Při tak mjenowanym krimiju jědnatkow na swětowym mišterstwje kopańcy žonow je Šwedska USA 5:4 porazyła. Po bjezwrotowej regularnej hrajnej dobje, w kotrejž so wosebje Šwedska wrotarka Zećira Mušović z jednotliwymi akcijemi błyšćeše, postara so Lina Hurtig w třělenju jědnatkow wo rozsud. Tam zdaše so najprjedy US-wrotarka Alyssa Naeher z rjekowku stać. Po přetřělenymaj jědnatkomaj wot Natalie Björn a Megan Rapinoe dźeržeše hrajerka Chicago Red Stars třělwu Rebecki Blomqvist a přetwori samo sama jědnatku. Dalša misnjena třělwa Sofije Smith, kiž móžeše hru za USA rozsudźić, pak přinjese Šwedowki zaso wróćo do hry. Při rozsudnej jědnatce wot Šwedowki Hurting, móžeše Naeher bul najprjedy hišće wotwobarać, ale rotacije dozady dla přeprěči hrajny nastroj tola hišće snadnje wrotowu liniju. Ze 14. jědnatku bě rozsud padnył. Šwedska trjechi w štwórćfinalu na Japansku, mjeztym zo zakitowar titula hižo w prěnjej k.o.-hrě turněra won leći.
Zestawa Energije Choćebuz: Sebald – Hasse (81. Milde), Slamar (81. Campulka), Hildebrandt, Borgmann, Pelivan, Hofmann, Oesterhelweg (62. Putze), Prokopenko (62. Ndualu), Heike (69. Bornemann), Euschen.
Zo by so hańba zazběhoweje poražki hnydom zarunała, předstaji so FC Energija w zazběhowej domjacej hrě před wjac hač 7 000 přihladowarjow z koncentrowanym mustwowym wukonom. Na kóncu pak k wočakowanemu dobyću njedosahaše, štož zaležeše na jednym boku na jara aktiwnym přećiwniku z Erfurta, ale bohužel tež na njedosahacym wužiwanju mało šansow, kotrež skićachu so FCE za swójski wuspěch wrotow. Tak zwosta při krasnych wrotach agilneho Tima Heiki. Heike móžeše wot praweho boka šěsnatki młodeho wrotarja Lukasa Schellenberga z třělwu do krótkeho róžka překwapić. W kónčnej fazy mjerzaše so FCE zdobom přez sudnika Markhoffa, kiž njepochłosta hru z ruku Erfurtčanow při třělwje Jonasa Hoffmanna z jědnatku. Tak zwosta při 1:1 a špatnym zazběhowym programje Choćebužanow.
Georg Zielonkowski
Zestawa domjacych: K. Gloxyn, Žur – Matka, Al. Wałda, Schultz, Woko, D. Gloxyn, B. Bejma, Šiman, Rachela, P. Šołta, D. Šołta, S. Bjeńš, An. Wałda, Mjechela, Budar
Sokoljo testowachu pjatk wječor doma přećiwo LSV Horam z wokrjesneje ligi. Lěta dołho běše tole we wokrjesnej wyšej lize stajnje jara snadny duel. Loni pak Hory zestupichu a tuž běchu nětko Ralbičenjo w testowej hrě jasny faworit.
Njedźelu wuhotowa Drježdźanske wubědźowanske towarstwo 1890 z.t. (Dresdener Rennverein 1890 e.V. ) swoje štwórte konjace galopowe wubědźowanje sezony 2023. Na tutym steješe sydom pruwowanjow na programje. Wjedrowe wuhlady běchu wšo druhe hač róžojte, přiwšěm mějachu tam na štwórtym wubědźowanskim dnju enormny přihladowarski wothłós. Tež ja dojědźech sej ze swójbnymi do Drježdźan. Prěnje pjeć pruwowanjow dnja su so přez francoskeho poskićowarja wjetow PMU do sta wjetowych wobchodow w našim susodnym kraju přenjesli, čehoždla so pruwowanja hižo prjedy hač zwučene započachu.
