Měnjenja prašane

Donnerstag, 09. Februar 2023 geschrieben von:

Budyšin (SN). Město Budyšin wuwiwa strategiju za wobchad pěšich, kotraž ma jako zakład za spěchowanje pěškoweho wobchada po cyłym měsće słužić. ­Měšćanske zarjadnistwo namołwi woby­dlerjow, so k předležacemu naćiskej dokumenta hač do 19. februara wuprajić, pak přez e-mejlku na abo z póštu na Budyske měšćanske zarjadnistwo, wustaw twarskeho zarjadnistwa, Mjasowe wiki 1, 02625 Budyšin. Link k wobdźělenju namakaće pod .

Dar kameradam w Bukojnje

Bukojna (SN). Dobrowólna wohnjowa wobora w Bukojnje, gmejna Malešecy, wjeseli so nad pjenježnej podpěru Budyskeje wokrjesneje lutowarnje. Ta kóžde lěto swójsku protyku předawa. Wunošk powšitkownowužitnym organizacijam abo towarstwam přewostajeja. Dochody z předanje, kotrež je filiala při Markt­kaufje docpěła, su tele dny kameradam w Bukojnje přepodali. Bě jich 565 eurow.

Móst dospołnje zawěrany

Žiwjenje a skutk Grünewalda

Montag, 06. Februar 2023 geschrieben von:
Budyšin. Marianne Risch-Stolz z wo­krjesneje ludoweje uniwersity Budyšin přednošuje štwórtk, 9. februara, we 18 hodź. w Muzeju Budyšin wo žiwjenju a skutkowanju wuměłca Matthiasa Grünewalda. Grünewald, alias Mathis Neithart abo Mathis Gothart, je předewšěm za Isenheimski wołtar znaty. Zajimcy njech přizjewja so telefonisce pod čisłom 03591 272 290.

Kurs hospicneje słužby

Freitag, 03. Februar 2023 geschrieben von:

Kamjenc. Chorych a mrějacych přewodźeć je naležnosć wutroby, tola słuša tež tójšto mocow k tomu. Wěda, kotraž je za přewjedźenje tajkeje słužby trěbna, sposrědkuje so na přikład w zakładnym kursu ambulantneje hospicneje słužby Carity w Kamjencu. Tutón wotměja wot 1. měrca hač do 1. apryla trójce srjedu wot 17 do 20 hodź. a trójce sobotu wot 9 do 15 hodź. Planowany kurs za pokročenych ma w septembrje slědować. Štóž chcył tajkele wukubłanje absolwować, měł so sčasom pola hospicneje słužby telefonisce pod čo. 03578 37 43 12 abo z mailku na přizjewić.

Wo klóštrje Osek a cisterciensach

Smječkecy. Wjesny klub Smječkecy přeproša wutoru, 7. februara, na přednošk Wolfganga Sperlinga. Ze wsy pochadźacy fachowc a čłon Koła přećelow klóštra Osek wobswětli po poswjećenju domu w 19 hodź. stawizny mjenowaneho sewjeročěskeho klóštra kaž tež skutkowanje rjadu cisterciensow. Zastup je darmotny.

Sobudźěłaćerjam so dźakowali

Donnerstag, 02. Februar 2023 geschrieben von:

Budyšin. Zamołwići zaměroweho wobchadneho zwjazka Hornja Łužica-Delnja Šleska (ZVON) su so wčera z małej gestu pola swojich sobudźěłaćerjow za jich wšědne dźěło dźakowali. Jako dźakny dar přepodachu kóždemu termosowu blešu.

Poskićeja wodźenje

Wojerecy. Wosebitu dźěłarničku za młodostnych wot 9. lětnika a dorosćenych poskićitej hród a měšćanski muzej Wojerec 3. februara w 10 hodź. Zajimcy móža so na tematisce specifiskim wodźenju přez bywši lacaret a lěhwo za wójnskich jatych Elsterhorst, nětčiši Narć pola­ ­Wo­jerec, wobdźělić. Po wodźenju so při­tomni do dźěłowych skupin rozdźěla, zo bychu so z pomocu našočasnych žórłow z dóńtom tehdyšich jatych a nućencow wokoło Wojerec rozestajili. Něhdźe dwě hodźinje stej za poskitk planowanej. ­Zastup za dźěćo płaći pjeć eurow, při­słušacy dorosćeny je darmotny. Zajimcy přizjewja so telefonisce pod 03571 20973504 abo přez mejlku na z.

