Nacije w ministerstwje
To a tamne (11.10.16)
Jako Japančenjo do Němskeje zapućować chcychu ćěkancy z Afghanistana. Při kontroli na Drježdźanskim lětanišću pak su zwjazkowej policiji njeprawidłownosće w pućowanskich pasach napadnyli. Skónčnje so wukopa, zo su pasy 29lětneho muža, 23lětneje žony a třilětneho dźěsća z Afghanistana dospołnje sfalšowane. Kaž ćěkancy přiznachu chcedźa w Němskej wo azyl prosyć.
Stawiznu kaž w 1001 nocy dožiwichu šoferojo awtow w Aachenje. Wosrjedź wulkeho wobchada přeprěčichu tři kamele dróhu. Dwaj z nich wužiwachu k tomu samo přechod za pěškow. W běhu sekundow zawołachu spodźiwneje karawany dla mnozy wobydlerjo policiju. Pola zastojnikow kamele skerje spokojny začišć zawostajichu. Kaž policija wuslědźi pochadźeja zwěrjeća z cirkusa. Kak su wottam twochnyli dotal jasne njeje.
Kubłanske pra- šenja rozjimali
Rada za serbske naležnosće Sakskeje je so na swojim zeńdźenju zańdźeny pjatk w Budyšinje z prašenjemi kubłanja zaběrała. Přichodne zeńdźenje wotměje so spočatk nowembra w Drježdźanach.
Duell z wumjetowanjemi
St. Louis (dpa/SN). Bój wo zastojnstwo prezidenta USA mjez Hillary Clinton a jeje přećiwnikom Donaldom Trumpom so dale a bóle přiwótřa. Tak postajichu temy telewizneho duella zašłu nóc skerje mjezsobne wumjetowanja hač politiske temy. Předewšěm seksistiske wuprajenja Trumpa debatu dominowachu, za kotrež so wón zamołwi. Po naprašowanju sćelaka CNN měnja 57 procentow wobydlerjow USA, zo je Hillary Clinton duell dobyła.
Za měrliwe rozrisanje
Istanbul (dpa/SN). Šef Kremla Wladimir Putin a turkowski prezident Recep Tayyip Erdoǧan wuradźowaštaj dźensa w Istanbulu wo połoženju Syriskeje. Wobě krajej zastupuja wšelakorej stejnišći. Mjeztym zo podpěruje Ruska syriski režim wokoło Baschara al-Assada zasadźa so Turkowska wo jeho powalenje. Při-wšěm wuprajištaj so Putin a Erdoğan hižo při telefonaće zašłu srjedu wo měrliwe politiske rozrisanje w Syriskej. Tohorunja chcyštaj wonaj dźensa wo hospodarskich temach wuradźować.
Merkel w Africe
Sćěhi hurrikana Matthewa, kotryž je kónc tydźenja na wuchodnym ...
Po Němskej pytaneho w Lipsku popadnyli
Vattenfall skorži přećiwo knježerstwu
W nuzy sej mjez sobu pomhać
Prěni němsko-pólski zwjazk knihownjow a archiwow załoženy
Frankfurt n.W./Słubice (RD/SN). Mjezy přesahowacy zwjazk knihownjow a archiwow k mjezsobnej pomocy w nuzowych padach su tele dny w Frankfurće nad Wódru załožili. Jemu přisłušeja knihownja a archiw Europskeje uniwersity Viadrina w Frankfurće n. W., biblioteka Collegiuma Polonicuma w pólskich Słubicach, w samsnym měsće zaměstnjeny archiw Karla Dedeciusa, Frankfurtski archiw zarjada za stasiakty a archiw města Frankfurta nad Wódru. „Po wšej Europje je hakle jara mało tajkich zwjazkow archiwow a bibliotekow. W němsko-pólskej kónčinje je to prěni zwjazk scyła“, wuswětla zarjadniski direktor Collegiuma Polonicuma, Krzysztof Wojciechowski.
To a tamne (10.10.16)
Dokelž parkowachu njeznaći swoje awta nastajnosći na dworje Elmara Mahlinga w Ulmje, je sej wón skerje njewabjacy poskitk šoferam wumyslił. Tak připrawi wobsedźer dwora tafličku: Priwatne parkowanišća, kóžda zahajena hodźina płaći 80 eurow. Po wšěm zdaću tale strategija funguje. Mahling zwěsća dale a mjenje parkowacych awtow. Jeničce z jednym wodźerjom měješe 64lětny dotal ćeže.
Hižo lěta trajaca rozkora wokoło hewrjekacych honačow na dworje plahowarja we wsy Zitz blisko Podstupima dale dźe. Tak měješe wobsedźer nětko dopokazać, zo kapony scyła tajku haru nječinja a zo je wołanje na městnje tak z wašnjom. Skoržićel pak měješe ličbu honačow minjenych měsacow na dworje plahowarja dokumentować. Dźensa zetkaštej so wobě stronje na sudnistwje, zo byštej swoje wuslědki předpołožili.
Litawska woli
Vilnius (dpa/K/SN). W Litawskej wola njedźelu nowy parlament. Najwjetše wuhlady na dobyće maja knježacy socialdemokraća. A to njedźiwajcy toho, zo sypa so na knježerstwo ministerskeho prezidenta Algirdasa Butkevičiusa hižo dlěši čas razna kritika wujowstwa (Vetternwirtschaft), korupcije a politiskeho wobwliwowanja dla. Poměr premiera k prezidentce Daliji Grybauskaitė je skaženy.
Inwestuja do předewzaća
Neustadt (Wied)/Zhorjelc (dpa/SN). Producent čriji Birkenstock chce swoje stejnišćo Zhorjelc dale wutwarić. Za to su njedaloko zawoda Alsa w Habrachćicach (Ebersbach) nimale 18 000 kwadratnych metrow wulku ležownosć z halu kupili. Tam ma hač do kónca lěta 200 parkowanskich městnow nastać. Socialne rumnosće chcedźa wutwarić. Dale maja wotpohlad, wotewrěć zawodny wobchod. Za inwesticiju planuje Birkenstock wjacore miliony eurow.
Brok chce dalše sankcije
