Widźał,słyšał, napisał (07.10.24)
Awtor dźensa
Beno Šołta
To běše kaž cyle nowe dožiwjenje!
Njedawno sym so zwažił na połmarathon, potajkim běh kiž je něhdźe 21 kilometrow dołhi. Tež hdyž sym hižo wjele wšelakich wubědźowanjow přewjedł, hač płuwanje, duatlon, triatlon a wězo tójšto běhow na distancu wokoło 10 kilometrow, běše to za mnje něšto noweho, njewědźach, što mje wočakuje. Tak daloko njejsym pospochi hišće ženje běžał – hakle šěsć dnjow do běha sym to testował. Je so poradźiło, a tak sym so přizjewił za połmarathon w Čěskim měsće Usti.
Snano njeje to najrjeńše město za prěni pospyt, přiwšěm sym lóšt dóstał na wjace. Prěnich 10 kilometrow bě wězo jednore, to znaju. Do 15 kilometrow běše wšo okay, potom běše napinace. A wot kilometra 18 bě to za mnje ekstremnje njepřijomne: mějach ćežkej noze, ćělnje běch na limiće, jenož we hłowje sej wumjetowach „dobry čas dotalnych kilometrow njebudźeš sej nětko na poslednich třoch zaso skepsać“. A tak běch w cilu wjesoły, zo mam to za sobu.
Wuslědki (07.10.24)
Kopańca, 3.Liga
Bor. Dortmund II –Dynamo Dr.2:1 (0:0)
R. horiny Aue – Hansa Rostock 1:2 (1:1)
Mnichow – Wehen Wiesbaden 2:3 (1:2)
Sandhausen – Waldh. Mannheim 2:1 (1:1)
Essen – Viktoria Köln 2:1 (0:0)
SC Verl – HZ Unterhaching 2:0 (0:0)
Hannover U23 – Ener. Choćebuz 0:0 (0:0)
Saarbrücken – Arminia Bielefeld 0:0 (0:0)
VfL Osnabrück – VfB Stuttgart II 1:0 (1:0)
1. Sandhausen 9 15 : 8 20
2. Dynamo Drježdźany 9 16 : 10 17
3. Wehen Wiesbaden 9 17 : 13 17
4. FC Energija Choćebuz 9 22 : 12 16
5. FC Rudne horiny Aue 9 14 : 12 16
6. Viktoria Köln 9 14 : 9 15
7. Arminia Bielefeld 9 9 : 8 15
8. 1. FC Saarbrücken 9 10 : 10 14
9. TSV 1860 Mnichow 9 12 : 15 12
10. Borussia Dortmund II 9 13 : 12 11
11. FC Ingolstadt 04 9 17 : 18 11
12. Čerwjeno-běli Essen 9 11 : 13 11
13. VfB Stuttgart II 9 13 : 16 11
14. Hansa Rostock 9 11 : 12 10
15. TSV Alemannia Aachen 9 7 : 10 10
16. Waldhof Mannheim 9 9 : 11 9
17. SC Verl 9 10 : 15 9
18. HZ Unterhaching 9 10 : 17 9
19. Hannover 96 U23 9 9 : 13 8
20. VfL Osnabrück 9 12 : 17 8
Sport (04.10.24)
Bórze rallye we Łužicy
27. mjezynarodna rallye ADMV we Łužicy pola Hamora přewjedźe so lětsa wot 1. do 2. nowembra. Pjatk změja zaso dwě hódnoćenskej pruwowani a njedźelu wosom. Zastup za dźěći pod 12 lětami je darmotny. Kónctydźenski tiket za wšitke dny płaći 36 eurow, jednotliwy za pjatk 16 a za sobotu 31 eurow.
Jěchanski turněr w Slepom
Jěchanske towarstwo Slepo přewjedźe sobotu jěchanski a skakanski turněr na jěchanišću w Slepom. Započatk wubědźowanjow budźe w 9 hodź. Za dźěći změja tam wšelake poskitki, mjez druhim wot 14 do 16 hodź. jěchanje na ponyjach.
