Přihot w srjedźnej Łužicy
Hišće tři měsacy, potom startuje pjate koparske mišterstwo narodnych mjeńšin Europy. Tež Serbske mustwo přihotowaše so zašły pjatk na tutón sportowy wjeršk. Dočasnje wulki dźak starosće Serbskeho Sokoła z.t. Janej Hrjehorjej, wjesnjanosće gmejny Slepo Jörgej Fundźe a zamołwitym wot Lok Slepo. Woni zmóžnichu pjatkowny trening na kumštnym trawniku Němsko-serbskeho šulskeho kompleksa w Slepom. Za wobeju trenarjow Franka Ričela a Svena Ballacka bě to wužadanje scyła swobodny treningowy termin namakać, wšako su wšitcy potencielni kandidaća w běžnym hrajnym času a kónc tydźenja wotměwaja so we wšěch hrajnych klasach dypkowe hry.
18 koparjow pak zjewi so dypkownje 18 hodź. na městnje. Po krótkej narěči so treningowa jednotka tež hižo započa. Po někotrych lochkich čoplenskich zwučowanjach so najprjedy wšelake hrajne formy trenowachu. Tež taktiske směrnicy trenarjow dyrbjachu hrajerjo zwoprawdźić. Na kóncu přewjedźe so hišće kónčna hra.
Wotewrjenje sezony w Kulowje
Młode jutry wotewrěchu lubowarjo wubědźowanskich kolesow w Kulowje sezonu 2024. Byrnjež wjetšina z nich hižo dlěje wonka jězdźiła, je to stajnje woblubowany termin. Swójba Bartec běše znowa zajimawu čaru wupytała. Wona wjedźeše wot Kulowa do Njeswačidła, dale přez Klukš do sprjewineho města Budyšin, Hodźij, Pančicy-Kukow hač do Róžanta. W hnadownym měsće poskići so tež hnydom šansa wodowe bleše při Marijinej studničce napjelnić a so za poslednje kilometry do Kulowa napić. Po cyłkownje 100 kilometrach při rjanym słónčnym wjedrje dojědźechu sebi wšitcy strowi a čili do Kulowa, hdźež čakaše słódny wobjed a wězo Kulowske piwo.
Cyłkownje wobdźěli so 20 wosobow, mjez nimi šěsć Serbow. Zwjeselace, zo tež dwě žonje čaru bjez problemow zmištrowaštej, byrnjež přerězna spěšnosć nad 30 km/h była. Staroba při kolesowanju tež žanu rólu njehraje. Najmłódši wobdźělnik běše 14 lět a najstarši 60. Wězo wobhladachu sebi wobdźělnicy tež kolesowarske wubědźowanje Paris – Roubaix, hdźež Mathieu van der Poel z wulkim předskokom doby. Maik Brězan
Wuslědki (09.04.24)
Kopańca, krajna klasa
VfB Běła Woda – Wojerowski FC 2:8 (1:3)
Póst Budyšin – SJ Chrósćicy 2:1 (1:1)
1. FV Přezjednota Niska 21 78 : 15 52
2. Drježdźanski SC 21 53 : 28 48
3. FSC Wódrjeńca 21 59 : 47 34
4. FSV Nowosólc-Hródk 21 37 : 25 33
5. SZ Drježdźany Strěžin 21 43 : 39 33
6. ST Wesenitzal 20 35 : 32 33
7. Radebergerske ST 21 37 : 45 29
8. TSV Rotacija Drježdźany 21 34 : 43 27
9. Póst Germania Budyšin 21 32 : 49 27
10. SG Weixdorf 21 37 : 33 26
11. BSV Sebnitz 21 36 : 36 26
12. Wojerowski FC 21 38 : 39 24
13. Mód.-běli Zschachwitz 21 41 : 51 21
14. SJ Chrósćicy 21 22 : 40 21
15. Rakečanske ST 20 30 : 61 21
16. VfB Běła Woda 21 35 : 64 17
Njejsu negatiwnu seriju skónčili
HZ Frankenthal –
ST Marijina hwězda 1:0 (1:0)
Zestawa hosći: Matik – Wróbl, Zynda, K. Pakoßnick, Hoge, Ch. Cyž, Eldor, Schmidt (65. Bulank), Clausen, Wünsche, J. Pakoßnick
Po jasnymaj poražkomaj zasobu chcychu koparjo Marijineje hwězdy skónčnje zaso raz wuspěch docpěć.
Nowe mjezwoča a znate mjezwoča Serbskeho mustwa muži su pjatk ...
Widźał, słyšał, napisał (08.04.24)
Awtor dźensa
Beno Šołta
To póndźe spěšnišo hač sej mysliš! To bě prěnja mysl po tym, zo sym wuslědki zwjazkoweje ligi w kopańcy widźał. Tež hdyž njejsym tón, kiž prawidłownje wšemu sćěhuje – mje wuslědki wězo stajnje zajimuja. A ćim bóle mje zwjeseli, zo budu lětsa koparjo z Leverkusena němski mištr. Dokelž popřeju to raz druhemu mustwu hač Baworskim. A Leverkusen je woprawdźe přeswědčił. Hižo nětko so wjeselu na přichodnu sezonu: předstajće sej, to budźe zajimawe, hdyž njejsu Mnichowscy jasni faworića, ale dyrbja sobu z druhimi dobrymi mustwami wojować. To přinjese wjace napjatosće a čini ligu zaso zajimawu. Nětko pak najprjedy dočakamy na jeničke dobyće Leverkusena. A nimo toho su na dobrym puću, tež hišće rekord w Europje docpěć.
