Koncertaj na česć Kobjele
Wjes Terpje so derje wuwiwa
Serbskosć hraje w běhu lěta w Grodkowskim měšćanskim dźělu Terpje (Terpe) wažnu rólu. Minjene lěta móžachu tam samo wjacore serbske nałožki wožiwić.
Terpje (JoS/SN). Nazymu tež w Terpjom swjeća, tak kaž bě to něhdy z wašnjom mjez burami wsy, kotraž je mjeztym do města Grodka zagmejnowana. Žnjowa króna je hižo nawita, slěduja oktoberski a běrnowy kaž tež kisykałowy swjedźeń a wězo Terpjanska kermuša.
Tež serbske žiwjenje w běhu lěta we wsy překrótko njepřińdźe, měni znajmjeńša wjesny předstejićer, 67lětny Dieter Freißler. „Smy sej dobry staw z tójšto zarjadowanjemi wob lěto zdźěłali. Do přihotow swjedźenjow zapřijimamy tohorunja dźěći a młodostnych. Z wulkim wjeselom zwěsćamy, zo dorost we wsy přiběra a so tež za serbske nałožki hori. Tak dźěći a młodostni po lětach zaso campruja“, Freißler wuswětla.
Rybowa party na farmje
Prěni raz su předwčerawšim na Wojerowskej Dźěćacej a młodźinskej farmje CSB we Wojerecach dožiwjenski dźeń na temu ryby přewjedli. A ideja wopokaza so jako dobra.
Wojerecy (SiR/SN). Něhdźe 70 dźěći z Łusča, Wojerec, Rakec a Nadrózneje Hrabowki dožiwi wutoru chětro napjaty dźeń na Wojerowskej Dźěćacej a młodźinskej farmje Křesćansko-socialneho kubłanskeho skutka (CSB). Tam wotmě so prěnja „rybowa party“. Na cyłkownje pjeć stacijach su wone eksperimentowali, warili, pjekli, paslili a wězo tež wuknyli.
W Zejicach su sobudźěłaćerjo firmy Bistra Bau – mjez nimi Frank ...
Na čłonow Wochožanskeho wjesneho kluba móža so zamołwići ...
Krótkopowěsće (24.10.19)
„Syn Winnetouwa“ na předań
Budyšin. DVD synchronizowaneho filma „Syn Winnetouwa“ je wotnětka na předań. Wuslědk rěčnopedagogiskeho projekta Rěčneho centruma WITAJ, nastaty w kooperaciji ze Sakskim wukubłanskim a wupruwowanskim kanalom, předawaja w Smolerjec kniharni, w Serbskej kulturnej informaciji a wšudźe, hdźež serbske knihi poskićeja. Film poručeja wot staroby wosom lět.
Synoda ewangelskeje cyrkwje
Oranienburg. Synodu Ewangelskeje cyrkwje Berlin-Braniborska-šleska Hornja Łužica su wčera w braniborskim Oranienburgu zahajili. Wjac hač 100 zastupjerjow dohromady 900 000 wěriwych diskutuje wo cyrkwinskich a politiskich temach. Biskop Markus Dröge přednjese tam swoje poslednje „biskopske słowo“. Po dźesać lětach wón srjedź nowembra zastojnstwo złoži. Nowy biskop budźe dotalny propst Christian Stäblein.
Silwester bjez wohnostroja?
Wobydlerstwo Wojerec dale woteběra
Wojerecy (SN/JaW). Ličba wobydlerjow Wojerec je pod 33 000 spadnyła. To zdźěla Wojerowske měšćanske zarjadnistwo w swójskej statistice. Tak bydleše kónc septembra jenož hišće 32 850 ludźi w měsće a jemu přisłušnych wjesnych dźělach. To je 286 mjenje hač loni kónc samsneho měsaca.
Tež w Rachlowje swjećili
Policija (23.10.19)
Paduši w lawbje
Wojerecy. W běhu minjeneho kónca tydźenja běchu so njeznaći we Wojerecach do lawby zadobyli a z njeje telewizor a njebozowu mašinu spakosćili. Hakle póndźelu připołdnju je 67lětny wobsedźer to pytnył a njeskutk přizjewił. Wěcna škoda na lawbje wučinja z 500 eurami wjac hač hódnota rubizny z 350 eurami.
Katalyzator pokradnyli
Budyšin. Chětro njehańbićiwi a předewšěm njebojazni paduši běchu tele dny w Budyšinje po puću. Kaž policija zdźěla, su z Mitsubishija, kotryž běše na Drježdźanskej hasy wotstajeny, w nocy na póndźelu cyle woměrje katalyzator wurězali a sobu wzali. Wěcna škoda na awće wučinja něhdźe 300 eurow. Rubizna ma hódnotu 500 eurow. Kriminalna policija so z padom nětko zaběra.
Předstaja gmejnski centrum
Chrósćicy. Gmejna Chrósćicy přeprosy srjedu, 30. oktobra, na dźeń wotewrjenych duri w tamnišim gmejnskim a kulturnym centrumje. W 15 hodź. zahaja dźeń z poswjećenjom domu. Po tym předstaja Chróšćanske šulske dźěći kulturny program, a zajimcy móža sej ponowjene rumnosće gmejnskeho a kulturneho centruma wobhladać.
25 lět Horjany
Nowoslicy. Serbska dujerska kapała Horjany zhladuje na 25lětne wobstaće. To chcedźa hudźbnicy zhromadnje z lubowarjemi dujerskeje hudźby woswjećić. Tuž přeproša njedźelu, 3. nowembra, wot 10.30 hodź. na koncert z wobjedom, kofejom a tykancom do Nowosličanskeje Dinarjec kulturneje bróžnje. Zastupne lisćiki za 25 eurow móžeće sej telefonisce pod 0151 / 50 74 48 21 abo e-mailnje pod skazać.
