Městnosć swětoweho herbstwa UNESCO za přichod derje přihotowana
Global geopark Mužakowski zahork słuša do swětoweho herbstwa UNESCO. Łužiska drohoćinka přihotuje so na wužadanja přichoda. To je wuslědk lětušeje certifikacije.
„Nadźijamy so pozitiwneje zdźělenki ze stron UNESCO. Žadanja smy spjelnili. Nazymu lěta 2021 smy Europski zwjazk za teritorialne zhromadne dźěło (EVTZ) załožili. Pólska kaž tež Němska stej wusko hromadu zrostłoj a zaručatej stajnu wobchodnisku dźěławosć. Smy wobstajnje widźomni“, měni direktorka geoparka Nancy Sauer. Wona dale wuzběhuje, zo je park drohotne, zmysłapołne wudospołnjenje biosferoweho rezerwata Hornjołužiska hola a haty. Wažne ćežišća, kotrež w geoparku woraja, su mjez druhim posrědkowanje wědy wo geologiji kaž tež wujasnjenje stawiznow regiona a geologiskich zwiskow.
Hojenska kura po Buchingeru – jedna z mnohich móžnosćow so ...
Poskitk za najwšelakoriše kury je runje nětko, w póstnym času, enormny. Hač kura z brěčkami, z poliwkami, z wodu abo z baziskim posćenjom – za kóždu a kóždeho so něšto kmaneho namaka.
Zapodaš-li „kura z posćenjom“ do pytanskeje mašiny w interneće, namakaš dołhu lisćinu najwšelakorišich poskitkow. Mjez nimi tež kury namakaš, kotrež móžeš pod mediciniskim dohladom we kurowym domje abo wosebitej klinice přewjesć. Jich lěpšina bjezdwěla je, zo dóstanješ tu přewodźowacy program. Nimo zabawy – zhromadne sportowanje, rozmołwne koła abo skupinsku terapiju – knihuješ sej zastaranje a přebytk. Tež fakt, zo swoju zwučenu wokolinu wopušći, čłowjekej hustodosć tyje. Swój duch wot wšědneho dnja wotpinać, swoje mysle rjadować a so cyłkownje znowa wusměrić – to wšak su wažne zaměry posćenja. Ćělne wuskutki, kaž zniženje wahi abo natwar muskulatury, stej wočakowanej pozitiwnej pódlanskej efektaj. Wězo dyrbiš sej za tajki kurowy přebytk chwile wzać. W dźensnišim dale a kołwrótnišim času za někotrehožkuli to skerje naročny nadawk. A tež wěsty fenk za to w móšni trjebaš.
Zymske wjesela w prózdninach
Sněhakować, sankować, pućować, sej zajimawe městnosće wotkrywać ... zyma skići najwšelakoriše móžnosće zabawy
Dyrdomdej na twjerdźiznje
Twjerdźizna Königstein w Sakskej Šwicy je w Europje jedna z najzajimawšich twjerdźiznow na skale a słuša do najwuznamnišich zajimawostkow w swobodnym staće. Tež w zymje tam z najwšelakorišimi poskitkami wabja. W bicarnej skalnatej krajinje Połobskich pěskowčinow skića so z twjerdźizny rjany pohlad na krajinu. Königstein je 9,5 hektarow wulki skalny platow a ze swojim ansamblom, wobstejacym z wjace hač 50 impozantnych twarow ze wšelakich dobow a swojimi nimale 800-lětnymi stawiznami je wón magnet za wopytowarjow z cyłeho swěta.
Wjesele spěwać a wjelorake wulěty
We wobłuku jubilejneho lěta 1. serbskeje kulturneje brigady, kotraž bu před 75 lětami załožena, staj za organizatoriske naležnosće tutoho cyłka zamołwita Sylwija Rječcyna a redaktor Serbskich Nowin Bosćan Nawka naprašnik zestajiłoj. Podaće mjena bě fakultatiwne. Wozjewjamy k tutomu skutkowanju reprezentatiwny, anonymizowany zarys wotmołwow (kaž tež někotryžkuli kuriozum), kotrež je wjace hač 60 aktualnych a bywšich čłonow ćělesa zapodało.
Wědu wo Serbach šěri ze serbskim słowom a twori z tym nowe rěčne ...
Před lětami čitach na plakaće, kotryž bě so do redakcije SN dóstał, zo Susann Vogel w Złym Komorowje swjedźeń lyriki organizuje. Mjez čitacymi běchu tež serbscy awtorojo. Tehdy z młodej žonu němsce telefonach. Tola jeje zajim za serbsku rěč sym hižo začuwała. Lěta pozdźišo so w Čornym Chołmcu wosobinsce zeznachmoj. Swjedźeń lyriki w Złym Komorje tehdy wjace w fokusu jeje skutkowanja njesteješe. Mjeztym bě wona zamołwita za pedagogiske poskitki w Krabatowym młynje a rěčeše ze mnu tež něšto słowčkow delnjoserbsce. Ale tež w pisomnej komunikaciji wona serbšćinu nałožowaše. Lěto pozdźišo zetkachmoj so we Wojerecach na konferency wo serbskich projektach strukturneje změny. Tón dźeń wona němski přełožk z hornjoserbšćiny trjebaše. Njedawno, při telefoniskej rozmołwje, klinčachu wšelake delnjoserbske zapřijeća, kotrež wona nałožowaše, w mojim wuchu hižo jara rjenje. Prašach so: Kak wona to zdokonja? Wěm, zo Susann Vogel serbsce wuknyła njeje, zo sej dźeń a bóle swój serbski pochad wotkrywa.
