Kraj a swět

Demokratiju zakitować

wutora, 23. februara 2016 spisane wot: dpa/Cyril Kola

Berlin (dpa/K/SN). Sakski premier Stanisław Tilich (CDU) ma po hrózbnych po- dawkach w swojim kraju a přećiwo ćěkancam wobydlerjow za namołwjenych. Demokratiju zakitować dyrbi cyła towaršnosć. „Policija a politikarjo sami to njezdokonjeja“, rjekny wón wčera w telewizijnym sćelaku ARD. Trjeba je wjace ciwilneje kuraže za to, podusyć prawicarskoradikalnu zmyslenosć. Tilich přizna, zo ma Sakska zasadny problem z prawicarskim ekstremizmom a z hidu napřećo cuzym. Tohodla je jeho zwjazkowy kraj hižo před lětami wutworił wosebitu komisiju kriminalneje policije přećiwo prawicarstwu a přewjedł tójšto demokratiskich projektow, zo by wobydlerstwo sylnił.

dale čitać ...

NSA kanclerku wotposkała

wutora, 23. februara 2016 spisane wot: dpa/Cyril Kola

Berlin (dpa/K/SN). Wobčušlowanje němskeje kanclerki Angele Merkel (CDU) přez ameriskich spionow měješe po nowych informacijach wjele wjetši rozměr hač dotal znate. WikiLeaks je w nocy někotre tajne dokumenty publikowała, po kotrychž je ameriska tajna słužba NSA mjez druhim w decembru 2008 telefonat kanclerki z generalnym sekretarom UNO Ban Ki-moonom wotposkała. Při tym chwaleše Ban Merkel za jeje prócowanja w boju přećiwo změnje klimy. Tak je wona swojich kolegow w EU přeswědčowała, tohorunja za to so zasadźeć. Loni su Süddeutsche Zeitung kaž tež sćelakaj WDR a NDR rozprawjeli, zo bě NSA zarjad kanclerki a jeje mobilny telefon wjele lět wobčušlowała.

dale čitać ...

Žane dojednanje

wutora, 23. februara 2016 spisane wot: dpa/Serbske Nowiny

Athen (dpa/K/SN). Konflikt mjez grjekskim knježerstwom a protestowacymi ratarjemi traje. Prěnja rozmołwa mjez premierom Alexisom Tsiprasom a 24 zastupnikami burskich zwjazkow wosta bjez wuslědka. Ratarjo wobaraja so čućiwym reformam rentow a dawkow. Knježerstwo je zwólniwe, zwyšenje rentoweho přinoška ze sydom na 20 procentow dochodow zawjesć, ale hakle w lěće 2021.

dale čitać ...

Najwyši nadbytk

wutora, 23. februara 2016 spisane wot: dpa/Serbske Nowiny

Wiesbaden (dpa/K/SN). Rosćace hospodarstwo a k tomu robustne dźěłowe wiki su němskemu statej najwyši nadbytk po znowazjednoćenju kraja wobradźili. Zwjazk, kraje a komuny su loni pod smuhu dobre 19,4 miliardy eurow wjace měli, hač běchu wudali. Kaž Wiesbadenski Zwjazkowy statistiski zarjad zdźěla, je docpěty plus telko kaž 0,6 procentow hospodarskeho wukona.

dale čitać ...

Přiměr akceptowany

wutora, 23. februara 2016 spisane wot: dpa/Serbske Nowiny

Damaskus (dpa/SN). Syriski režim je přiměr bróni, kotryž běchu USA a Ruska wujednali, akceptował. Po informacijach syriskeje powěsćernje Sana pak stanje so to pod wuměnjenjom, zo Syriska přećiwo teroristiskej milicy Islamski stat a z njej zwjazanym skupinam dale wojuje. Ruska a USA běchu so wčera wječor na přiměr dojednali, kotryž ma wot pjatka wječora płaćić.

dale čitać ...

Prašeja so za biblijemi

wutora, 23. februara 2016 spisane wot: Beno Budar

Stuttgart (B/SN). Naprašowanje křesćanskich ćěkancow za darmotnymi biblijemi w Němskej je po informaciji bibliskeho towarstwa wulke. Naprašowanja přichadźeja wosebje z wosadow, přijimanskich zarjadnišćow, pomocnych skupin kaž tež z křesćanskich skutkow, kaž bibliske towarstwo w Stuttgarće zdźěli. Wjace hač třećina naprašowanjow poćahuje so na wudaća Swjateho pisma w arabšćinje a 21 procentow jendźelšćinje.

„Luther mnichow wuhnał“

dale čitać ...

To a tamne (23.02.16)

wutora, 23. februara 2016 spisane wot: dpa/Serbske Nowiny

2 500 litrow ilegalnje zhotowjeneho palenca z podźělom alkohola hač do 73 procentow su bayerscy cłownicy w bróžni njedaloko Passauwa našli a sćazali. Namakali su tež pjelnjene a etiketowane bleše wšelakich wulkosćow a słodow. Ratar, kotremuž bróžnja słuša, bě cłownikam hižo loni napadnył, předawajo palenc na burskich wikach. Hač je jón sam palił a hač napoj strowoće škodźi, fachowcy nětko přepytuja.

dale čitać ...

Łužica (23.02.16)

wutora, 23. februara 2016 spisane wot: dpa/Monika Dyrlichowa

Rozšěrja zwobraznjenja pasiona

Nowa Cala (dpa/ch/SN). Wustajene barokne zwobraznjenja pasiona w muzeju klóštra Nowa Cala maja so wudospołnić. W juniju zahaja so restawraciske dźěła na dalšim scenowym dźělu, zdźěli wčera załožba Wustaw Nowa Cala. Tuchwilu stej dwě z 15 scenow pasionskich zwobraznjenjow čěskeho wuměłca z 18. lětstotka widźeć. Hač do nalěća 2018 ma so dwaceći jewišćowych dźělow z drjewa a płata kaž tež sydom wulkich drjewjanych figurow restawrować. Pasionske zwobraznjenja běchu něhdy w dojutrownym času w cyrkwjach nastajeli, zo bychu na ćerpjenje Jězusa dopominali. Muzej „Njebjeske dźiwadło“ su loni w měrcu w klóštrje Nowa Cala wotewrěli.

K pjenježnej pokuće zasudźeny

dale čitać ...