Pokiwy (07.01.22)
Boža mša z hudźbu
Žylow. Ewangelska cyrkej Berlin-Braniborska-šleska Hornja Łužica a Dešnjanska wosada přeprošatej na serbsku bohosłužbu z hudźbu. Zajutřišim, 9. januara, zaklinča w 10 hodź. w Žylowskej cyrkwi duchowne twórby wuznamnych komponistow. Dźěłowa skupina Serbske kemše poskići serwis jězbneje słužby, zajimcy njech wobhonja so pod telefonowym čisłom 0355/ 4858745.
Kak dale w EU?
Rozhłós (07.01.22)
njedźelu hornjoserbsce
11:00 Łužica tutón tydźeń z powěsćemi a pokiwami
11:15 Naprašowanje: Što wě młodźina wo Janu Radyserbje-Wjeli?
11:25 200. narodniny Jana Radyserba-Wjele
12:00 Nabožne wusyłanje
(Jan Malink)
po tym zbožopřeća
delnjoserbsce
12:30 Aktualny magacin, mjez druhim z powěsćemi a pokiwami
13:00 Lětna bilanca Serbskeho rozhłosa 2021 (1. dźěl)
13:40 Nabožne wusyłanje
(Till Wojto)
po tym zbožopřeća
Jubilej a digitalizacija
Ćežišćo přichodneho telewizijneho magacina Wuhladko je jubilej Serbskeho ludoweho ansambla. Jeničke profesionalne serbske ćěleso, předstajace hudźbu, reje a hudźbne dźiwadło, bu před 70 lětami załožene. Zdobom wěnuja so dosć ćežkej situaciji w SLA w minjenymaj lětomaj, w kotrymajž běchu pandemije dla něhdźe 150 planowanych zarjadowanjow kaž tež turneje, mjez druhim po Chinje, Španiskej a Ruskej, wupadnyli.
Pod hesłom „Quo vadis digitalne serbstwo“ zhladuje Wuhladko na spočatk decembra wotmětu druhu serbsku digitalnu konferencu a rozjimuje prašenje, hač drje je „dosć kmanych a kompetentnych ludźi“, kotřiž móža sep „idejow a inowatiwnych konceptow“ zwoprawdźić. Z dalšim přinoškom wuhódnoća lońšu „Hodownu akciju“. Publikum bě za nju dohromady 45 „hodownych drohoćinkow“ zapodał, a něhdźe 3 000 přihladowarjow je wo nich wothłosowało. Nimo toho portretuja w magacinje Budyske towarstwo Dźěłań dźeń a pokazaja, kak předsyda André Měrćink unikatne kickery zhotowja.
Kampanja „Coozwěrjo lěta“ je rekordnu sumu 150 000 eurow ...
Křižowka (30.12.21)
Wodorunje: 3 twarski material, 5 so lubjaca, 6 italska stolica w swójskim pomjenowanju, 7 elan, pep, 10 geografiski plan, 13 dopis, 14 koparski klub Mailanda, 15 ukrainska stolica – němsce pisane
Padorunje: 1 zymski zjaw, 2 ryba, 3 drohoćinka z morja, 4 drohotny płat, 8 dopokaz njepřitomnosće, 9 jednacy cyłk ludźi, wuběrk, 11 ludowědny awtor z Ralbic, 12 ratarsko-
Protyka (30.12.21)
Pjatk 31.12. silwester
Njedźelu 2.1. 10:00 Rozhłosowy sćelak MDR-Kultur wusyła Božu mšu ze Smochčanskeje cyrkwje swjateho Bena
14:30 Ekumeniski nyšpor w Budyskej cyrkwi Našeje lubeje knjenje
Wutoru 4.1. 17:00 Zhromadny webinar Wojerowskeho Konrada Zusoweho muzeja ZCOM a tamnišeje Centrale za přetrjebowarjow pod hesłom „Kak wěsty je mój mobilny telefon? Whatsapp, Instagram a škit datow“ pod
Štwórtk 6.1. Třoch kralow
Pokiwy (30.12.21)
Wustajeńcy w Delnjej Łužicy
Choćebuz. Muzeje w Braniborskej su pod dodźerženjom hygienowych předpisow dale přistupne. Kołowokoło Noweho lěta poskićeja wustajenišća přehladki we wosebitych wotewrjenskich časach. Tak pokazuje Choćebuski Serbski muzej wosebitej wustajeńcy „Kultura na hodownych swjedźenjach“ resp. „Sammelsurbium – Serbskosć na tworach a we wabjenju“ mjez druhim kónc tydźenja wot 13 do 17 hodź. Silwester pak wostanje dom zawrjeny. Lubnjowski Błótowski muzej přeproša zajimcow na přehladku wo „Dowolu za čas NDR“ wšědnje wot 11 do 16 hodź. Jutře, 31. decembra, witaja tam hosći wot 11 do 14 hodź. Domizniski muzej w Dešnje je hač do 1. januara wšědnje wot 14 do 16 hodź. přistupny. Hollandski młyn w Tšupcu móža sej wćipni silwester a Nowe lěto wot 10 do 16 hodź. wobhladać, po tym rozšěrja tam wotewrjenske časy a wjesela so wot 9 do 17 hodź. nad zajimcami.
Objekty domizny pućuja
Rozhłós (30.12.21)
Silwester hornjoserbsce
6:00 Powěsće, pokiwy a přinoški, mjez druhim z bilancu nawodnicy studija Serbskeho rozhłosa Bognu Korjeńkowej
7:15 Wěda, wědomosć a wunamakanki
7:30 Dźěćace powěsće a pokročowanje serije „Čerwjeny dźenik“ Sylwije Šěnoweje
W běhu wusyłanja předstaji spěwytwórc rokotak prapremjernje nowy spěw
delnjoserbsce
12:00 Silwesterske anekdoty: „Swjedźeń konsulow a monstrum bamža“
12:30 Kulturne pokiwy a wuhlad na njedźelniši program
12:45 Nabožne wusyłanje
(Tobias Pawoł Jachmann)
po tym zbožopřeća
19:00 Wospjetowanje cyłeho wusyłanja
Nowe lěto hornjoserbsce
11:10 Powěsće, mjez druhim z bilancomaj chóra Lipa a dźiwadłoweje skupiny Konjecy-Šunow
11:20 Naše lube skoćata – Wo zwěrjatach lěta 2021
12:00 Nabožne wusyłanje
(Jadwiga Malinkowa)
po tym zbožopřeća
12:30 Wurězki z oratorija Korle Awgusta Kocora a Handrija Zejlerja „Zyma“
Delnjoserbski rozhłosowy program RBB sobotu, Nowe lěto, njewusyła
Njedźelu, 2. januara, hornjoserbsce
11:00 Łužica tutón tydźeń z powěsćemi a pokiwami
Pokiwy (23.12.21)
Ze serbskej štučku
Drježdźany. Wosebity digitalny nyšpor wuhotujetej Drježdźansko-Mišnjanske biskopstwo a Sakska ewangelsko-lutherska krajna cyrkej jutře, patoržicu, we 18 hodź. Nutrnosć, kotruž móža sej zajimcy pod wobhladać, změje tež serbski podźěl. Serbskich wěriwych běchu namołwjeli za to druhu štučku pěsnje „Ćicha nóc“, w swojej maćeršćinje spěwajo jako widejo ze šmóratkom natočić a zapodać. Hotowy produkt pokazaja k zakónčenju swjatočneho nyšpora.
Kemše znowa w livestreamje
