Protyka (22.04.22)
Sobotu 23. a 24.4. Wubědźowanje starych motorskich „Bóščanski třiróžk“ w Bóščanskej gmejnje
Sobotu 23.4. 10:00 19. němsko-serbske nalětnje přirodowe wiki w Stróži (Wartha)
15:00 Dialogowe pućowanje pod hesłom „Łamki a mosty“ w Njebjelčicach – start: na parkowanišću při gmejnskim centrumje
17:00 Swjedźeń składnostnje Dnja piwa w Kulowskej Glaabec piwarni z wodźenjom po zawodźe a dujerskej hudźbu
19:00 8. bal narodneje drasty na žurli Ćišćanskeho hosćenca „Zeleny wěnc“
Njedźelu 24.4. 10:00 Zahajenje zeleneje sezony Kulowskeho jěchanskeho towarstwa na tamnišim jěchanišću
14:00 Zahajenje zahrodoweje sezony w zežiwjenskim a zelowym centrumje Klóšterskeje zahrody w Pančicach-Kukowje
14:00 Nalětni koncert Slepjanskeho Serbskeho folklorneho ansambla na Trjebinskim Šusterec statoku
15:00 Wodźenje po hrodowym parku Smochčanskeho kubłanišća swj. Bena
15:00 Finisaža wustajeńcy „5 x Němska po wšěm swěće“ z wodźenjom fotografa Jörga Müllera
Póndźelu 25.4. 17:00 Dźěłarnička „Socialne medije zrozumić“ w Budyskim Kamjentnym domje
Wutoru 26.4. 14:00 Škotowy turněr serbskich seniorow w hosćencu při bywšej Kozarčanskej kupjeli
Pokiwy (22.04.22)
Tradicionalne nalětnje wiki
Stróža. Biosferowy rezerwat Hornjołužiska hola a haty a domizniske towarstwo Radiška přeprošatej jutře, sobotu, na 19. němsko-serbske nalětnje wiki na dworje Domu tysac hatow w Stróži. Dypkownje k zahajenju zahrodkoweje sezony poskića zahrodnistwa sywy starych a nowšich družin sadu, zeleniny a korjeninow; wikowarjo předawaja ekologiske regionalne produkty. Hosćo smědźa so nimo toho na pisany kulturny program kaž tež na prezentaciju tradicionalnych rjemjesłow wjeselić. Wiki su wot 10 do 17 hodź. wotewrjene, zastup je darmotny.
Wo wysokim nabožnym swjatku
Smochćicy. Dźěłowe koło „Zetkanje ze židowstwom“ wuhotuje póndźelu, 25. apryla, wosebity přednošk „Hosćina pessach we fokusu“. Farar dr. Michael Kleiner rozłožuje wšelakore aspekty jednoho z najwyšich nabožnych swjedźenjow Židow, kotryž hodźi so nastupajo woznam z křesćanskimi jutrami přirunować. Přednošk w Smochčanskim kubłanišću swj. Bena započnje so w 19.30 hodź., zastup je darmotny.
Ze žiwjenja serbskeho fararja
Rozhłós (22.04.22)
njedźelu hornjoserbsce
11:00 Łužica tutón tydźeń
11:20 70 lět Płomjo/Płomje
12:00 Nabožne wusyłanje
(Jadwiga Malinkowa)
po tym zbožopřeća
delnjoserbsce
12:30 Aktualny magacin, mjez druhim z přinoškom wo Kurjojc muzeju w Blunju a kolumnu „Tak ja to widźu“ wo serbskich kemšach w Delnjej Łužicy
13:00 Tematiske wusyłanje: Oratorij „Nalěćo“ Korle Awgusta Kocora a Handrija Zejlerja
13:40 Nabožne wusyłanje
(Madlena Norbergowa)
po tym zbožopřeća
Jutry po jutrach
Z aprylskim wudaćom telewizijneho magacina Łužyca postrowi moderator Christian Mathée přihladowarjow z Dešnjanskeho domizniskeho muzeja. Pod nawodom fachowče Katrin Šwjelineje wuspyta so wón mjez druhim w debjenju jejkow – štož je tam hladajo na „małe jutry“ tež po hłownym swjatku „hišće dowolene“.
Dalšej přinoškaj wěnujetej so Mozaikowej šuli w Picnju, hdźež zahaja spočatk meje znowa wučbu serbšćiny, a dźěłarničce rěčneho projekta Zorja za wožiwjenje delnjoserbšćiny po přikładźe a metodźe „dospołneje imersije“ Arapaho-indiana a profesora za antropologiju a indigene studije na Uniwersiće Montana dr. Neyooxeta Greymorninga.
Nimo toho portretuje Łužyca Helmuta Kurja z Blunja, jednoho z poslednich nałožowarjow tamnišeje serbskeje narěče, a „nawrótnika do Łužicy“ Janka Danneckera.
Telewizija RBB wusyła magacin sobotu, 23. apryla, w 13.30 hodź. Wospjetowanje na samsnym sćelaku slěduje srjedu, 27. apryla, w 2.45 hodź. W medijatece RBB je aprylske wudaće wot jutřišeho cyłe lěto kóždy čas přistupne.