Spochi nowe wužadanja cakaja
^
^
L
udźo w šwicarskich Alpach słyšachu minjene měsacy tež serbske zwuki, jako podachu so skupiny serbskich krosnowarjow wokoło Eliasa Bětki na zhromadne tury.
„Wězo bych jako architekt wjac pjenjez zasłužił, hač nětko tu na twarnišćach, ale na kóncu je čas za mnje złoto – mój čas za trening, mój čas za hory”, praji z wjesołym mjezwočom rodźeny Drježdźanjan Elias Bětka na prašenje, čehodla wón w Šwicarskej jako blidar a ćěsla dźěła, byrnjež studowany architekt był. Před lětomaj běše wón z přećelku Nele z Drježdźan do šwicarskeho kantona Wallis móhłrjec wupućował. We wokolinje, kotruž Elias nětko domiznu mjenuje a w kotrejž dźěła, su nimale wšitke domy z drjewa. A tak je stajnje dosć dźěła za wukubłaneho blidarja.
Nowe lěto – nowe zbožo.Tež 2024 čaka zaso na kóžde z ...
Nowe lěto – nowe zbožo.
Tež 2024 čaka zaso na kóžde z hwězdnych
znamjenjow wěšćenje. 2024 je lěto słónca, a tuž hladaja mnohim lute změny a nowosće do domu.
Kajke to su, čitajće we wulkim horoskopje Serbskich Nowin!
HOROSKOP
~
^
^
^
trelc
23.11.–22.12.
Profituješ 2024 wot inspiracije a fantazije. Soń wulce, ale njedaj so rjanych poskitkow dla zawjesć. Wužadanja? Ty sy za nje wotewrjeny, wšako wotewru wone nowe horiconty. Na planet zboža, Jupitera, móžeš so spušćeć: Wjesel so wot kónca meje na zajimawe zetkanja, na zbožowny čas w lubosći a powołanju, kajkež je jich jenož kóžde dwanaće lět. Zaćmiće słónca 8. apryla budźi
w tebi kreatiwne talenty, z połnym měsačkom 23. meje spušćiš wšo to, štož tebje njetrjebawše poćežuje.
skorpion
24.10.–22.11.
Na tebje čakaja tež
w lěće słónca wužadanja. Rozestajenje ze zašłosću do domu kiwa. Wopušć wěstu kontrolnu conu
a podaj so hłuboko do swojeje psychi, zo by so přez zakryte žedźby a schowane strachi lěpje zeznał. Pušć na młody měsačk 24. apryla stary dušiny balast, zo by wotewrjeny za nowe procesy był. Tak wutworiš sej nutřkowne rumy, kotrež wabja twoju kreatiwnu žiłku a to ćežke
foće: Hana neterecfota: jakub WowčerPóstniski musical w ...
fota: jakub Wowčer
Póstniski musical w Lipsku
młodźina
Raj fantazije
Sorabija Lipsk njeje jenož serbske studentske towarstwo, ale zdobom rada jědnatkow. Tak je to jedyn z dźewjeć cyłkow, kotrež w běhu lěta studentske póstnicy w Lipsku organizuja.
„Serbske póstnicy” su tam dołho hižo znate jako krótke, ale słódke. Z lóštnymi skečemi a wosebje dobrymi spěwami. Tež lětsa móžachu serbscy studenća hosći zbliska a zdaloka přeswědčić. „Kotwica” (Anker), woblubowana žurla za najwšelakoriše zarjadowanja, bě sobotu kopata połna, jako prošachu Sorabičenjo na program z titulom „Módry banćik”. Młodźi studenća orientowachu so na koncepće serbskeje bajki: młodemu hólcej Janej spožči so módry banćik a z tym hoberske mocy. Z nim zamóže samo lawy přewinyć, kotrež so jemu na to kłonja. Zawistna macocha Jana přeradźi a spyta jeho samo zatepić. W poslednim wokomiku lawy zakroča a Jana wumóža.
Lubosćinska stawizna „Mjezy swětomaj“
Ptačokwasny program Serbskeho ludoweho ansambla skići pisane dohlady do kreatiwnych hłójčkow wuměłcow
Marian Bulank a Kornel Kolembus staj za režiju a choreografije zamołwitaj.Bjaršec poboku je nowe wobličo na jewišću ansambla: Ignac Wjesela.Hač drje ma lubosć w dwěmaj swětomaj šansu, tole dyrbja sebi přihladowarjo sami wotkryć.Dalše terminy předstajenjow:
27. januara, 19.30 hodź
w Radworju
28. januara, 16.00 hodź.
w Bukecach
3. februara, 16.00 hodź.
w Chrósćicach
3. februara, 19.30 hodź.
w Chrósćicach
4. februara, 16.00 hodź. w Slepom
10. februara, 16.00 hodź.
w Budyšinje
10. februara, 19.30 hodź.
w Budyšinje
11. februara, 16.00 hodź.
w Budyšinje
W Radworju, Chrósćicach a Budyšinje wječorne předstajenja z rejemi. Nimo toho poskićuja tam do a po předstajenju ćopłu jědź.
Diamantny jubilej diamantaserbskeho lajsko-wuměłskeho hibanja
„Zjednoćenstwo zahorjenych, narodnje wědomych młodych Serbow“ swjeći 75. róčnicu załoženja
25. wulki róžk je Serbam přewšo wažny datum. Na tymle dnju dźě swjeći so po cyłej Łužicy ptači kwas. Kak stary tónle nałožk je, njehodźi so z wěstosću rjec. Serbski kulturny leksikon mjenuje w tym zwisku mjez druhim „podnalětni ritual z předkřesćanskeho časa“, štož woznamjenja, zo złožuje so na nabožnu praksu, kajkuž hižo před (znajmjeńša) lěttysacomaj pěstowachu.