Informuja wo wukubłanjach

Hodowne štomy spalić

Dienstag, 31. Januar 2023 geschrieben von:
Smječkecy. Hodowne štomy pod wěcywustojnym dohladowanjom spalić móža wobydlerjo gmejny Worklecy a wokoliny štwórtk, 2. februara, w Smječkecach. Kaž tamniša dobrowólna wohnjowa wobora připowědźa, hodźa so jehlinowcy po tym wašnju wot 16 hodź. na nawsy před młodźinskim klubom wotbyć. Kaž wobornicy dale informuja, změja za kóždu resp. kóždeho, kotraž/kotryž swój hodowny štom za spalenje woteda, „mału překwapjenku spřihotowanu“. Popłatk sej za to nježadaja, wo někotryžkuli přikusk kaž tež wo tu abo tamnu dobru kapku chcedźa so postarać.

Pytaja čestnohamtskeju

Montag, 30. Januar 2023 geschrieben von:

Budyšin. Štóž ma zajim za dźěło w muzeju a je čućiwy we wobchadźe z objektami, móže so w Budyskim měšćanskim muzeju přizjewić. Tam pytaja čestnohamtskeju wosobow, jónu za na- a wot­twar wustajeńcow a jónu za hladanje prezencneje biblioteki. Zajimcy přizjewja so přez mailku na abo telefonisce pod 03591/534-910.

Krabatowe swjedźenske hry

Čorny Chołmc. Předań zastupnych lisćikow za lětuše Krabatowe swjedźenske hry so srjedu, 1. małeho róžka, w 9 hodź. započnje. Skazać móžeš – maksimalnje dźesać kartkow – pak internetnje pak te­lefonisce 0351 479 9794. Tiket płaći 45 eurow. Dźěći pod 10 lětami njesmědźa přitomne być. Je 15 předstajenjow mjez 5. a 23. pražnikom planowanych, kóždy raz w 20 hodź. 5,24 eurow płaćizny je ­na dobro zdźerženja młyna. Je móžno, sej ­tiket doma wućišćeć abo na šmóratku składować. Prěni raz so swjedźenske hry 2012 wotměchu, nawal je přeco ­wulki.

Drjewo sam pušćić

Wjace wobydlerjow

Freitag, 27. Januar 2023 geschrieben von:

Pančicy-Kukow. W pjećoch gmejnach zarjadniskeho zwjazka Při Klóšterskej wodźe je spočatk tohole lěta ze 7 223 wobydlerjemi 81 ludźi wjace bydliło hač před lětom. Tole wuchadźa ze statistiki, kotruž je předsyda zarjadniskeho zwjazka Stefan Anders wozjewił. Sobu wulki podźěl na tym ma Njebjelčanska gmejna, hdźež je so loni 26 dźěći narodźiło, lěto do toho wosom. Do gmejny Pančicy-Kukow je 105 ludźi přićahnyło, mjeztym zo bě to w lěće 2021 jenož 42. Po wšěm zdaću zwisuje to z ukrainskimi ćěkancami, kotřiž su sem přišli. Do Chróšćanskeje gmejny je 64 ludźi přićahnyło město 39 lěto do toho. Na tamnym boku je 44 wobydlerjow Worklečansku gmejnu wopušćiło, mjeztym zo bě to lěto do toho jenož 29. Nawopačny zjaw bě w gmejnje Ralbicy-Róžant, zwotkelž je jenož 41 wosobow přećahnyło, lěto do toho bě jich hišće 64. Na Pančičanskim stawnistwje mějachu loni dźewjeć wěrowanjow, w lěće 2021 bě jich dźesać.

