Napjaty 22. koparski turněr CSB
Kóžde lěto přewjedźe Křesćansko-socialny kubłanski skutk Sakska z.t. (CSB) za swoje přebywanišća z hortom koparski turněr. Tutón přewjeduje so přeco we wotměnje pola hinašeho hosćićela, hdźež zdobom tež sportnišćo je.
Lětsa hraješe so pjatk, 7. junija, na trawniku Marijineje hwězdy. Nastupiło bě cyłkownje šěsć mustwow z horta Pančic-Kukowa, Nadrózneje Hrabowki, Rakec, Kulowa a dwoje mustwa staji hort „Handrij Zejler“ z Wojerec. Hraješe so w dwojimaj staflomaj, a to stajnje dźesać mjeńšinow. Prěnjej dwě mustwje skwalifikujetej so stajnje za połfinale, kotryž so přez křiž wuhraje.
W stafli A podleža hosćićel z Pančic-Kukowa přećiwo Nadróznej Hrabowce a zakitowarjej pokala z Wojerec I stajnje z 0:2. Dokelž so poslednja hra mjez Wojerecami a Nadróznej Hrabowku bjez wrotow skónči, dyrbješe třělenje z dźewjeć metrow rozsudźić, štó jako prěni do połfinala zaćahny. Tam wopokazachu hrajerjo z Nadrózneje Hrabowki lěpše čuwy a dobychu.
W stafli B přesadźi so Kulow na prěnim městnje ze šěsć dypkami. Slědowaše mustwo z Rakec před druhim zastupnistwom z Wojerec.
Wuspěšni Slepjanscy unihokejisća
Nowostki pola Łužiskich liškow
Swěrni fanojo Łužiskich lodohokejowych liškow su nowy rekord trajnych kartow nastajili. Cyłkownje 1.096 městnow trajnych kartkow je aktualnje za DEL2-sezonu 2024/2025 hižo předatych. To je hižo nětko 90 tiketow wjac hač minjenu sezonu a předawanska perioda njeje hišće ke kóncej. Hač do 30. junija 2024 hodźa so hišće kartki kupić.
Jedna z přičinow za nětko hižo přetrjechenu ličbu předatych trajnych kartkow je tež nowy kader Liškow a jich nowy nazwučowar. Wot zakónčenja zašłeje sezony dźěłaja w Běłej Wodźe akribisce na nowym kadru, po tójšto nowych transferach su nětko dalše personalije wěste.
Wuslědki (11.06.24)
Kopańca, krajna liga
1. SZ Taucha 29 66 : 19 67
2. SZ Rjemj. Rabenstein 29 54 : 20 56
3. SSV Markranstädt 29 44 : 19 55
4. SC Borea Drježdźany 29 56 : 39 48
5. Reichenbacher FC 29 41 : 31 48
6. Drježdźany Laubegast 29 59 : 36 45
7. H. Łužica Neugersdorf 28 38 : 32 44
8. VfB Empor Glauchau 29 43 : 48 42
9. VfB Fortuna Kamjenica 29 49 : 41 39
10. FC 1910 Lößnitz 29 36 : 34 37
11. VfL Pirna-Copitz 29 37 : 47 37
12. SZ Motor Wilsdruff 29 42 : 49 35
13. Radebeulski BC 08 29 34 : 45 35
14. Kickers Markkleeberg 29 39 : 51 30
15. Radefeldske ST 29 28 : 57 23
16. BSC Rapid Kamjenica 28 18 : 116 4
Erfurtski zjězd ekumeniski był
Erfurt (B/SN). Erfurtski zjězd katolikow z něhdźe 23 000 wopytowarjemi je so derje poradźił. Wjele wosobow wobdźěli so na Taizéskej nocy ze swěčkami při tachantskej cyrkwi, na diskusiji z kanclerom a prominentnymi politikarjemi Zwjazka a krajow abo na zaběrach z bibliju. Biskop Gerhard Feige je „ekumeniski zjězd“ pozitiwnje hódnoćił, prajo: „Mje su tute dny jara wobohaćili a zmužili.“
Křesćanske zjězdy zjednoćić
Erfurt (B/SN). Něhdyši předsyda EKD a tuchwilny předsyda Centralneho wuběrka ekumeniskeje rady Němskeje Heinrich Bedford-Strohm sej naležnje přeje zjězdy katolikow a ewangelske cyrkwinske dny zjednoćić. Wón podšmórnje: „Wšitke konfesije měli so mjez sobu zaměrnišo přeprošować, zo by so ekumeniska hódnota na wšěch stronach wuznamnje zwyšiła.“
Pomocnicy z kolesom po puću
Prěnje koparske mustwo Biskopičanskeho KT 08 je sej sobotu w ...
