W lěsnej kupjeli bičwolejbul hrali
Energija na generalce so blamowała
FC Energija Choćebuz –
Hannover 96 II 0:3 (0:2)
Energija Choćebuz: Bethke – Hasse (46. Bretschneider), Slamar (46. Kaizer), Campulka, Rorig, Hofmann (46. Möker), Putze, Cigerci, Proničew, Hajrulla (62. Shcherbakovski), Krauß (46. Halbauer)
slěd wrotow: 0:1 Chakroun (4.), 0:2 Besuschkow (15.), 0:3 Sanne (57.)
Kajke to přesłapjenje za fanow FC Energije wosom dnjow do prěnjeje hry w třećej lize. Přećiwo druhemu zastupnistwu Hannover 96, kotrež bě kaž Energija skok do 3. ligi docpěło, dožiwichu njepřijomnu domjacu poražku 0:3. Hosćo pokazachu agresiwnu a ofensiwnu hru a njedachu Energiji šansy za porjadny natwar hry. Nimo toho pokazachu so staroznate wotwobaranske słabosće. Za Delnjosaksow bě lochko Łužičanow přez wysoke hrajne tempo kompletnje z hry wzać. Po 0:2 (15.) přińdźeštaj jeničce Jonas Hofmann a Tim Campulka z hłójčkowanym bulom w 36. min. wrotam bliže.
W druhim wotrězku běštej jenož direktnej wólnej kopaj Henryja Roriga a Cigercija naspomnjenjahódnej. Wobaj pak swój cil misnyštej. Zaměnjeny Phil Halbauer pozdźišo swobodnje stejo bul prawje njetrjechi, tak zo wosta tež tuta mała móžnosć njewužiwana.
Złoty start do olympiskich hrow za Němsku
Pjatk zahajichu so lěćne olympiske hry 2024 w Parisu z jednej z najlěpšich zahajenskich swjatočnosćow hdy. Fachowcy samo wo tym rěčachu, zo bě to najlěpša wotewrjenska ceremonija w stawiznach olympiskich hrow. Po tym, zo někotre discipliny kaž kopańca, mjetańca a rugby, časa dla hižo srjedu a štwórtk do wubědźowanjow startowachu, započinaše so potom sobotu tež za zbytne discipliny olympiske hry. A tak wudoby sej Němski olympiski cyłk hnydom na spočatku swoju prěnju złotu medalju. Lukas Märtens je so sobotu wječor wo prěni złoty wysk w němskim lěhwje postarał. 22lětny Magdeburgčan rozsudźi wubědźowanje přez 400 metrow w swobodnym stilu w 3:41,78 mjeńšinach za sebje a krónowaše so k prěnjemu němskemu olympiskemu dobyćerjej w płuwanskim basenku po Michaelu Großu 1988. W žónskim wubědźowanju płuwaše Isabel Gose jako pjata do cila.
Tež za němske mustwowe sportowe družiny bě to wuspěšny kónc tydźenja. Nimale wšitke cyłki su z dobyćom w swojich wotpowědnych skupinach startowali.
Seenland 100 – rjany kolesowarski podawk
Seenland 100 rěka znate zarjadowanje mjez druhim za běharjow a kolesowarjow. Event wotměwa so w Ranju (Großräschen) při přistawje tamnišeho jězora. Za kolesowarjow maja čary we wšelakich dołhosćach na wuběr, kaž 200 km, 150 km abo 110 km.
Njeje pak to wubědźowanske wurisanje, ale tak mjenowane kolesowarska turistiska jězba (RTF – Radtourismusfahrt). Tuž so tež čas njeměri. Ćim wažniše pak při tym je, zo čaru, za kotruž maš so do toho hižo přizjewić, zmištruješ.
Po puću a w cilu su zdobom zastaranske městnosće zarjadowanje.