Seniorojo zaso škotuja

Wo putnikowanju bjesadować

Donnerstag, 26. Januar 2023 geschrieben von:

Chrósćicy. K wotewrjenemu putniskemu zetkanju a k wuměnje nazhonjenjow su sobotu, 28. januara, w 19.45 hodź. wšitcy zajimcy do Chróšćanskeje putniskeje hospody přeprošeni. Nic jenož ći, kotřiž su hižo raz putnikowali, ale tež ći, kotřiž chcedźa to hakle činić a pytaja dobru radu a chcedźa wjace zhonić, su lubje witani. Na spočatku poda putnica, za kotruž je so přez Jakubowy puć w jeje žiwjenju wjele změniło, zawodny impuls. Po tym je chwile za bjesadu a rozmołwu. Tež ­Monika Gerdesowa jako mějićelka putniskeje hospody wšak je hižo často putnikowała, a steji za prašenja k dispoziciji.

Dźiwadło z wječerju a kofejom

Nowoslicy. Dźiwadłowa skupiny Konjecy/Šunow předstaji swoju komediju „Mužojo nimaja sej lochko“ kónc tydźenja dwójce w Nowosličanskej Dinarjec swjedźenskej bróžni, a to sobotu, 28. januara, w 19 hodź. a njedźelu, 29. januara, w 16 hodź. Sobotu poskićuja tam wot 17 hodź. wječer z tradicionelnej serbskej kwasnej jědźu. Njedźelu móža sej zajimcy wot 14.30 hodź. kofej a tykanc słodźeć dać. Skazanki přijimuja pod telefonowym čisłom 0172 3570908.

Wopominaja wopory

Paslić a serbsce wuknyć

Mittwoch, 25. Januar 2023 geschrieben von:

Kulow. Pod hesłom „Wuměłstwo a rěč“ wuhotuje Marija Šołćic-Touvenot jutře, štwórtk, serbske kreatiwne popołdnjo w Kulowskim Jakubecowym wustawje. Wot 15 hodź. móža wobdźělnicy pod jeje nawodom dekoratiwne objekty, hodźace so na přikład k ptačemu kwasej abo jutram, zhotowić. Takrjec připódla sposrědkuje Šołćic-Touvenout serbšćinu, a to tež „zajimcam bjez předznajomosćow“. Na kreatiwnym popołdnju měli so znajmjeńša tři wosoby wobdźělić, maksimalnje měło jich dźesać być. Přizjewjenje je móžne pod telefonowym čisłom 035725 144 683.

Poskitk za prózdniny

Budyšin. Kamjentny dom poskića wot 13. do 19. februara kreatiwny camp w zymskich prózdninach. Wón wotměje so w ramiku programa PopIIGo, za kotryž je Domowina kooperaciski partner, a měri so na dźěći w starobje dźesać do 18 lět. Wobdźělenje a přenocowanje so z programa spěchujetej a stej za młodostnych darmotne. Štóž ma zajim, njech so spěšnje přizjewi – městna su wobmjezowane. Wobsah a nawodźa dźěłarničkow swědča wo zajimawym programje.

Spominaja na wopory

Předsydstwo z nowačkami

Dienstag, 24. Januar 2023 geschrieben von:

Nowa Wjeska. Swoju hłownu a wólbnu zhromadźiznu je minjeny pjatk Nowowješćanske towarstwa „Wjesna zhromadnosć“ přewjedło. Něhdźe 50 wopytowarjow je z lisćiny dwanaće kandidatow nowe předsydstwo wuzwoliło. Nimo štyrjoch čłonow dotalneho předsydstwa wuzwolichu tež třoch nowačkow. Su to Jan Helner, Franzisko Wenk a Dominik Čornak. Za předsydu wuzwolichu znowa Křesćana Korjeńka.

Radźićeljo wuradźuja

Njebjelčicy. Přichodne posedźenje Njebjelčanskeje gmejnskeje rady wotměje so štwórtk, 26. januara, w 19 hodź. w Pěskečanskej wohnjowobornej gratowni. Najwažniši dypk dnjoweho porjada drje budźe předstajenje solarneho parka w Pěskecach a diskusija k tutej temje.

Chrósćicy. Tohorunja 26. januara, ale hakle w 19.30 hodź. zetkaja so Chróšćanscy gmejnscy radźićeljo w gmejnskim a kulturnym centrumje. Mjez druhim póńdźe wo wobzamknjenje w njezjawnym dźělu zašłeho posedźenja.

Serbska debata

Neuheiten LND