Kopańca kónc tydźenja
W Chrósćicach hraje so njedźelu dwójce, hdyž přijědu koparjo z Wjelećina a Němskich Pazlic. Druhe mustwo SJC chce so po słabym starće do sezony wopokazać a přećiwo poslednjemu tabulki dypkować. Ćeši nadawk změje prěnje mustwo SJ Chrósćicy. Wone hraje přećiwo načolnikej wokrjesneje wyšeje ligi.
04.10. 19:00 Rakečanske ST –
SC Großröhrsdorf
05.10. 14:00 Biskopičanske KT 08 –
FC Jednota Wernigerode
05.10. 15:00 ST Kubšicy – ST Radwor
06.10. 11:00 Wujězd/Łaz/B. Chołmc –
Wul. Dubrawa/Radwor II
06.10. 12:30 SJ Chrósćicy II –
ST Wjelećin
06.10. 14:00 ST Marijina hwězda –
TSV Wjazońca
Po jasnym zastatku nimale hišće wurunali
ST Marijina hwězda –
HZ Huska/Hodźij 2:3 (0:3)
Zestawa domjacych: Czapik – Wróbl, E. Bulank, K. Pakoßnik (75. Schneider), Zynda, Peschmann, Langer (67. Hoge), R. Cyž, Ladewig (46. Bayer), Lugge, Clausen (46. Wünsche)
Sokoljo skónčnje zaso dypki zběrali
HZ Łaz/Běły Chołmc –
Sokoł Ralbicy/Hórki 0:4 (0:1)
Zestawa hosći: Schöne – Heidorn, Wałda, Rachela, Woko (68. Bejmak), Matka, Mjechela (77. Šołta), Šewc (84. Rawš), Gloxyn, L. Heidorn (62. Mikławšk), Hicka (68. Korjenk)
Po dobyću, poražce a třoch njerozsudnych hrach běše minjenu sobotu skónčnje zaso tak daloko. Sokoljo wróćichu so z Łaza z třomi dypkami. Byrnjež rezultat jasnje klinčał, běše to wjele dźěła.
Widźał,słyšał, napisał (01.10.24)
Awtor dźensa
Elias Bětka
Kolesowarske swětowe mišterstwo w Zürichu minjeny tydźeń běchu pisany spektakl z wjele přihladowarjemi, połnym wubědźowanskim programom a njedźelnišim wjerškom, jako wubědźowaše so muska swětowa elita na 250 km parcoursu přez Zürich a tamniši horni kraj. Kaž wočakowane móžeše so jedyn z faworitow přesadźić. Lětuši dobyćer Giro de Italia a Tour de France Słowjenc Tadej Pogačar doby wubědźowanje w spektakularnym solu 06:27:30 h. Awstralčanej Benej O‘Connorej a lońšemu dobyćerjej Nižozemjanej Mathieu van der Poelej zwostaštej jenož městnje dwaj a tři.
W telewizijnych wusyłanjach spóznaješ z perspektiwy helikoptera přeco jara rjenje z mjenom wubědźowarjow pomolowane dróhi. Fanojo napisaja tute do wubědźowanja na asfalt. Pódla mjenow faworitow pak jedne mjeno cyle wosebje husto padny. Njebě pak to žane z elity wubědźowanja mužow.
W Hlinowcu primusej ligi podleželi
Hlinowski SC –
SJ Chrósćicy II 6:0 (4:0)
Zestawa hosći: M. Mark – K. Mark, M. Donat, Kola, Rätze, J. Donat, Budar, Liznar, Handrik, Klemenc (66. Hojer), Zahrodnik
Zašłu njedźelu bě so rezerwa Chróšćan sportoweje jednotki na winowatostnu hru do Hlinowca podała. Tamniši primus ligi bě dotal wšitke swoje hry dobył. Tuž bě dewiza za hosći, so na defensiwu koncentrować a tak dołho kaž móžno nulu dźeržeć.
