Z trójnej „Sławu“ gratulowali
Radwor. Tradicionalny škotowy turněr seniorow wotměchu organizatorojo zawčerawšim w Radworskim hosćencu „Meja“. Cyłkownje bě 28 ludźi přišło. Z trójnej „Sławu“ gratulowachu wobdźělnicy sobuorganizatorej a aktiwnemu škotowarjej Siegfriedej Rawej k 90. narodninam. Na štwórtym hrajnym dnju je Achim Kral z 2 921 dypkami před Hermanom Wokom z 2 698 dypkami dobył. Třeće městno z 2 684 dypkami wuwojowa sej Herbert Krječmar. W cyłkownym wubědźowanju nawjeduje tabulku Wolfgang Kühn (10 007 dypkow). Herman Woko pak jemu z 9 721 dypkami slěduje. W meji zetkaja so škotarjo potom w Pančicach Kukowje.
Přeprošuja na chodojtypalenje
Z nałožkom so bliže zaběrać
Wojerecy. Kóždolětnje wotměwaja wobydlerjo wječor do 1. meje w Hornjej Łužicy chodojtypalenje. W Delnjej Łužicy so porno tomu hižo ćichu sobotu po chowanju słónca k tradicionalnemu jutrownemu wohenjej hromadźa. Nałožki z wohenjom předewšěm w kónčinach na wsach pěstuja. Tak skića ludźom často prěnju składnosć, po dołhej zymje so zaso jónu pod hołym njebjom zetkać a zhromadnosć pěstować. Přiwšěm pak su regionalnych rozdźělow na přikład hladajo na ceremoniju, spěwy, hrónčka atd. Wo wotběhach – a nic naposledk tež we wułožowanjach, přednošuje dr. Susanne Hozyna z Budyskeho Serbskeho instituta. W přednošku, kotryž budźe jutře, 27. apryla, we Wojerowskim hrodźe, wěnuje so wona třom rituelnym elementam nałožka. Zastup płaći pjeć eurow.
Maja nowy běrow
Hdyž zwěrjenc wotuća
Wojerecy. Njewšědny dohlad za kulisy Wojerowskeho zwěrjenca dóstanu zajimcy njedźelu, 23. apryla, we 8 hodź. Při wosebitym wodźenju pod hesłom „Hdyž zwěrjenc wotuća“ móža so wopytowarjo w zažnej hodźinje na wosebite wašnje po šěsć hektarow wulkim arealu rozhladować. Silke Kühn přeradźi, što so w zwěrjencu normalnje stawa, prjedy hač prěni wopytowarjo přińdu, kotre zwěrjata jako prěnje picu dóstanu a kotre z nich start do noweho dnja prawidłownje zaspja.
Seniorojo škotuja
Radwor. Přichodny škotowy turněr serbskich seniorow wotměje so wutoru, 25. apryla, w Radworskim hosćencu Meja. Kaž hłowny organizator Měrćin Nowak zdźěli, su nowačkojo stajnje witani. Započatk budźe w 14 hodź. Dalše zetkanje serbskich kartyplacarjow budźe kónc meje w „Karstenowej piwowej stwičce“ w Pančicach-Kukowje.
Z kolesom putnikować
Wustajeńca so nachila
Wo mjenach rostlin
Awtor předstaji knihu
Łaz. Na čitanje z Křesćanom Krawcom a jeho knihu „Was wir in uns tragen“ přeprošujetej Ludowe nakładnistwo Domowina a spěchowanske towarstwo Domu Zejlerja a Smolerja we Łazu. Čitanje wotměje so pjatk, 21. apryla, we 18 hodź., we Łazowskim Domje Zejlerja a Smolerja. Na zakładźe dopomnjenkow Serbowkow a Serbow třoch generacijow je awtor zajimawu a zabawnu knihu napisał. Wšitcy su wutrobnje přeprošeni.
Poskićuja dalekubłanje
Smjerdźaca. Serbske šulske towarstwo poskićuje w Smjerdźečanskim kubłanskim srjedźišću LIPA, štwórtk, 27. apryla wot 17 do 20 hodź. druhi dźěl dalekubłanja pod hesłom „namóc, strach a bjezradnosć“. Wone měri so předewšěm na kubłarjow dźěći w předšulskej a zakładnošulskej starobje. Mjez druhim póńdźe wo prašenje, kak móža starši a kubłarjo z konfliktami a zwadu mjez dźěćimi wobchadźeć. Přizjewjenja přijimuja pod 03591 550216 abo e-mejlnje pod .
