Starosće z wušimi (2. dźěl)
Nic jenož na wsach, ale tež w městach maja mnozy doma skót. Něchtóžkuli nimo toho drobny skót plahuje. Wšitcy so wo strowotu swojich lubuškow prócuja. K tomu přinošować chce naša serija z pokiwami z weterinarneje mediciny. (54)
Wonkowne wucho našich domjacych zwěrjatow kónči so tam, hdźež srjedźne wucho so započina. Na bubončk (Trommelfell) přizamknu so tři znate słuchowe kóstki (Gehörknöchelchen), kiž rěkaja hejka, nakowka a třemjenik (Hammer, Amboss und Steigbügel). Hakle po kóstkach započina so nutřkowne wucho, kotrež wobsteji ze šnaka a łukowych chódbow.
Basnje rěčespytnika zhudźbnjene
Policija (01.04.25)
Z bitcoinami pjenjezy zhubił
Šěrachow. Internetni wobšudnicy su minjene tydźenje mužej w Šěrachowje wjele pjenjez wulišćili. Njeznaći 55lětneho spočatk měrca přerěčachu, konto za bitcoiny załožić. Na tele konto Šerachowčan we wjacorych krokach wysoku pjećcyfrowu sumu pjenjez přepokaza. Jako měješe so pozdźišo slubjeny dobytk wupłaćić, škodowany hižo žadyn kontakt k wobšudnikam njeměješe. Kriminalna słužba Budyskeho policajskeho rewěra pad nětko přepytuje. Při tej składnosći policija před inwesticijemi w interneće wuraznje warnuje. Ludźo měli tohorunja kedźbować, hdyž jim něchtó wulki dobytk za pjenjezy slubi.
Sobotu do lěsa
Wobraz Jana Buka zawěsćeny
W Strowotnej studni Gagarinowu šulu wottorhaja
Budyšin (SN/MWj). Před 45 lětami su w Budyskej Strowotnej studni šulu natwarili a ju po prěnim čłowjeku w swětnišću Juriju Gagarinje pomjenowali. Nětko su dny kubłanišća ličene. Mjeztym hižo něhdźe tři tydźenje twarjenje wottorhaja, měšćanske zarjadnistwo zdźěli.
Po wjele lětach nowa gratownja
Brězowka (JoS/SN). Dobrowólnym wohnjowym wobornikam z Brězowki, jich partneram a mnohim hosćom bě sobotu při přepodaću noweje wohnjowoborneje gratownje z wobliča wučitać, zo so z tymle dnjom nowy wotrězk wohnjowobornych stawiznow wsy započnje. Wosebje wjele wobydlerjow je přišło, zo bychu tónle podawk z kameradami woswjećili.
Nimo wjesnjanow a zastupjerjow Swobodneho stata Sakskeje kaž tež Zhorjelskeho wokrjesa běchu tohorunja čłonojo susodnych wohnjowych woborow přišli. Jako prěni pak dźěći pěstowarnje „Baćonjace hnězdo“ swoje postrowy hudźbnje a rejujo sposrědkowachu. Nawoda wobornikow Olaf Hanusch dopominaše na spočatki projekta noweje gratownje. Hižo w lěće 2017 so wo njej prěni raz rozmyslowali. Tehdy bě jasne, zo trjebaja nowotwar, wosebje tohodla, dokelž běštej gratownja a pěstowarnja w samsnym twarjenju zaměstnjenej.
Při křižowanišću w Zejicach su technikarjo dźensa dopołdnja ...
Witschas dale bjez naslědnicy Jancyneje
Budyšin (SN/mb). Halena Jancyna je swoje dźěło jako społnomócnjena Budyskeho wokrjesa za serbske naležnosće jara derje wukonjała, to je jej krajny rada Udo Witschas (CDU) wčera hišće zjawnje wobkrućił. Tohodla njejsu na dodźerženju wupowědźenskeho časa wobstali, hdyž je so wona za nowy nadawk rozsudźiła. Ale wuhladow na naslědnicu abo naslědnika tež poł lěta po jeje wotchadźe njeje. To je so wčera w rozmołwje z Witschasom wukopało. Kónc januara bě rěčnica krajnoradneho zarjada našemu wječornikej na naprašowanje zdźěliła, zo hišće rozmołwy wo nowowobsadźenju městna wjedu. Jeli njebudu wone wuspěšne, sćěhuje zjawne wupisanje. Zaměr běše powołanje społnomócnjeneje přez wokrjesny sejmik 31. měrca.
Na dnjowym porjedźe wčerawšeho posedźenja sejmika tón dypk pobrachowaše. Tohodla chcychmy na kóncu nowinskeje konferency krajneho rady do wuradźowanja wědźeć, čehodla tomu tak je. Wšako krajny rada temu narěčał njeje.
Krótkopowěsće (01.04.25)
Šulerjo přewjeduja projekty
Worklecy/ Budyšin. Serbska wyša šula „Michał Hórnik“ we Worklecach zarjaduje wot wčerawšeho hač do srjedy wosebite projektowe dny. Tak maja šulerki a šulerjo móžnosć, so w rozdźělnych projektach eksternych partnerow na wšelkich polach tak mjenowanych MINT-předmjetow wuspytać a z přirodowědnymi temami zaběrać. Tež Budyski serbski gymnazij tele dny projektne dny přewjeduje.
Přihoty wotzamknjene
Bad Schandau. Přihoty za přepruwowanje mosta nad Łobjom w Bad Schandauwje su wotzamknjene. Tři dny chcedźa tam fachowcy přepruwować, w kotrej měrje da so móst wužiwać. Z pomocu wosebiteho jězdźidła, kotrež hodźi so wot daloka wodźić a z přiběracymi wahami nakładować, chcedźa móst wobkedźbować, zdźěli dźensa sakske nutřkowne ministerstwo w Drježdźanach.
Płaćizny dale stupaja