Jasna zazběhowa poražka
VfL Pirna-Copitz –
ST Viktoria Worklecy 3:0
(25:9, 25:15, 25:16)
Hakle njedawno wjeselachu so Worklečanscy wolejbulisća nad druhim městnom na derje wobsadźenym „Let‘s drive-cupje“ w Choćebuzu a čujachu so poprawom derje přihotowani na nowu sezonu w sakskej klasy.
Tola hižo w zazběhowej hrě dyrbjachu njerjanu realitu akceptować. Do Pirny dojědźechu sej Worklečenjo z minimalnym kadrom šěsć hrajerjow plus libero. Hrajerjo z młodźiny, kiž w samsnym času furioznje do wobwodneje klasy startowachu, smědźa so hakle wot třećeho hrajneho dnja zasadźić. W Pirnje čakaše přiwšěm wicemišter předchadźaceho lěta, VfL Pirna-Copitz. Hosćićeljo njemějachu drje tež wšitkich nazhonitych hrajerjow k dispoziciji, wobsedźa pak wjele šěrši kader. Tohodla njeběchu wočakowanja hosći přewulke. Zo pak so hra tak hórko za Worklečanow wuwije, bě přiwšěm ćežko znjesć.
Prěnje tři dypki za Liški
Łužiske lodohokejowe liški –
EV Landshut 3:2 (1:0, 1:2, 1:0)
Choćebuz (Łužiske liški/KH). Łužiske liški pohosćichu pjatk wječor EV Landshut. Delni Bayerojo wudobychu sej w dotalnymaj hromaj jenož dypk. To chcychu přećiwo Łužičanam změnić.
Po lědma 90 sekundach hry dyrbješe Sebastian Zauner na chłostansku ławku. Tola Liški přetrachu hru z hrajerjom mjenje na lodźe bjez škody. Po šěsć mjeńšinach potom prěnja šansa: Nils Elten prosće raz wotprawa nadběhowaše, zwrěšći pak na wrotarju Jonasu Langmannu. Tola w dźewjatej mjeńšinje bě potom tak daloko. Liški předrěchu so k wrotam přećiwnika. Prěni puk Jonas Langmann hišće wotwobaraše, tola potom třěli Michael Bartuli tačel do saka. Hnydom na to wuhraštej sej Běłowodźenjo dalšej dobrej móžnosći, kotrejž pak njewužichu.
Za zhromadne jutry
Wadi-al-Natrun (B/SN). Zastupnicy koptow a ortodoksnych wěriwych zetkachu so po lětdźesatkach a wuměnichu swoje nahlady. Přezjedni sej woni su, zo wotpokazaja jenakosplažne wjazby a jich žohnowanje. Koptisko-ortodoksna a bycantinsko-ortodoksna cyrkej potwjerdźištej swoju poziciju w ekumeniskim dialogu a nadźijeja so na dojednanje z Vatikanom wo zhromadny termin swjedźenja jutrow.
Konflikty wotputać
Berlin (B/SN). Składnostnje swětoweho měroweho dnja zetkachu so 21. septembra načolni zastupjerjo rozdźělnych nabožinow k zhromadnemu modlenju za měr w Berlinje. Nimo měšnikow třoch křesćanskich nabožinow wobdźělichu so židowski rabi, muslimski imam a zastupjerjej nabožiny bahai a buddhistow.
Namołwa k lutowanju
Vatikan (B/SN). Swjaty stoł z wjace hač 2 000 přistajenymi we Vatikanje zwěsći loni dołh něhdźe 80 milionow eurow. Bamž Franciskus je nětko 236 kardinalow naležnje k wjetšej zlutniwosći namołwjał, prajo: „Prošu was tutón nadawk ze zmužitosću přiwzać a započate reformy z přeswědčenosću, loyalnosću a wulkomyslnosću podpěrać.“
