Kołwrótna hra w Chrósćicach
SJ Chrósćicy –
Drohotka Ramnow 3:3 (0:2)
Zestawa SJ Chrósćicy: Škoda – Rätze (84. Wencel), F. Cyž (54. Mark), Zynda, B. Cyž, L. Zahrodnik (65. Bogusz), Handrik (54. Młynk), Hawš, G. Zahrodnik, Graf (65. Matik), M. Zahrodnik
Kermušnu njedźelu witachu Chróšćenjo koparjow z Ramnowa do swójskeho stadiona. Chróšćenjo chcychu na domjacym trawniku seriju dale wutwarić, wšako su tam hišće bjez poražki.
Domjacy spytachu partiju wot spočatka sem dominować. Přez kontrolowany natwar chcychu sej šansy wuhrać. Tak so tež husto hač k šěsnatce předrěchu. Kaž hižo w zašłych tydźenjach pak bě tam zwjetša kónc. Tohodla sej domjacy cyłk jenož někotre šansy wuhra. Hosćo so poněčim tež w hrě přizjewichu. Tež tu njedyrbješe wrotar přehusto zapřimnyć. Tola po nimale poł hodźinje ležeše bul we wrotach. Zmylk w natwarje wuži hóstny nadběhowar Stiev Kricke a docpě 0:1 (27.). SJC pak njeda so wot zastatka wottrašić. Krótko do połčasa wužichu Ramnowscy koparjo dalši zmylk a Paul Groba třěli bul wyše wrotarja do saka. Tak pochłostachu hosćo zmylkaj Chróšćanow a dźěchu z předskokom 0:2 do přestawki.
Kónčny staw korigować njemóžachu
Póst Germania Budyšin –
SJ Chrósćicy 5:0 (4:0)
Zestawa hosći: Škoda – Graf (55. Młynk), Zynda, F. Cyž, B. Cyž (61. Wencel), Zynda, Mark, G. Zahrodnik, Rätze, Handrik, Bogusz, Matik (55. L. Zahrodnik)
Minjenu sobotu dojědźechu sej Chróšćenjo do sprjewineho města. Tam bě jich tabulkowy susod ST Póst Germania Budyšin wočakował. Něšto wjace hač sto přihladowarjow widźeše w prěnich mjeńšinach dosć wurunanu hru.
Hórku wonkownu poražku poćerpili
FSV Bretnig-Hauswalde –
ST Marijina hwězda 6:0 (5:0)
Zestawa hosći: Peschmann (46. Schneider) – Wróbl, E. Bulank (20. Hoge), K. Pakoßnick, T. Jurš, Ladewig (58. Bayer), R. Cyž, Eldor, Clausen (71. Langer), Kreuz, F. Bulank
Při rjanym nazymskim wjedrje podachu so koparjo Marijineje hwězdy minjenu njedźelu do bliskeho Bretniga. Wězo chcychu Pančičenjo na dobry wukon poslednjeje hry nawjazać a nic z prózdnymi rukami dompuć nastupić.
Žane wrota w derbyju
Módro-běli Kulow –
Sokoł Ralbicy/Hórki 0:0
Za Kulow zasadźeni: H. Čórlich – Sauer, Korch (75. Zwahr), Kisch (56. Wiedemann), Wehlan, Bulang, Ehrlich (83. Lange), Wittek, N. Čórlich, Nicolaides, Bergmann
Za Ralbicy zasadźeni: Schöne – Mjechela, Schultz, Wałda, Rawš (65. Bejmak), Hicka (75. Heidorn), Šewc, Gloxyn, Mikławšk, Korjenk, Woko
Sokoljo běchu po stawje tabulki faworit. Ale derby ma přeco swójske zakonje. Trenar Krystof Gloxyn dyrbješe krótkodobnje schorjeneho Balthasara Heidorna narunać, jeho zastupowaše nazhonity Tomaš Rawš.
Wuslědki (05.11.24)
Wokrjesna wyša liga
Póst Ger. Budyšin – SJ Chrósćicy 5:0 (4:0)
Kulow – Sokoł Ralbicy/Hórki 0:0 (0:0)
Němske Pazlicy – TSV Połčnica 4:1 (3:0)
1. Natwar Němske Pazlicy 10 36 : 14 28
2. SC Großröhrsdorf 10 20 : 16 21
3. ST Hnašecy-Dobruša 10 22 : 11 20
4. Rakečanske ST 10 31 : 13 19
5. Póst Germania Budyšin 10 24 : 17 17
6. Sokoł Ralbicy/Hórki 10 21 : 11 16
7. TSV Wachau 10 17 : 16 14
8. SG Großnaundorf 10 18 : 18 14
9. SJ Chrósćicy 9 12 : 15 13
10. Zeleno-běli Bukecy 10 22 : 17 12
11. FV Ottendorf-Okrilla 10 14 : 26 11
12. Módro-běli Kulow 10 10 : 17 9
13. Drohotka Ramnow 10 15 : 25 9
14. TSV Połčnica 10 9 : 21 5
15. ST Horni kraj-Sprjewja 9 13 : 27 5
16. HZ Łaz/Běły Chołmc 10 5 : 25 4
Wokrjesna liga stafla I
Wjernarjecy – SJ Chrósćicy II 3:0 (1:0)
ST Porchow – Arnsdorfske KT 2:1 (0:1)
Bret.-Hauswal. – ST Mar. hwězda 6:0 (5:0)
1. Hlinowski SK 10 34 : 8 28
2. SZ Steinigtwolmsdorf 10 25 : 14 20
3. Bretnig-Hauswalde 10 33 : 8 19
4. TSV Wjazońca 10 33 : 19 19
5. HZ Huska/Hodźij 10 23 : 17 18
6. Motor Kumwałd 10 26 : 22 16
7. HZ Frankenthal 10 15 : 14 16
8. ST Porchow 10 25 : 20 14
9. Arnsdorfske KT 10 23 : 23 13
10. TSV Wjernarjecy 10 20 : 31 11
11. ST Marijina hwězda 10 21 : 27 9
12. ST Wjelećin 10 20 : 37 9
13. Rakečanske ST II 10 12 : 45 4
14. SJ Chrósćicy II 10 16 : 41 2
Zasłužene dobyće w Žitawskich horinach
VV Žitawa 09 –
Viktoria Worklecy 0:3
(19:25, 20:25, 19:25)
Po wuspěšnym domjacym hrajnym dnju móžachu Worklečanscy wolejbulisća najprjedy raz wodychnyć a so přez skok do srjedźneho pola sakskeje klasy wjeselić. Ale tute městno ma so nětko tež zakitować. Wosebje wažne su při tym hry přećiwo direktnym susodam w tabulce. Jedyn tajki je VV Žitawa, ke kotremuž dojědźechu sej Worklečenjo zašły kónc tydźenja.
