Worklečanki z dobyćomaj klasu dźerželi
Wolejbulistki prěnjeho zastupnistwa Viktorije Worklecy běchu na swojim poslednim domjacym hrajnym dnju sezony 2023/2024 přećiwo cyłkomaj z Drježdźan a Budyšina nastupili. Hrajny dźeń bě za hosćićelki tohodla wažny, dokelž rozsudźi wón wo zdźerženju sakskeje klasy abo wo zestupje wróćo do wobwodneje ligi. Worklečanki běchu štwórte w tabulce, ST Motor Mickten II třeće a MSV Budyšin samo druhe. Potajkim wulki to nadawk.
Za Viktoriu Worklecy zasadźeni běchu: Diana Hajnec, Fanny Hassemeier, Kira Hrjehorjec, Marina Köhler, Stefanie Köhler, Christin Opicec, Jennifer Otto, Constance Pötschke, Rejzka Rawšec, Kathrin Spiesec, Tadeja Šeferec, Anja Šmidtowa, trenarjej: Daniela Kralec, Stephan Mühl
Viktoria Worklecy –
ST Motor Mickten II 3:2
(25:17, 25:17, 19:25, 23:25, 15:6)
Poł ducenta je połny
FSV Šwikawa –
FC Energija Choćebuz 0:2 (0:1)
Zestawa Energije Choćebuz: Bethke – Hasse, Slamar, Hildebrandt (46. Kusić), Bretschneider, Hofmann, Pelivan (78. Shcherbakovski), Proničew (71. Juckel), Heike, Thiele, Krauß (86. Halbauer).
Šeste dobyće zasobu! FC Energija Choćebuz móžeše so njedźelu připołdnju w Šwikawje nad dobyćom 2:0 wjeselić. Tam zetkaštej so najlěpšej mustwje druheje połserije a tuž běše hra wurunana. Choćebuženjo pak dyrbjachu so wrotarjej Eliasej Bethke podźakować. Tón pokaza mjenujcy swoje kmanosće w tym, zo dźeržeše swoju klětku po tójšto róžkach a třělwach z distancy čistu. 1:0 za FCE padny po spěšnym napřećiwnym nadběhu, jako so Timmy Thiele centralnje nahra a bul Maksimilianej Proničewej wotpołoži, kiž bě přilećał. Tón běžeše sam na směr wrotarja domjacych a wěsće přetwori (22.).
W druhim wotrězku drje so Šwikawa dale prócowaše. Zaměnjenemu Janej Shcherbakovskemu skićeše so skónčnje šansa, po předdźěle Maksimiliana Straußa w kónčnej fazy změrowace druhe wrota docpěć (79.). Georg Zielonkowski
Zasłuženy remis za Sokołow
Sokoł Ralbicy/Hórki –
Drohotka Ramnow 2:2 (2:1)
Zestawa domjacych: Ch. Gloxyn – Heidorn, Wałda, Rawš, Woko, D. Gloxyn, Šewc, Korjenk, Šołta, Šiman (68. Rachela), Domaška (36. Mjechela)
Tydźenja w Biskopicach běše kader Ralbičanow hišće chětro mały. Na słónčnej njedźeli w hrě přećiwo Drohotce Ramnow pak běchu so wšitcy dowolnicy a chori zaso nawróćili.
