Kózle (PB/SN). Hižo wjele lět přeprošuje mała wjes Kózle pola Drjowka juhozapadnje Choćebuza w lěću na swjedźeń wosebiteho razu: Na swjateho Jana, za čas zawróćenja słónca, organizuja tam Janske jěchanje. Při tym njeńdźe wo wubědźowanje a titul najspěšnišo. W srjedźišću steji swjedźensce wupyšeny Janski jěchar. Zmužići jěcharjo, mužojo kaž ­žony, spytaja, sej něšto z jeho pychi wottorhnyć. Hač do lěta 1880 je so nałožk swjećił, to je historisce dopokazane. Pozadk je stary słowjanski pohanski přiwěrk, zo přinjesu w najkrótšej nocy lěta kwětki a rostliny, kotryž je Janski jěchar nosył, zbožo.Cyła wjes pěstuje nałožk. Wobydlerjo wupyša wrota swojich statokow z kwětkami a serbskimi seklemi. W małej wjesnej cyrkwi swjećachu dwurěčnu Božu słužbu. Žony přihotuja pyšnu krónu ­Janskeho jěcharja. Lětsa je Tobias Richter na swojim konju Lenox mjeztym šěsty raz tutón čestny nadawk přewzał. Hla­dajo na wulku horcotu pak wón konja njetrjebawšo njedračowaše a jěchanje po dźesać kołach po sportnišću s ...

W Ralbicach hraja pjatk wječor wot 18 hodź. w stadionje Jurij Frencl stari knježa Sokoła­ Ralbicy/Hórki a Sportoweho towarstwa Marijina hwězda wo pokal Serbskeho Sokoła. Koparjo z Pančic-Kukowa su zakitowarjo trofeje. Na wobrazu widźeć je hrajna scena­ ze zašłeho lěta, jako wubědźowachu so we wobłuku sportoweho swjedźenja w Pančicach. Za 27. koparski turněr starych knjezow wo pokal Serbskeho Sokoła stej so jenož horjeka mjenowanej cyłkaj přizjewiłoj. Tuž hraje so zajutřišim w Delanach dwójce 40 mjeńšinow. Foto: Konstantin Hrjehor

Ze spektakularnej akciju su wobswětoškitarjo dźensa na centralnym naměsće kolumbiskeje stolicy Bogota přećiwo přiběracemu zanjerodźenju swěta z plastowymi blešemi protestowali. Hłowna přičina su po jich měnjenju přeco hišće pře niske płaćizny za plastiku, štož wulke napojowe koncerny we łaćonskej Americe znjewužiwaja. Foto: dpa/Fernando Vergara

Na dworach a swjedźenišću w Chrósćicach, kaž tu na Koklic statoku, su dźensa dopołdnja sobudźěłaćerjej Bjaršec zawoda za techniske wuhotowanje zarjadowanjow Jonas Šołta a Silvio Kunze (wotlěwa) započałoj jewišća natwarjeć. Na dohromady pjeć statokach a swjedźenišću prezentuja skupiny z cyłeho swěta sobotu a njedźelu swoje programy. Hižo jutře, štwórtk, festiwal oficialnje w Budyšinje zahaja­. Wobšěrnje Was dźensa tež na přidatnymaj stronomaj wo programje a wosebitosćach festiwala informujemy. Foto: SN/Bojan Benić

Wot klětušeho dźěła zaměrowy zwjazk Łužiska jězorina Sakska z nowymi wustawkami. Na zašłej zhromadźiznje zwjazka su za to trěbne změny wobzamknyli. Jedna z nich je tak mjenowany model spartow.Budyšin (AK/SN). Zaměrowy zwjazk Łužiska jězorina Sakska planuje změny. Tak zawjedu dynamiski dawk, kotryž so na ličbje wobydlerjow a ličbje turistiskich přenocowanjow sobustawskich gmejnow orientuje. Z wjetšinu 17 wot 19 hłosow přihłosowachu zwjazkowi radźićeljo na jich posedźenju wutoru tydźenja nowym wustawkam zwjazka. Hamorska gmejna je přećiwo tomu hłosowała.„Hladajo na wuběrne wuwiće ličbow přenocowanjow w zašłych lětach by podźěl dawka Hamorskeje gmejny wotpowědujo přiwzateho noweho systema financowanja wot tuchwilu štyri na w přichodźe 10,4 procentow lětnje stupał“, praji jednaćel zaměroweho zwjazka Daniel Just. Tomu Hamorski wjesnjanosta Hendryk Balko znapřećiwi. Wón na to pokaza, zo je gmejnska rada namjet wotpokazała: „Za nas woznamjenja to powyšenje wot 14 000 eurow na prawdźepodobnje ...

Šuler Artsiom Tsitsenkous pochadźa z Běłoruskeje, wuknje na Wojerowskim gymnaziju a hori so za sportArtsiom Tsitsenkous pochadźa z Běłoruskeje. Šuler Wojerowskeho Léona- Foucaultoweho-gymnazija bydli mjeztym nimale lětdźesatk zhromadnje ze staršimaj we Łužicy.„Chceš-li něšto docpěć, štož ći na wutrobje leži, potom dyrbiš cyłu swoju energiju swojej ideji abo projektej wěnować.“ Toho je sej Artsiom Tsitsenkous wěsty. Wosebje zajimuje so 16lětny młodostny z Wulkich Zdźarow za sport, w prěnim rjedźe za mjetańcu.„Dyrbiš při hraću sobu myslić, njesměrnje spěšny być, hrajnišćo derje přewidźeć a w teamje integrowany być“, wón praji. Jako čłon Łužiskeho mjetarskeho towarstwa LHV Wojerecy hraje w regionalnej wyšej lize. Lětsa je sej mustwo prěnje městno wuwojowało a nětko hraje wo postup. Artsiom je kruty dźěl mustwa a derje integrowany. Mjez druhim ma tež styki k serbskim młodostnym: „Znaju někotrych młodych Serbow, kotřiž mi serbsku kulturu zbližuja. Nimo toho sym w šuli wo serbskej kulturje z ...

Marek Krawc rozprawja wo aktualnje rozjimanych temach w ČěskejPraha. Čěski premierminister Petr Fiala je měnjenja, zo wohrožuje atomowy ­program iranskeho knježerstwa mje­zynarodnu wěstotu. Tohodla je jasne, zo chcedźa USA ze swojimi nalětami twarej atomowych brónjow zadźěwać, zdźěli Fiala zašłu njedźelu na platformje X. W nocy na njedźelu bě USA tři atomowe zawody w Iranje bombardowała. Tež zakitowanska ministerka Jana Černochová měni, zo je skónčenje atomoweho programa njewobeńdźomne za wěstotu Europy a Čěskeje. Jan Lipavský wonkowny minister je podobneho měnjenja. „Wobkedźbujemy situaciju w Bliskim Wuchodźe z wulkim zajimom a podpě­ramy diplomatiske rozrisanje“, podšmórny Lipavský w Brüsselu. Na wjeršku ­wonkownych ministrow w belgiskej stolicy wuradźowachu politikarjo mjez ­druhim wo prašenju, hač přeńdźe Israel ze swojim postupowanjom w Gazaskim pasmje přećiwo čłowjeskim prawam. Wšako su česćenje tutych w asociěrowanskim zrěčenju mjez Europskej uniju a Israelom zakótwili. ...