W derbyju přećiwo susodej štyri króć wyskali
HZ Halštrow/Hlinowc II –
SJ Njebjelčicy 1:4 (0:3)
Zestawa hosći: Hahn – Schulze, Hanuza, F. Domš, Matješk, Korjeńk (65. Wagner), Čornack (75. Šram), Hrjehor, Rudolf, Herrmann, Rachela (28. Lehmann)
Z dobrej naladu zašłych dobyćow dźěchu Njebjelčenjo do hry. Wot wšeho spočatka stłóči SJN přećiwnika do jeho połojcy. Ćišćej njemóžachu hosćićeljo dołho ničo napřemo stajeć. Po derje hratej přihrawce steješe Handrij Korjeńk před wrotarjom a suny kulu do wrotow (5.). Dwanaće mjeńšinow pozdźišo klinkaše znowa w přećiwniskich wrotach. Po flance móžeše sej Syman Rachela bul wuwojować a suny tutón do kašćika. W 23. min. zwyši Ronny Hanuza na 3:0.
Krótko po zahwizdanju bu přećiwnik po róžku powaleny. Na to dóstachu hosćićeljo jědnatku, z kotrejž na 1:3 skrótšichu. W 75. min. móžeše Dennis Wagner tohorunja wyskać. Po překrótko hratej přihrawce hosćićelow móžeše sej bul wudobyć, wobkruži wrotarja a zasuny ke kónčnemu stawej 1:4. To bě pjate dobyće w pjatej hrě druheje połserije.
Dźělenje dypkow zawěsćili
SJ Njebjelčicy –
ST Jednota Kamjenc (0:1) 1:1
Žadyn dobyćer w direktnym duelu
SJ Wołbramecy –
ST Marijina hwězda 1:1 (1:1)
Zestawa hosći: Matik – Ladewig, R. Cyž, Zelnak, Wróbl, Schmidt, Eldor, Ch. Cyž, Kuring, Wünsche (80. Langer), Pakoßnik (68. Clausen)
Lěpje do hry startowachu najprjedy hosćo. Jenož někotre wokomiki po zahwizdanju pruwowaše Jakub Selnak domjaceho wrotarja Patricka Schuba. Tutón pak zamó bul k róžkej wujasnić. Paul Schmidt posłuži swobodnje stejaceho Jakuba Pakoßnika, kotryž z hłowu hrajny objekt na łatu sadźi (2.). Dźesać mjeńšinow pozdźišo potom skónčnje klinkaše. J. Pakoßnik so sylnje na lěwej stronje předrě a bul wyše přećiwniskeho wrotarja čućiwje na hłowu Alija Eldora zběhny. Tón njeměješe wulke ćeže bul z bliskeje distancy w kašćiku zaměstnić. Jenož mjeńšinu pozdźišo prasny Zelnak wólny kop z wysokosće srjedźneje linije do směra wrotow. Třělwu móžeše muž mjez žerdźomaj jenož z wulkej prócu znješkódnić. W 25. min. padny hišće trochu překwapjace wurunanje. Jan Demnitz hnydom štyrjoch defensiwnych hrajerjow Pančičanskeho mustwa dupěrowaše, a trjechi do dołheho lěweho róžka.
Kulowčenjo w Ralbicach zasłužbnje dobyli
Sokoł Ralbicy/Hórki –
Módro-běli Kulow 1:3 (1:1)
Zestawa domjacych: Žur – Woko, Schultz, Heidorn, Rawš (71. Mjechela), D. Gloxyn, Šewc, Rachela (63. Matka), Šołta, Korjeńk, Bejmak (70. An. Wałda)
zestawa hosći: Čórlich – Sauer (77. Hufnagel), Langa, Korch, Kisch (86. Woko), Wehlan (90. Korch), Bulang, Begmann, Nicolaides, Böttger (90. Lorido), Popjela (61. Koplanski)
Koparski duel Ralbicy přećiwo Kulowej je so w minjenych lětach k małemu serbskemu derbyjej wuwił, wšako tón abo tamny Serb za karnewalowe městačko za bulom honi. Serbski trenar Stephan Prucha ze Sulšec je swoje mustwo derje nastajił a chcyše so znajmjeńša z dypkom zaso do Kulowa wróćić. Na kóncu wuskočichu samo tři, wšako jeho chowancy hru wot spočatka hač do kónca postajowachu. W derbyju pokazachu Sokoljo jedyn z najsłabšich wukonow cyłeje sezony, byrnjež trenar Thomas Schultz tójšto hrajerjow k dispoziciji měł.
Po wjelelubjacym starće jenož dypk
HZ Rakecy II/Minakał II –
SJ Chrósćicy II 1:1 (1:1)
Zestawa hosći: Škoda – Sćapan, Rätze, Zynda, T. Donat, Liznar, Wencel, Zahrodnik, Matik (82. Mark), B. Donat, Dźisławk
Zašłu sobotu poda so druhe zastupnistwo sportoweje jednotki z Chrósćic do Rakec. Po poražce w derbyju w prěnjej połseriji chcychu so hosćo rewanšować.
Mócnje wojowali a tola přěhrali
ST Radwor –
Hlinowski SC 1:2 (0:1)
Zestawa domjacych: Ehrlich – Grubert, Schulze, Schäfer (77. Castejon), Wjeńka, Paška (72. Mička), Nuk, Dźisławk, Wróbl, Glücklich (61. R. Šnajder), N. Šnajder (76. Hetaš)
Po njezbožownym wustupje we Łazu běchu nětko wšitcy we winowatosći přećiwo Hlinowcej dypkować.