Wuradźuja wo „Kopřiwje“
Přednošuje wo misionstwje
Bjez adresy žane myto
Budyšin. Mnozy čitarjo su mjeztym hižo křižowku w jutrownym wudaću Serbskich Nowin wuhódali a nam prawu wotmołwu připósłali. Bohužel we wjacorych dóšłych mejlkach adresa wotpósłarja pobrachuje. Tohodla na tymle městnje na to skedźbnjamy, zo maja wotpósłarjo na kóždy pad swoju adresu zapodać, jeli chcedźa so na wulosowanju wobdźělić. Štóž je nam mejlku hižo pósłał, njech kontroluje, hač je adresu podał. Jeli njeje, njech nam z adresu wudospołnjenu mejlku znowa pósćele.
Předstaja přiručku
Zhorjelc. Lipšćanska rěčespytnica dr. Inge Bily předstaji swoju w Ludowym nakładnistwje Domowina wušłu přiručku „Slawische Personennamen in Ortsnamen zwischen Saale und Bober/Queis“ pjatk, 21. apryla, w 19 hodź., w Barokowym domje w Zhorjelcu. Knižne předstajenje wotměje so we wobłuku nalětnjeho zetkanja Hornjołužiskeje towaršnosće wědomosćow jako zhromadne zarjadowanje z LND. Kniha wjedźe wuslědki slědźenjow wo serbskich/słowjanskich wosobowych a městnych mjenach hromadźe a je spušćomny zakład za dalše mjenowědne slědźenja.
Informuja wo lěsu
Pěskecy. Mjez dnjom lěsa (21. měrca) a dnjom štoma (25. apryla) wotměwaja so w rewěrach hornjołužiskeho lěsnistwoweho wobwoda wjacore informaciske zarjadowanja za wobsedźerjow lěsa a dalšich zajimcow. W formje małych ekskursijow wobjednawaja při tym aktualne temy kołowokoło lěsa. Tajka ekskursija budźe tež sobotu, 15. apryla, wot 9 do 11 hodź. Zajimcy zetkaja so na parkowanišću mjez Pěskecami a Róžantom. Přizjewjenja přijimuja hač do 14. apryla pod telefonowym čisłom 0174 3055901 abo pod . Wobdźělnicy njech njezabudu na wotpowědnu drastu a krute črije.
Plincy pjec kaž pola wowki
Radwor. Rěčna motiwatorka Raphaela Wićazowa a Radworske dwórnišćo inkluzije přeprošujetej wšitkich zajimcow na zhromadne popołdnjo za swójby pod hesłom „Serbska kuchnja“. Wone wotměje so jutře, pjatk, wot 15 hodź. na bywšim Radworskim dwórnišću. Tam chcedźa zhromadnje plincy kaž pola wowki pjec, nowe recepty wuspytać a při tym serbować. Zajimcy njech přizjewja so spěšnje pod .
W campje maja hišće městna
Čitaja basnje Lorenca
Budyšin. Towarstwo přećelow Smolerjec kniharnje přeproša na literarny wječor štwórtk, 13. apryla, w 19 hodź. w Budyskej Smolerjec kniharni. W srjedźišću steji zběrka basnjow Kita Lorenca „Es war nicht die Zeit“. Wona podawa dohlad do wšitkich tworićelskich dobow basnika. Prěni raz wozjewjene su basnje ze zawostajenstwa Lorenca kaž tež do němčiny přenjesene basnje ze zwjazka „Zymny kut“. Jan Cyž wječor hudźbnje wobrubi.
Předawaja kinowe křesła
Budyšin. Wot přichodneho tydźenja chcedźa wulku žurlu Budyskeho kina ponowić. Na wšitkich tamnych žurlach dale zwučene kinowe filmy pokazuja. Dokelž dyrbja wulku žurlu dospołnje wurumować, poskićuja w njej kinowe křesła na předań. Štóž je tajke křesło dawno hižo raz doma měć chcył, dyrbjał tule šansu přichodnu njedźelu, 16. apryla, wot 10 do 14 hodź. wužić. Kinowe křesło płaći 20 eurow, zepěru za ruku přewostajeja za pjeć eurow.
Wothłosuja wo namjetach