Do kina (21.04.22)
Pokiwy (14.04.22)
Předstaja „Pasion po swj. Janje“
Budyšin. „Pasion po swj. Janje“ Johanna Sebastiana Bacha je jedna z wusahowacych twórbow wysokeho baroka. W jutrownym času ju njeličomne ćělesa po cyłym swěće předstajeja. Po dwulětnej přestawce móža ju zajimcy tež zaso w Budyšinje dožiwić. Pod nawodom cyrkwinskeho hudźbneho direktora Michaela Vettera koncertuja wokalny ansambl swj. Pětra, orchester Dresden Barock a solisća w cyrkwi Marje a Marty. Dźensa, zeleny štwórtk, wuhotuja w 19.30 hodź. zjawnu generalku; jutře, ćichi pjatk, slěduje w 14.30 hodź. dalše předstajenje we wobłuku nutrnosće. Zastup je darmotny.
Rědke drohoćinki
Budyšin. Numismatiske towarstwo Budyšin zarjaduje jutře, 15. apryla, wot 9 hodź. „Wulke wiki a bursu za zběraćelow“ w Budyskim Serbskim domje. Mjez druhim prezentuja historiske pjenjezy, medalje, pohladnicy a listowe znamki, kotrež móža zajimcy tež kupić abo měnjeć. Nimo toho poskića wopytowarjam napoje a přikusk. Zastup je darmotny.
Pěstuja staru tradiciju
Dźensa wotewri Hórnikečanska energijowa fabrika sezonu drezinow. ...
Takle křižerjo lětsa pojěchaja
| Procesion | wotjěcha | do | přijěcha | wotjěcha domoj | dojěcha |
| Budyšin | 10.30 | Radworja | 12.15 | 14.45 | 16.30 |
| Ralbicy | 9.15 | Kulowa | 12.15 | 15.15 | 18.00 |
| Kulow | 9.20 | Ralbic | 12.00 | 15.00 | 18.00 |
| Chrósćicy | 12.15 | Pančic | 15.00 | 15.30 | 17.00 |
| Pančicy | 12.45 | Chrósćic | 14.00 | 15.00 | 17.30 |
| Radwor | 11.45 | Baćonja | 13.45 | 15.30 | 17.30 |
| Baćoń | 12.00 | Radworja | 14.00 | 15.30 | 17.30 |
| Njebjelčicy | 12.00 | Wotrowa | 14.00 | 15.30 | 17.00 |
| Wotrow | 12.00 | Njebjelčic | 14.00 | 15.30 | 17.30 |
Protyka (14.04.22)
Štwórtk 14.4. 10:00 Zahajenje sezony w Njeswačanskim baroknym hrodźe
19:30 Předstajenje SLA „Són swjatojanskej‘ nocy“ w Budyskim NSLDź
Pjatk 15. do 18.4. Jutrowne wiki z debjenjom jutrownych jejkow w Budyskim Serbskim muzeju
Pjatk 15.4. 16:00 Jutrowne spěwanje z chórom Łužyca w Dešnjanskej cyrkwi
Sobotu 16.4. 10:00 Předstajenje serbskich jutrownych nałožkow w Budyskej Serbskej kulturnej informaciji
15:00 Nalětni koncert z chórom Budyšinom na žurli Budyskeho Serbskeho muzeja
15:00 Jutrowne pućowanje po Čornochołmčanskim Krabatowym młynje
Njedźelu 17.4. 5:00 Jutrowne spěwanje před Slepjanskej cyrkwju
6:00 Jutrowne spěwanje we Wuježku (Wuischke)
7:00 Jutrowna nutrnosć na Rownjanskim kěrchowje
10:00 Jejkakulenje na Budyskim Hrodźišku (Protschenberg)
Rozhłós (14.04.22)
Ćichi pjatk, hornjoserbsce
11:00 Křižowy puć Sulšečanskich holcow
11:20 Rekwiem
12:00 Nabožne wusyłanje (Jan Malink)
12:15 Nałožki na wulkim pjatku
delnjoserbsce
12:30 Nabožne wusyłanje
(Christiana Piniekowa)
12:45 Postrow za dźěći: Zaječe wuši
13:00 Žarowanske spěwy
13:30 Druhi kurs delnjoserbšćiny za Witaj-wučerki we wokrjesu Sprjewja-Nysa
13:45 Jutrowne pokiwy
Jutrownička, hornjoserbsce
11:00 Jutrowne rozprawnistwo a pokiwy
11:20 Oratorij „Nalěćo“ Korle Awgusta Kocora a Handrija Zejlerja
12:00 Nabožne wusyłanje
(Florian Mróz)
po tym zbožopřeća
delnjoserbsce
12:30 Nabožne wusyłanje
(Till Wojto)
12:45 Postrow za dźěći: Jutry w zaječej šuli
13:00 Swjedźenska hudźba
13:30 Tematiske wusyłanje: Nalětnje pućowanje po blišej domiznje
po tym zbožopřeća
Jutry póndźelu, hornjoserbsce
11:00 Jutrowne rozprawnistwo, mjez druhim z facitom wo procesionach křižerjow
12:00 Nabožne wusyłanje
(Thomas Haenchen)
po tym zbožopřeća
20:00 Radijo Satkula
delnjoserbsce
12:30 Dźěćace wusyłanje
12:45 Přinošk wo jutrownym spěwanju w Dešnjanskej cyrkwi