Kopańca, regionalna liga muži
FC Eilenburg – SV Babelsberg 0:1 (0:0)
Zwickau – FSV 63 Luckenwalde 2:0 (0:0)
Hansa Rostock II – Kamjenica6:1 (3:1)
Jena – Greifswaldski KK 1:1 (0:0)
VSG Altglienicke – BFC Dynamo 3:1 (0:1)
Chemija Lipsk – Viktoria Berlin 1:0 (1:0)
ZFC Meuselwitz – Lok Lipsk 3:2 (0:2)
1. SV Babelsberg 2 3 : 1 6
2. Greifswaldski KK 2 4 : 2 4
3. FC Čerwjeno-běli Erfurt 2 3 : 1 4
4. FSV 63 Luckenwalde 2 6 : 2 3
5. F.C. Hansa Rostock II 2 6 : 3 3
6. Hertha BSC II 1 3 : 0 3
7. BFC Dynamo 2 4 : 3 3
7. VSG Altglienicke 2 4 : 3 3
9. Lok Lipsk 2 4 : 4 3
9. ZFC Meuselwitz 2 4 : 4 3
11. Viktoria Berlin 2 2 : 2 3
12. FSV Zwickau 2 2 : 3 3
13. BSG Chemija Lipsk 2 1 : 3 3
14. FC Carl Zeiss Jena 2 1 : 1 2
15. FC Energija Choćebuz 2 2 : 3 1
16. Kamjeničanski FC 2 1 : 6 1
17. FC Eilenburg 2 1 : 4 0
18. Berlinski AK 1 0 : 6 0
Kopańca, wyša liga mužojo
Grimma – Union Sandersdorf 2:3 (1:0)
Budissa Budyšin – Rudolstadt 2:2 (0:0)
VFC Plauen – VfL Halle 96 3:0 (2:0)
Germ. Halberstadt – Biskopicy 3:3 (2:1)
SC Freital – ST 09 Arnstadt 2:0 (2:0)
Wernigerode – VfB Auerbach 1:2 (0:1)
VfB 1921 Kśišow – Magdeburg II1:4 (1:1)
Ludwigsfelde – Marienberg 3:0 (1:0)
1. 1. FC Magdeburg II 2 7 : 2 6
2. Germania Halberstadt 2 5 : 4 4
3. Biskopičanske KT 08 2 4 : 3 4
4. VFC Plauen 2 3 : 1 3
5. FC Jednota Wernigerode 2 4 : 3 3
5. Ludwigsfeldski KK 2 4 : 3 3
7. SC Freital 2 2 : 1 3
8. FC Grimma 2 4 : 4 3
8. SG Union Sandersdorf 2 4 : 4 3
10. VfB Auerbach 2 3 : 3 3
11. VfB 1921 Kśišow 2 2 : 4 3
12. Motor Marienberg 2 1 : 3 3
13. Budissa Budyšin 2 4 : 4 2
14. FC Jednota Rudolstadt 2 2 : 3 1
15. ST 09 Arnstadt 2 2 : 4 1
16. VfL Halle 96 2 1 : 6 0
Historiski to kónc na swětowym mišterstwje kopańcy žonow za němske narodne koparske mustwo. Po němskich mužach 2018 kopolachu so tež žony přez Južnu Koreju. Je to prěni raz, zo zakomdźa žony k.o.-koło WM. Hrózbne mjezwoča, prózdne pohladnjenja, sylzy we wočomaj. Němske koparki běchu po WM-blamaži šokowane. 1:1 wčera připołdnju přećiwo Južnej Koreji njedosahaše za wosmifinale, po dobyću Marokka w paralelnej hrě z 1:0 přećiwo Kolumbiskej.
Liški startuja wonka w Selbje
Druha němska lodohokejowa liga DEL2 je wčera finalnu wersiju hrajneho plana za nowu sezonu wozjewiła. Łužiske lodohokejowe liški startuja 15. septembra z wonkownej hru w Selbje. Započatk hry budźe w 19.30 hodź. Njedźelu, 17. septembra, přijimuja Běłowodźenjo w 17 hodź. doma amtěrowaceho mištra DEL2 Ravensburg Towerstars. Kompletny hrajny plan Liškow steji na homepage Běłowodźanow. Předań lisćikow za prěnje hry započnje so 22. awgusta w 10 hodź. Tikety móža so potom w fanowym wobchodźe „Hokejowa liška Łužica“ w Běłej Wodźe kaž tež online pola tiketoweho poskićerja Eventimsports kupić.
Motocross w Rownom
Motorsportowe towarstwo Offroad Rookies zarjaduje a wuhotuje 12. awgusta w Rownom tak mjenowany Rownjanski motocross po šćernišću. Wubědźowanja přewjedu so w Rownom při Běłowodźanskim puću.
Wšitcy hraja sobotu
Brazilska je na swětowym mišterstwje kopańcy žonow zwrěšćiła. W skupinskim finalu docpěchu Marta a co. jenož 0:0 přećiwo Jamaice. Seleção skomdźi ze štyrjomi dypkami jako třeći skupiny E kwalifikaciju za wosmifinale. Město toho je nětko Jamaika wutoru (10 hodź.) potencielny přećiwnik němskeho mustwa, jeli němska wubranka hišće skupinu dobudźe. Za Južnoameričanki je to prěni kónc w předkole po 1995. Wot 2003 bě Marta na šěsć swětowych mišterstwach podarmo za titulom honiła, partija w Melbournje móhła jeje poslednja w narodnym trikoće być. Po wustrowjenym zranjenju křižneho paska bě wona wot spočatka turněra jenož jako joker pódla. Tónraz pak hraješe superstar Brazilskeje wot započatka, přiwšěm falowachu ideje. Seleção přewza wočakowanjam wotpowědujo hnydom kontrolu hry, tłóčeše Jamaiku hłuboko do swójskeje połojcy. Prěnje zakónčenje Marty (11.) bu blokowane, potom pruwowaše Luana prěni raz wrotarku Rebeccu Spencer (19.). Cyłkownje pak nastawachu přećiwo ryzy na defensiwu wobmjezowanej wubrance z Jamaiki lědma rumy.