Wuslědki (05.03.24)
Kopańca, regionalna liga muži
Šwikawa– FC Energija Choćebuz 0:2 (0:1)
1. Greifswaldski KK 24 45 : 17 49
2. FC Energija Choćebuz 23 48 : 25 47
3. BFC Dynamo 23 41 : 19 47
4. VSG Altglienicke 23 44 : 32 37
5. Viktoria Berlin 22 30 : 21 37
6. SV Babelsberg 22 29 : 24 37
7. FC Čerwjeno-běli Erfurt 24 38 : 35 32
8. FC Carl Zeiss Jena 23 33 : 28 31
9. FSV Luckenwalde 24 36 : 40 31
10. BSG Chemija Lipsk 21 20 : 24 29
11. Kamjeničanski FC 23 24 : 36 29
12. FSV Šwikawa 23 37 : 42 28
13. Lok Lipsk 22 31 : 41 27
14. ZFC Meuselwitz 23 30 : 34 26
15. Hertha BSC II 23 38 : 47 25
16. FC Eilenburg 24 28 : 42 23
17. Berlinski AK 23 17 : 45 17
18. F.C. Hansa Rostock II 24 29 : 46 16
Wokrjesna wyša liga
Módro-běli Kulow – TSV Wachau 3:0 (1:0)
TSV Połčnica – ST Radwor 1:1 (0:1)
H. kraj-Sprjewja – Hlinowski SK 3:0 (1:0)
Sokoł Ralbicy/Hórki – Ramnow 2:2 (2:1)
Ně. Pazlicy – Biskopičanske KT II 2:2 (0:1)
1. Biskopičanske KT II 20 77 : 14 48
2. ST Horni kraj-Sprjewja 20 66 : 21 47
3. ST Hnašecy-Dobruša 20 81 : 36 42
4. SG Großnaundorf 19 36 : 31 37
5. Sokoł Ralbicy/Hórki 18 44 : 28 36
6. Natwar Němske Pazlicy 20 55 : 47 34
7. SC Großröhrsdorf 20 45 : 35 33
8. Módro-běli Kulow 19 37 : 31 29
9. TSV Połčnica 20 32 : 36 29
10. Drohotka Ramnow 18 44 : 28 26
11. TSV Wachau 18 33 : 47 17
12. FV Ottendorf-Okrilla 20 30 : 52 17
13. HZ Łaz/Běły Chołmc 19 16 : 56 15
14. Hlinowski SK 20 30 : 51 13
15. ST Radwor 19 28 : 66 13
16. ST Ćisk 20 25 : 100 3
Wojowali,ale wurunanje njedocpěli
HZ Frankenthal/Germania Biskopicy/Biskopičanske KT III –
SJ Chrósćicy II 3:2 (1:1)
Zestawa hosći: Škoda – Sćapan, Bětnar, Rätze (75. Klemenc), T. Donat, Młynk, Liznar (75. B. Donat), Wencel, Zahrodnik (77. Mark), Matješk, Matik (80. Handrik)
Po tym, zo běštej nachwatanskej hrě włóžneho Hórčanskeho trawnika dla wupadnyłoj, měješe rezerwa Chróšćanskeje sportoweje jednotki njedźelu tydźenja swoju prěnju dypkowu hru lěta. Za to podachu so do Frankenthala, hdźež nastupištej mustwje na twjerdym hrajnišću.
Chróšćenjo w Hórkach dobyli
SJ Chrósćicy II –
SZ Drjewnica 2:0 (1:0)
Zestawa domjacych: Škoda – M. Donat, Rätze, Dórnik, J. Donat (78. Sćapan), Liznar (69. D. Žur), Handrik, Domaška, Wencel, B. Donat (84. F. Mark), S. Žur (90. M. Mark)
Sportowa jednotka z Drjewnicy a rezerwa Chróšćanskeje sportoweje jednotki podaštej so na dypkowu hru do Hórkow.
Domjacy sej spěšnje prěnje wrota wuhrachu. Marlon Wencel dósta w srjedźnym polu bul a tykny jón z dobrym wóčkom přez hasku přećiwneho škita. Tam sej Bosćan Donat bul nimo přećiwnika połoži a jón lesćiwje pódla wrotarja do saka suny. Tak běło-čerwjeni hižo po třoch mjeńšinach nawjedowachu. Na to hosćo kontrolu přewzachu. Chróšćenjo spytachu po zdobyću bula hnydom spěšnje do ofensiwy hrać. Přihrawki pak často Drjewničenjo wotpopadnychu. Hakle poněčim domjacy do swójskeje hry namakachu a sej přez měrny natwar přeco zaso dobre móžnosće wuhrachu. Dźesać mjeńšinow do połčasa hosćo nimale wurunachu. Po róžku drje Chróšćenjo bul zdobychu. Tola po špatnej přihrawce měješe nadobo Drjewničan bul a jón hnydom před wrota sflankowa. Tam pak nadběhowar hrajny nastroj nad wrota zhłójčkowa.
Widźał, słyšał, napisał (04.03.24)
Awtorka dźensa
Tereza Wićazowa
Za čas studija su nam w sportowej pedagogice rozjasnili, zo je sport wusko ze žiwjenjom zwjazany. Tola što móžemy za žiwjenje wuknyć? Ludźo, kotřiž wěstemu sportowemu zaměrej konsekwentnje sćěhuja, wuwiwaja hustohdy zamóžnosće resp. kmanosće, kompetency a sylnosće, kotrež tež zwonka sporta žiwjenje wobohaćeja. K tomu liča na přikład mjez druhim: zaměrnosć, sylnosć motiwacije, energijowy management, teamakmanosć, pokornosć kaž tež toleranca frustracije resp. rezilienca.