Žitawčenjo dyrbja w tutej sezonje personelne změny wurunać a su tuchwilu hišće při tym, mustwowu zhromadnosć namakać. Tole pokaza so hižo w prěnjej hrě dnja přećiwo Póstej Drježdźany, kotraž skónči so jasnje 0:3.
Hosćo, kotřiž z třomi dorostowymi hrajerjemi nastupichu, pokazachu hnydom hrajersku sylnosć a mějachu přeco někak dwaj dypkaj předskoka. Zo předskok jasniši njebě, zaležeše zaso raz na tójšto njekoncentrowanych nadaćach Viktorianorow. Staroznata to słabosć. W nadběhu pak běchu jasnje sylniši. Tak poradźi so tež wot 13:14 na 16:21 zwyšić. Zbytne dypki prěnjeje sadźby běchu formalna wěc.
Wjace kedźbnosće cyrkwjam
Eichstätt (B/SN). Biskop Gregor Maria Hanke je mjez dźewjeć nowopowołanymi čłonami romskeje kurije, kotraž ma bamžowski nadawk, romsko-katolsku cyrkej nawjedować. Wón je zamołwity za orientalske cyrkwje. W Eichstätće wuwučuja na měšniskim seminarje w Němskej zajimcow z wuchodnych cyrkwjow. Biskop Hanke wuzběhny wažnosć křesćanskeho wuchoda za zapadnu cyrkej.
Islam a křesćanstwo zbližić
Vatikan (B/SN). Islamska komisija we Vatikanje ma wšelake lěpšiny, dokelž je islam druha najwjetša nabožina na swěće. Ze žanej druhej nabožinu pak nima cyrkej telko rozestajenjow tam, hdźež nima mjeńšina křesćanow nimale žane prawa ze stron wjetšiny muslimow. Bamž je skónčnje z podpěru islamskeje komisije w zhromadnym dokumenće wuskutkował, zo chcetej so wobě stronje – křesćenjo a muslimojo – zbližić.
Mjenje pjenjez za kuriju
To njebě načolnika hódne
Čerwjeno-běli Essen –
FC Energija Choćebuz 4:0 (2:0)
FC Energija Choćebuz: Bethke – Rorig, Kusić, Slamar, Borgmann (46. Bretschneider), Ciğerci, Pelivan, Möker (86. Hofmann), Krauß (46. Proničew), Thiele, Copado (86. Hasse)
slěd wrotow: 1:0 Ramien Safi (10.), 2:0 Leonardo Vonić (24.), 3:0 Ramien Safi (72.), 4:0 Thomas Eisfeld (90.)
Po wosom hrach bjez poražki kasěrowaše FC Energija w Essenje zaso wysoku poražku.
Hosćićeljo natwarichu masiwny škit před wrotami Golza, kiž hosćom nimale znjemóžni, tónle přełamać. Nimo toho traješe hrajny natwar FC Energije stajnje předołho. Hosćo mějachu jenož dwě małej šansy. Spěšna hra čerwjeno-běłych Choćebužanow chětro wužadowaše. Tak přińdźechu domjacy, kotřiž běchu z poziciju w tabulkowej pincy do hry šli, z lochkosću k wrotam. Tež wrotar hosći Elias Bethke měješe čorny dźeń.
Georg Zielonkowski
We wyšej lize je prěnje koparske mustwo Budissy Budyšin znowa ...
Widźał,słyšał, napisał (04.11.24)
Awtor dźensa
Křesćan Korjeńk
,,Jědnatka bě łastojčka, jědnatka bě łastojčka ... překlepana Mónika, ... Mónika ...“, spěwa Měrćin Štrawba w swojim spěwje wo žónskej kopańcy. Kelko tajkich ,,Mónikow“ w běhu koparskeje sezony takle mamy, drje njemóže nichtó doličić. Diskusija wo jědnatkach, sprawnych abo mjenje sprawnych, drje nabyła w zašłym času nowe dimensije. Wukładowanje płaćiwych prawidłow drje njeje hišće ženje tak intensiwne było kaž tuchwilu. A hdyž na to pomysliš, kelko zhubjenych abo dobytych pjenjez za jednym tajkim rozsudom tči, potom so njedźiwaš nad telko diskusijemi. Zwěrju sebi twjerdźić, zo so w žanej druhej sportowej družinje telko wo rozsudach sudnikow njediskutuje, kaž w kopańcy.
