Dobra perspektiwa za Łužicu?
Powšitkownje kročel Vattenfalla witaja
Berlin/Drježdźany (dpa/K/SN). Po tym zo je z wčerawša wěste, zo přeńdźe brunicowa sparta Vattenfalla do rukow čěskeho koncerna EPH njedadźa reakcije na so čakać.
Sakski premier Stanisław Tilich (CDU) čěske předewzaće namołwi, njemyslić jenož na wunošk. „Cyle rozsudne za mnje je, zo zawěsća so dźěłowe městna a zo přiznaje so nowy mějićel k brunicy tež přichodne lětdźesatki, zdobom pjenjezy rezerwujo za renaturizowanje.“ Nimo toho dyrbja so trěbne procesy přestrukturowanja w přezjednosći z knježerstwomaj Sakskeje a Braniborskeje přewjesć, Tilich dale žada. Sakski hospodarski minister Martin Dulig (SPD) ma změnu za „wažny signal“ za přichod Łužicy. „Wjeselimy so, zo ma z kóncom ćahańcy 7 500 njeposrědnje potrjechenych ludźi we łužiskim rewěrje zaso perspektiwu.“ Po wudawanju hospodarskeho ministerstwa zwoprawdźi so změna wobsydstwa w přichodnych měsacach.
Steinmeier zběžk wopominał
Prawicarjo zajeći
Proces zahajeny
Jednanja traja
Wuchodnu flanku NATO sylnić
Chcedźa teologiju zesylnić
Berlin (B/SN). Senat a arcybiskopstwo Berlin chcetej seminar za katolsku teologiju na Swobodnej uniwersiće (FU) zesylnić. Knježacy měšćanosta Michael Müller (SPD) a arcybiskop Heiner Koch chcetaj so zhromadnje za to zasadźić, zo zarjaduje so wučbny stoł (Lehrstuhl) na seminarje a so trajnje wobsadźi.
Starosć wo wuslědki wólbow
Magdeburg/Dessau-Roßlau (B/SN). Anhaltski cyrkwinski prezident Joachim Liebig starosći so přez wuslědki wólbow do krajneho sejma, „zastróžany přez wulku ličbu ludźi w našim kraju, kiž po wšěm zdaću začuwaja, zo na nich nichtó njesłucha a jich nichtó njerozumi“. Wón ma strach před tajkimi negatiwnymi konsekwencami za Saksko-Anhaltsku.
Wo křesćanach w orienće
To a tamne (19.04.16)
Lěto do jastwa dyrbi młody muž w Frankfurće nad Mohanom, dokelž bě wospjet bjez jězbneje dowolnosće z awtom jěł. Hakle před tydźenjomaj bě sudnistwo 20lětneho samsneje přičiny dla na pruwowanski čas zasudźiło. Najebać to so muž zaso za wodźidło swojeho słužbneho awta sydny, kaž wobraz błyskaća dopokazuje. Argument, zo jako twarski předewzaćel awto nuznje trjeba, sudnistwo njeakceptowaše a město toho jězbnu dowolnosć na dwě lěće blokowaše.
Aktiwisća wobswětoškitneje organizacije Greenpeace su w Londonje pomnikam wjacorych sławnych wosobinow płunowe maski sadźili, zo bychu na zanjerodźenje powětra w britiskej stolicy skedźbnili. Potrjecheny bě pomnik legendarneho Olivera Cromwella před parlamentom runje tak kaž statua admirala Nelsona na Trafalgar Square.
Łužica (19.04.16)
Zahaja sezonu
Zły Komorow/Hórnikecy (dpa/ch/SN). Łužiska jězorina dale rosće. Ze startom do noweje sezony tele dny čaka na wopytowarjow cyłkownje dwanaće kupanskich jězorow. „Oficialnje přidruži so Bergheidski jězor we wokrjesu Łobjo-Halštrow. Klětu ma so tež w Ranju kupanska sezona zahajić“, praji Katja Wersch, rěčnica turistiskeho zwjazka Łužiska jězorina. Njejasne pak je dale, hdy budźe solarny katamaran mjez Złym Komorowom a Lejnom jězdźić. Dalše twarnišćo je hišće Hórnikečanski jězor pola Wojerec. Tam maja bórze zhusćenske dźěła z pomocu płuwacych kranow zakónčene być. Kompletne saněrowanje traje drje hač do lěta 2020/2021.
Železniska čara zawrjena