Poslednju domjacu hru přěhrali
SJ Chrósćicy –
Rotacija Drježdźany 1:2 (0:2)
Zestawa domjacych: Škoda – L. Zahrodnik, Kreuz, F. Cyž, Matješk, Wencel (46. Matik), M. Zahrodnik, Runt (75. Wornar), G. Zahrodnik, Młynk, Bogusz (60. Žur)
Na předposlednim hrajnym dnju a zdobom předposlednjej hrě w krajnej klasy běchu sobotu koparjo Rotacije Drježdźan z hosćom w Chrósćicach. Do hry buštaj trenar Pavel Runt a wrotar Petr Králíček po dźesać respektiwnje dźewjeć lětach rozžohnowanaj. Wobaj běštaj w tutych lětach krutej stołpaj mustwa a garantaj, zo SJ Chrósćicy wosom lět w kranej klasy hraješe.
Hosćo wot spočatka hru dominowachu a w 6. min. zažne wrota docpěchu. Po konteru Jakub Škoda prěnju třělwu hišće wotwobara, tola Nobert Pach druhu třělwu we wrotach k 1:0 za Drježdźany zaměstni. Tež po tym hosćo hru dale postajowachu a sej přeco zaso dobre móžnosće wuhrachu. Chróšćenjo so jenož zrědka k šěsnatce předrěchu. Jasne šansy pak njemějachu. Drježdźanscy koparjo škit SJC chětro zaběrachu a krótko do połčasa zasłužene druhe wrota docpěchu (39.).
Widźał, słyšał, napisał (10.06.24)
Awtorka dźensa
Tereza Wićazowa
Čestnohamtske dźěło je wažny stołp za našu towaršnosć. Mjez druhim posłužuja so wobłuki kultury, politiki abo sporta. Angažowanje je wot staroby njewotwisne, dołhož so předpisy młodźinskeho škita dodźerža.
W sportowym konteksće zaruči čestne zastojnstwo najwjace sportowym towarstwam jich eksistencu. Přez čłonow, trenarjow a předsydstwa so wobhospodarjenje a wudźeržowanje sportowych towarstwow zmóžnja a zawěsća. Hišće wjace: čestnohamtscy sobustawojo zmóžnjeja sportowym towarstwam mnohostronski program. Woni móža wolejbul kaž tež fitnes, blidotenis, kopańcu abo dalše sportowe družiny poskićeć. Nimo toho přinošuja tež ći, kotřiž so na přikład wo porjadk w a zwonka hale abo wo material staraja, wo bjezporočny wotběh.
Wuslědki (10.06.24)
Kopańca,
wyša liga mužojo
Budissa Budyšin – VfB Kśišow 4:3 (2:1)
Rudolstadt – Ludwigsfeldski KK 1:0 (1:0)
1. FC Magdeburg II – VFC Plauen 1:2 (0:1)
Motor Marienberg –
FC Jednota Wernigerode 1:1 (0:1)
VfL Halle – FC Grimma 2:1 (2:1)
Auerbach – Germ. Halberstadt 1:1 (0:1)
Union Sandersdorf – SC Freital 2:1 (0:1)
ST Arnstadt – Biskopičanske KT 0:6 (0:3)
1. Biskopičanske KT 30 78 : 33 70
2. VFC Plauen 30 63 : 19 70
3. Germania Halberstadt 30 71 : 45 60
4. 1. FC Magdeburg II 30 70 : 43 55
5. VfB Auerbach 30 64 : 38 55
6. VfB Kśišow 30 59 : 52 46
7. SG Union Sandersdorf 30 49 : 46 42
8. SC Freital 30 43 : 46 40
9. FC Jednota Wernigerode 30 54 : 67 36
10. Budissa Budyšin 30 45 : 52 35
11. FC Jednota Rudolstadt 30 40 : 53 34
12. FC Grimma 30 40 : 63 32
13. Ludwigsfeldski KK 30 39 : 50 31
14. VfL Halle 30 47 : 62 30
15. Motor Marienberg 30 33 : 93 22
16. ST Arnstadt 30 35 : 68 21
wokrjesny pokal
Biskopičanske KT II –
Drohotka Ramnow6:0 (2:0)
Sport (07.06.24)
Rozžohnowanje w Chrósćicach
Prěnje koparske mustwo SJ Chrósćicy njerozžohnuje so juře, sobotu, jenož z poslednjej domjacej hru w krajnej klasy wot swójskeho přiwiska, ale zdobom tež wot třoch koparskich legendow, kiž su w zašłym lětdźesatku wulki podźěl na wuspěchu SJ Chrósćicy měli. Tak mjez druhim hrajer a trenar Pavel Runt. Mjeztym zo su Chróšćenjo hižo z krajneje klasy do wokrjesneje wyšeje ligi zestupili, póńdźe w samsnym času w Rakecach za wobě mustwje hišće wo zachowanje klasy. Cyle wosebitu hru změje prěnje koparske mustwo Biskopičanskeho KT w Arnstadtće. Tam móhli so chowancy trenarja Franka Ričela z mištrom we wyšej lize stać a samo do regionalneje ligi postupić.
08.06. 14:00 Budis. Budyšin – Kśišow
08.06. 14:00 ST Arnstadt –
Biskopičanske KT
08.06. 15:00 SJ Chrósćicy –
TSV Rotacija Drježdźany
08.06. 15:00 Rakečanske ST –
Radebergerske ST
Ministrantska kopańca