Zaměrnosć: Zo bychu so wěste sportowe družiny wukonjeć móhli, je zaměrnosć trěbna. Sportowcy wobchowaja konsekwentnje swój cil we wóčku, mjeztym zo so druzy rozbrojeja a so wotwjesć dadźa. Zaměrnosć žada sej priorizowanje aktiwitow wšědny dźeń a dobry management časa. Socialne kontakty so njezanjechaja, hdyž so sport jako zhromadny projekt w swójbje abo w kruhu přećelow do wšědneho žiwjenja zawjazuje.
Sport (01.03.24)
Wšitcy zaso na kopanišćach
Jutře a zajutřišim zaso w kopańcy wo dypki hraja. Tež Njebjelčanski cyłk je njedźelu w Běłej zaso prašany (14 hodź).
02.03. 14:00 Biskopičanske KT 08 –
FC Jednota Wernigerode
02.03. 15:00 Rakečanske ST –
SG Weixdorf
02.03. 15:00 Módro-běli Kulow –
TSV Wachau
02.03. 15:00 TSV Połčnica –
ST Radwor
03.03. 12:30 SJ Chrósćicy II –
SZ Drjewnica 05
03.03. 12:30 HZ Ralbicy II/Pančicy II –
Wujězd/Łaz/Běły Chołmc
03.03. 14:00 ST Marijina hwězda –
HZ Rakecy II/Minakał II
03.03. 15:00 SJ Chrósćicy –
ST Wesenitzal
03.03. 15:00 Sokoł Ralbicy/Hórki –
Drohotka Ramnow
Worklečanki hraja doma
Prěnje wolejbulowe mustwo Viktorije Worklecy hraje jutře dwójce doma. Z hosćom budźetaj druhi krajneje klasy MSV Budyšin 04 a třeći rezerwa ST Motor Mickten. Worklečanki móhli z dwěmaj dobyćomaj hišće třeće městno w tabulce stafle A docpěć.
02.03. 14:00 Viktoria Worklecy –
Motor Mickten II (ž)
02.03. 16:00 Viktoria Worklecy –
MSV Budyšin (ž)
Kickerowy turněr
Lětuši kickerowy turněr Wotrowskeje młodźiny přewjedźe so sobotu 9. měrca. Maksimalnje 64 dwójkow smě sobu hrać. Zahrać budu so cyłki wot 13 hodź., prěnja hra započnje so w 14.30 hodź. Městnosć wubědźowanja budźe znowa stara šula we Wotrowje.
Łužiske liški krimiw derbyju dobyli
Łužiske lodohokejowe liški – Lodowe lawy Drježdźany 3:1 (2:0, 1:1, 0:0)
Derby započa so z wulkotnej choreografiju domjacych fanow. Wobě mustwje startowaštej kaž wočakowane hnydom ze sto procentami.
Prěnje chłostanje w hrě dźěše na Liški w 4. min. W tutej nadličbje hosći dyrbjachu potom tež Drježdźanscy hrajerja na chłostansku ławku wotedać. Tuž dźěše ze štyrjomi přećiwo štyrjom dale. Chłostani wotběžeštej bjez strašnych akcijow na woběmaj bokomaj. Napjatosć na lodźe bě runjewon pytnyć. Po wjacorych misnjenjach domjacych w swójskej třećinje mějachu so hosćićeljo wrotarjej Jonasej Stettmerej dźakować, zo hosćo njenawjedowachu. W 11. min. móžachu potom domjacy zmylk lodohokejistow z krajneje stolicy při změnje wužić. Ville Järwelainen hrabny sej hrajny nastroj a běžeše sam do směra na přećiwniske wrota. Swój wutřěl njemóžeše Danny aus den Birken parěrować a wone steješe 1:0 za Łužiske liški. A Fina zwyši samo hišće we 18. min. Po wulkotnym předdźěle Dominika Grafenthina docpě wón přichodne wrota za módro-žołtych.
Wažne dobyće za Radworskich koparjow
ST 1922 Radwor – Módro-běli Kulow 3:1 (1:1)
Za Radworske mustwo zasadźeni: Grenzemann – Wjesela, Schäfer, Schulze, Wjeńka, Reinecke (46. Paška), Castejon, Glücklich (56. Nuk), Wjacławk (71. B. Grubert), N. Šnajder (89. Dźisławk), R. Šnajder (93. Hetaš)
Za Kulowske mustwo zasadźeni: Čórlich – Langa, Korch, Kocor, Kisch (67. Koplanski), Bulang, Brückner, Wittek, Bergmann, Nicolaides, Zablocki