Wospjet bě Radwor lěpše mustwo a hraješe zwjetša w połojcy přećiwnika. Tola zaso pobrachowachu w poslednjej třećinje trěbne ideje, zo móhli sej dobre šansy nadźěłać. W škitnym pasmje móžachu wšitko wotwobarać a tež hižo před tym w srjedźnym polu wjele bulow zdobyć. Hosćo wjele njepokazachu, jenož někotre dołhe bule, kotrež su Radworčenjo wotpopadnyli. Při prěnim wólnym kopje w 15. min. za hosći pak bu strašne. Na to steješe po hłójčkowanym bulu 1:0 za hosći. Moralka pola hosćićela pak wosta tónraz dobra. Domjace mustwo prosće dale činješe, dokelž spózna, zo bě jasnje lěpše. Prědku pak pobrachowachu dale ideje a precizne wotzamknjenja. Krótko do połčasa mějachu wulku šansu, kotruž pak swójski hrajer wotwobara.
Zakitowar titula znowa dobył
Wuslědki (23.04.24)
Kopańca, wokrjesna wyša liga
ST Hnašecy-Dobruša –
TSV Połčnica 2:2 (1:1)
TSV Wachau –
HZ Łaz/Běły Chołmc1:4 (0:2)
Biskopičanske KT II –
FV Ottendorf-Okrilla5:0 (1:0)
ST Ćisk –
ST Horni kraj-Sprjewja 2:8 (0:5)
Sokoł Ralbicy/Hórki –
Módro-běli Kulow1:3 (1:1)
SG Großnaundorf –
Natwar Němske Pazlicy 1:5 (1:4)
ST Radwor – Hlinowski SK 1:2 (0:1)
Drohotka Ramnow –
SC 1911 Großröhrsdorf 3:1 (2:0)
1. Biskopičanske KT II 25 102 : 16 63
2. ST Horni kraj-Sprjewja 25 89 : 33 59
3. ST Hnašecy-Dobruša 25 89 : 47 47
4. Natwar Němske Pazlicy 25 74 : 52 46
5. SC Großröhrsdorf 26 62 : 42 45
6. Sokoł Ralbicy/Hórki 25 59 : 45 45
7. SG Großnaundorf 25 47 : 45 45
8. Módro-běli Kulow 25 48 : 40 40
9. TSV Połčnica 25 48 : 42 39
10. Drohotka Ramnow 25 57 : 42 36
11. HZ Łaz/Běły Chołmc 25 30 : 66 27
12. FV Ottendorf-Okrilla 25 42 : 62 26
13. Hlinowski SK 25 37 : 63 17
14. TSV Wachau 25 36 : 75 17
15. ST Radwor 25 34 : 83 13
16. ST Ćisk 26 30 : 131 7
Radworscy wolejbulisća znowa wuspěšni
Třeći wólnočasny wolejbulowy turněr serije „top sydom“ w Ralbičanskej sportowni dobychu znowa sportowče a sportowcy ST 1922 Radwor před wučerjemi Serbskeho gymnazija Budyšin (SGB) a abiturientam lěta 1996.
Prěni raz wuhotowaše sekcija wolejbul DJK Sokoła Ralbicy/Hórki turněr serbskich wólnočasnych mustwow a zwyši tak seriju wurisanjow při wysokim saku na sydom. Třeća stacija w tutym lěće wotmě so minjenu póndźelu w sportowni Serbskeje wyšeje šule Ralbicy, hdźež powita hłowna organizatorka wječora Annett Kralowa dalšich šěsć cyłkow kaž tež domjace młodźinske mustwo Sokoła na tak mjenowany „Jutrowny turněr“.
Krótko do wothwizdanja winowatostneje koparskeje hry w krajnej klasy ...
Widźał, słyšał, napisał (22.04.24)
Awtor dźensa
André Strelow
Mišterstwo w zwjazkowej koparskej lize je rozsudźene. Nowy mišter Bayer Leverkusen ma hišće šansu zwjazkowy pokal dobyć. Hladajo na zbywacych kontrahentow je šansa na dalši titul wulka, wšako mustwo tuchwilu na cyłej liniji přeswědča. Runje njedźelu docpě Leverkusenske mustwo z wothwizdanjom w Dortmundźe hišće wurunanje 1:1. Za BVB bě dobyće nuznje trěbne, zo by so Lipskej přibližił. Tak steja Lipšćenjo dwaj dypkaj před Borusami, k tomu maja lěpši wrotowy poměr.
Na zašłym hrajnym dnju zwjazkoweje ligi mějachmy zaso wjacore rozbudźaki respektiwnje dwělomne sceny sudnikow. Zdźěla zapraji tež widejowy asistent. Principielnje mam widejoweho asistenta, jako dobru naprawu, dokelž čini to, štož ma činić, mjenujcy wopačnym rozsudam zadźěwać. Tuchwilny hłowny problem je, zo ćerpi akceptanca widejoweho asistenta swojeje snadneje transparency dla. To nastupa najprjedy fanow w stadionje, kotřiž widźa sudnika jenož k monitorej hić a dóstanu 60 sekundow pozdźišo rozsud prezentowany.