Widźał,słyšał, napisał (29.07.24)
Awtor dźensa
André Strelow
Bičwolejbul w lěsnej kupjeli
Wuslědki (29.07.24)
Regionalna liga muži
Kamjeničanski FC – Halleski FC 0:0 (0:0)
FSV 63 Luckenwalde –
ZFC Meuselwitz2:2 (1:1)
BFC Dynamo – FC Carl Zeiss Jena 2:3 (0:2)
Hertha Zehlendorf –
FSV Zwickau 5:0 (3:0)
BSG Chemija Lipsk –
SV Babelsberg 031:1 (0:1)
FC Čerwjeno-běli Erfurt –
FC Eilenburg 2:0 (0:0)
VFC Plauen – FC Viktoria Berlin 2:3 (2:1)
Greifswaldski KK – Hertha BSC II 0:1 (0:0)
VSG Altglienicke – Lok Lipsk 0:1 (0:1)
1. Hertha 03 Zehlendorf 1 5 : 0 3
2. FC Čerwjeno-běli Erfurt 1 2 : 0 3
3. FC Carl Zeiss Jena 1 3 : 2 3
3. FC Viktoria 1889 Berlin 1 3 : 2 3
5. Lok Lipsk 1 1 : 0 3
5. Hertha BSC II 1 1 : 0 3
7. FSV 63 Luckenwalde 1 2 : 2 1
7. ZFC Meuselwitz 1 2 : 2 1
9. BSG Chemija Lipsk 1 1 : 1 1
9. SV Babelsberg 03 1 1 : 1 1
11. Kamjeničanski FC 1 0 : 0 1
11. Halleski FC 1 0 : 0 1
13. BFC Dynamo 1 2 : 3 0
13. VFC Plauen 1 2 : 3 0
15. Greifswaldski KK 1 0 : 1 0
15. VSG Altglienicke 1 0 : 1 0
17. FC Eilenburg 1 0 : 2 0
18. FSV Zwickau 1 0 : 5 0
Olympiske lětnje hry 2024 dźensa wječor w Parisu zahaja
Jónkrótne, puć rubace, fascinowace – tak wopisuje so wotewrjenska swjatočnosć Olympiskich hrow 2024 w Parisu, z toho časa, jako buchu prěnje plany za wosebite zarjadowanje před třomi lětami wotkryte.
Wot 26. julija hač do 11. awgusta je Paris městno gigantiskeho sportoweho podawka. Francoska stolica je hižo třeći króć po 1900 a 1924 hosćićel – jenož London bě dotal runje tak husto městno přewjedźenja. Mjeztym, zo so zašłe hry 2021 w Tokiju wo lěto zapozdźichu, a pod koronowymi postajenjemi tež w dalokej měrje bjez přihladowarjow wotměwachu, wočakuja w Parisu zaso milionow wopytowarjow ze wšeho swěta.
Prěni raz njewotměje so wotewrjenska ceremonija znutřka stadiona, ale z čołmami na rěce Seine. Dźensa wječor přeměni so francoska stolica do gigantiskeho stadiona a do najwjetšeho sportoweho jewišća. Tradicionalna parada atletkow a atletow ćehnje w čołmach na Seine nimo najsławnišich Pariskich charakteristiskich znamjenjow.
Sport (26.07.24)
Z Róžanta do Kulowa
Po zazběhowym turněrje w Ralbicach a dalšimaj w Jaseńcy a Róžeńće pozastanje team serbskeho młodźinskeho sćelaka MDR radijo Satkula póndźelu w lěsnej kupjeli w Kulowje. Mustwa zetkaja so w 17.30 hodź., hrać budźe so wot 18 hodź. Dalše stacije: 05.08. Njebjelčicy / 12.08. Chrósćicy / 19.08. Konjecy / 26.08. finale Miłoćicy.
Nowy kurs za sudnikow
Wuběrk sudnikow Zapadołužiskeho koparskeho zwjazka (WFV) planuje nowy kurs zajimcow 2024. Wšitke relewantne daty a informacije namakaja so na homepage WFV. Přizjewjenja dyrbja so bjezwuwzaćnje z mejlku na pósłać. Wažne: Za wuspěšne přizjewjenje trjeba sportowy přećel Rich wupjelnjeny přizjewjenski formular kaž tež próstwu wo zestajenje wupokaza za sudnika. Při prašenjach ke kursej resp. wupjelnjenju dokumentow móžeće so přez powěsć na 0176/83206424 přizjewić. Informaciske zarjadowanje přewjedźe so póndźelu, 12. awgusta, wot 18.30 hodź. w Biskopicach pola Biskopičanskeho KT.
Přihotowanske koparske hry
Kelko Serbow dožiwi Wšosokołske zlěty?
Njedawny 17. tajki wjeršk w Praze je rozmyslowanje wo poćahu Serbow k zetkanjam Sokołskeho hibanja wubudźił
Na 17. wšosokołskim zlěće wot 30. junija hač do 5. julija 2024 běchu znowa hosćo z mnohich krajow. Mjez něhdźe 20 000 Sokołami bě delegacija z Łužicy najmjeńša: W swjedźenskim ćahu po měsće bě za plakatom „Serbski Sokoł“ jeničce kwartet ze starostu Janom Hrjehorjom widźeć. Zo Serbja sylnišo zastupjeni njeběchu, zaležeše na paralelnje so wotměwacej Europeadźe, mišterstwje narodnych mjeńšin w kopańcy. Na prašenja kaž „Kak bě z ličbami wobdźělnikow na druhich zlětach, kak wysoka drje je cyłkowna ličba dotalnych wobdźělnikow a kak dołho scyła hižo Serbja na Wšosokołske zlěty jězdźa“, spytamy w slědowacym wotmołwić.
Serbja w čěskim Sokole zwučowali