Wuslědki (08.04.24)
Kopańca
Wokrjesna liga stafla I
HZ Rakecy II/Minakał II –
Arnsdorfske KT2:7 (1:5)
HZ Frankenthal –
ST Marijina hwězda1:0 (1:0)
SZ Steinigtwolmsdorf –
TSV Wjernarjecy5:3 (1:1)
ST Porchow –
TSV Wjazońca1:0 (1:0)
SZ Drjewnica –
Motor Kumwałd1:3 (1:0)
ST Wjelećin –
HZ Huska/Hodźij2:3 (1:1)
Bretnig-Hauswalde –
SJ Chrósćicy II4:2 (1:0)
1. Arnsdorfske KT 19 69 : 26 46
2. Bretnig-Hauswalde 19 69 : 32 43
3. ST Porchow 18 46 : 26 36
4. ST Marijina hwězda 19 54 : 32 33
5. SZ Steinigtwolmsdorf 19 58 : 46 31
6. Motor Kumwałd 19 57 : 50 27
7. TSV Wjazońca 19 41 : 34 27
8. HZ Huska/Hodźij 19 39 : 34 26
9. ST Wjelećin 19 42 : 49 24
10. SJ Chrósćicy II 18 29 : 44 22
11. TSV Wjernarjecy 19 40 : 53 20
12. HZ Frankenthal 19 24 : 51 20
13. HZ Rakecy/Minakał II 19 28 : 80 16
14. SZ Drjewnica 19 17 : 56 9
Specielny wokabular
Čitamy a słyšimy hižo lěta, zo su w Serbach, tež w katolskich kónčinach, nowe rěčne rumy trěbne. Jako tajki je so koparski camp Serbskeho šulskeho towarstwa, kiž je towarstwo tónle tydźeń z podpěru projekta ZARI a projektneje towaršnosće LUCIJE přewjedł, wopokazał. Zamołwići, sobudźěłaćerka serbskeho kubłanskeho srjedźišća LIPA, sportowi trenarjo a wučerjo su młodym hrajerjam serbske wurazy za wšitko to, štož ze kopańcu zwisuje, posrědkowali. A to njeje runjewon mało, hdyž myslimy na zapřijeća hrajnych prawidłow, kopańcy samo na sebi, ćěła kaž tež specielny wokabular, kotryž koparjo na hrajnišću wužiwaja.
Hač sobudźěłaćerjo ZARI swoje dopóznaća z naprašnikow zjawnje spřistupnja a je serbskim sportowym towarstwam posrědkuja? Snadź pak nastanje postupnje nowy digitalny rěčny rum serbskeho sporta – lochkoatletiki, kolesowanja a tak dale, snano tež šacha, dwójneje hłójčki (tež to je sport) a dalšich? Milenka Rječcyna
Sport (05.04.24)
Serbski derby w Njebjelčicach
Na serbski derby we wokrjesnej klasy wočakuja Njebjelčenjo njedźelu cyłk hrajneho zjednoćenstwa Ralbicy/Pančicy. Tež prěnje koparske mustwo SJ Chrósćicy pojědźe sobotu na wokrjesny derby, a to w krajnej klasy do města k Póst Germaniji Budyšin.
06.04. 14:00 VfB Kśišow –
Biskopičanske KT
06.04. 15:00 Póst Germ. Budyšin –
SJ Chrósćicy
06.04. 15:00 ST Ćisk –
Módro-běli Kulow
06.04. 15:00 HZ Frankenthal –
ST Marijina hwězda
07.04. 15:00 SG Großnaundorf –
Sokoł Ralbicy/Hórki
07.04. 15:00 ST Radwor –
FV Ottendorf-Okrilla
07.04. 15:00 Bretnig-Hauswalde –
SJ Chrósćicy II
07.04. 15:00 SJ Njebjelčicy –
HZ Ralbicy II/Pančicy II
Start do sezony w Jaworje
Motorsportowy klub MC Jawora změje njedźelu, 14. apryla, zazběh do sezony. Na tutym dnju přewjedźe so tež prěni trening za dorost, a to wot 9 do 10 hodź. Swobodne městna w Jaworje hižo nimaja. Hinak je to za tradicionelne treningowe lěhwo za motocrossowy dorost 1. meje. Tam maja 21 swobodnych městnow.
Motocrossowe mišterstwa
Energija zaso na druhim městnje
FC Energija Choćebuz –
FC Eilenburg 2:1 (1:1)
Zestawa FC Energija Choćebuz: Bethke – Slamar, Hildebrandt, Kusić, Hasse, Pelivan (77. Putze), Hofmann (77. Juckel), Shcherbakovski. Halbauer (67. Heike), Thiele, Krauß
wrota: 0:1 Baumann (13.), 1:1 Hasse (43.), 2:1 Thiele (63.)
Z wobdźiwanja hódnej ofensiwnej fazu startowaše Choćebuske mustwo do hry. Zo buchu Jan Shcherbakovski a Phil Halbauer zasadźeni FCE widźomnje tyješe. A tohodla přinjese njetrjebawši prěčny pas přećiwnikej prěnje wrota. Sćěhowaše krótka letargiska faza, potom běchu zaso domjacy při tłóčaku. Jonas Hofman třěli z distancy na wrota. Třělwu pak Eilenburgski wrotar wulkotnje parěrowaše. Krótko do přestawki Tobias Hasse tola hišće 1:1 trjechi.
Tež po přestawce Energija energisce wrota přećiwnika nadběhowaše, prjedy hač Timmy Thiele zmylk hosći wuži a suwerenje nawjedowanje docpě. Bohužel njepadny hišće 3:1, tak zo dyrbjachu Choćebuženjo hač do přidatneho hrajneho časa kedźbliwy być, zo njeby kónčny staw na hrački stajił.
Georg Zielonkowski
