přijědu do Budyšina. Dźěło mi radosć wobradźa, wšako hižo wjele lět jako swobodny wuměłc programy zestajam a koncerty organizuju. Dźěło tule w SLA za mnje ničo zasadnje noweho njeje, ale mje wobkuzłuje, dokelž móžu nětko sobu k tomu přinošować, zo serbsku kulturu, serbsku hudźbu dale a wuspěšnišo po kraju kaž tež we wukraju šěrimy, zjawnosći na zajimawe wašnje spřistupnjamy“, powěda młody muž. Wón so dźeń a hłubšo do wosebitosćow SLA zanurja, zo by swojemu přeću wotpowědował.

Zhromadny projekt Załožby za serbski lud, Serbskeju muzejow Budyšin a Choćebuz, Muzeja za moderne a načasne wuměłstwo Koroška (KGLU) Slovenj Gradec (Słowjenska) a Muzeja moderneho wuměłstwa Korutanskeje (MMKK) w Celovecu „Přechod 03“ wopřijima literaturu, hudźbu a tworjace wuměłstwo. Wustajeńca twórbow rěka „Wobrazy krajiny“ a je tuchwilu w Budyšinje přistupna. Nazymu pućuje přehladka do Ljubljany kaž tež do Slovenj Gradeca, po tym do Celoveca a Pliberka a klětu do Choćebuza.

Dohromady dwanaće wuměłcow – stajnje štyrjo z Němskeje, Słowjenskeje a Awstriskeje – pokazuje we wobłuku wustajeńcy swoje wudźěłki. Plusnikečanka Iris Brankačkowa je hesło projekta kaž tež titul wustajeńcy konsekwentnje wukła­dujo rozdźělne mólby za přehladku wu­zwoliła. Přechod symbolizuje gouachowa montaža „Při hrjebi“, a to posłownje runje tak kaž w přenjesenym zmysle. Zwobraznjena holca so takrjec ducy zhubi.­ Zdobom hodźi so twórba jako reminis­cenca na renesansu, złožowaca so na torsa antiki, interpretować. Wo­lijowe mólby, mjez nimi „Spušćadło“ a „Mróčele wječor I“, pokazuja impresije přirody.