Jónu wob lěto organizuje Zwjazk za serbski kulturny turizm ekskursiju. Dźensa podachu so čłonojo towarstwa do Konjec. Tam wo­pytachu Šołćic pčólnicu „Regina“, hdźež poda jim Jan Šołta přehlad wo pčólnistwje (foto). Wottam dźěše dale na Ralbičanski kěrchow, do Róžanta, do klóštra Marijineje hwězdy a skónčnje tež k rězbarjej Mikławšej Dyrlichej do Noweje Wjeski. W Kulowskej cyrkwi wuprawu skónčichu. Foto: Feliks Haza

Šansy iniciatiwy za polěpšenje serbskich rěčnych rumow rozjimać

Choćebuz (SN/at). „Domowina podpě­ruje ludowy namjet za zhromadnu šulu w Sakskej. Budźe-li iniciatiwa wuspěšna, móhła wona tež serbskemu ludej šansu skićić, zhromadnosć wšěch dźěći a młodostnych na kubłanišćach a w jich wokolinje lěpje a dlěje pěstować. Domowina by swoju pomoc při koordinaciji mjezsobneho wothłosowanja poskićiła.“ To je zwjazkowe předsydstwo serbskeho třěšneho zwjazka pjatk w Choćebuzu wobzamknyło. Při tym njebě čłonam zwjazkoweho předsydstwa rozsud lochki. Wuběrk za kubłanje a młodźinu bě přehlad serbskich šulow a jich nošerjow zestajał a někotre argumenty za ludowy namjet a přećiwo njemu podał.

dale čitać…
póndź., 22. oktobera 2018

W Drježdźanach wobdźěli so wčera tež horstka Serbow na běhach. Na foće widźimy Bosćija Knopa, Patrika Dittricha, Dawida Klimana, Romana Měrćinka, Bena Šołtu, Mariana Žura kaž tež Annu a Bosćija Reichec, kotřiž su so na 10kilometrowskej čarje wubědźowali. Połmarathon, to rěka 21,1 kilometer, běžeše Jakub Žur z Hrubjelčic. Wón wobsadźi dohromady 985. městno, w starobnej klasy 151. Foto: Jurij Bjeńš

póndź., 22. oktobera 2018

Wjacore organizacije su sobotu w Choćebuzu pod hesłom „Wutworće wěste přistawy“ k demonstraciji za wuchowanje a škit ćěkancow­ namołwjeli. Něhdźe 200 wobdźělnikow je wot Statneho dźiwadła přišedši po nutřkownym měsće ćahnyło. Wobdźěl­nicy skedźbnjachu na wulke strachi za ćěkancow na Srjedźnym morju a žadachu sej čłowjeske wobchadźenje z nimi w Němskej. Tež Choćebuz měł ćěkancam wěste městno přebywanja być, rěkaše jedne ze žadanjow. Foto: Michael Helbig

póndź., 22. oktobera 2018

65 wopytowarjow je wčera nazymski koncert w Grodkowskim hosćencu „Schweitzergarten“ z delnjoserbskim chórom Łužyca dožiwiło. Pod nawodom Lubiny Žurec-Pukačoweje zanjesechu spěwarki a spěwarjo serbske, němske a słowjanske pěsnje, mjez kotrymiž bě tohorunja někotryžkuli žortny, kaž tón z piwowymi karančkami. Dalši koncert wotmě so wčera w Radworju, kotryž wuhotowaše spěwna skupina Wólbernosće. Foto: Jost Schmidtchen

póndź., 22. oktobera 2018

Prěni raz mytuje Łužiska hospodarska iniciatiwa lětsa we wobłuku Łužiskeho wubědźowanja załožerjow firmow (LEX) businessowe plany šulerjow. Premjer­na dobyćerka je šulerska tzwr „Help4U“ Wojerowskeho Léona Foucaul­toweho gymnazija.Choćebuz/Wojerecy (SN/at). Wojerowska šulerska firma „Help4U“ posrědkuje dopomocnu wučbu. Na tajke wašnje přinjesu jednaćelka Marija Skvoznikova, Lisa-­Marie König, Alanis Stewart, Benjamin Körner a wothladowanski wučer Gerald Jonack z Foucaultoweho gymnazija dopomocy potrěbnych šulerjow z wu­čerjemi hromadźe, kotřiž jich podpěruja swoju wědu wudospołnjeć. A tući do­pomocni wučerjo su sami hišće šulerjo. Wosebitosć wuknjenskeje posłužby je jury­ sobu přeswědčiła, Wojerowskich šulerjow z prěnim mytom wuznamjenić.

póndź., 22. oktobera 2018

Połojca lětušich nazymskich koncertow je nimo. Bosćan Nawka je so z organi­zatorku rjada Mariju Swierczekowej rozmołwjał.Knjeni Swierczekowa, kajki maće wosobinski zaćišć wo dotalnych koncertach?M. Swierczekowa: Sym jara spokojom, hladajo na wopytowarstwo runje tak kaž na wothłós a wuměłsku kwalitu. Kóždy dotalny koncert je znajmjeńša 50 za­jimcow wopytało, žurle běchu stajnje derje­ wućežene. Wosebje wjeseliła sym so nad wu­stupom chóra Łužyca njedawno w Chrósćicach – ćělesa z Delnjeje Łužicy njejsu dźě přehusto pola nas z hosćom –, a nad přinoškom ze srjedźneje Łužicy we Worcynje z Rowniskimi glo­sami. Spytam přeco na to dźiwać, cyłu Łužicu wobkedźbować – nastupajo hrajnišća kaž tež wobdźělene wuměłcy.Wjacore wulke chóry so lětsa rozdźělnych přičin dla na rjedźe njewobdźěleja. Je so to na někajkežkuli wašnje wuskutkowało?

póndź., 22. oktobera 2018

Skopje (ČŽ/K). Makedonski parlament je tomu přihłosował, po dorěčenju z Grjekskej kraj přemjenować na Republika Sewjerna Makedonska, krótšo Sewjerna Makedonska. Za namjet knježerstwa je dwutřećinowa wjetšina 120 zapósłancow wopřijaceho sejma trěbna była. Tu wšak bjeze wšeho docpěchu, hłosowaše dźě tež wosom zapósłancow opozicije za přemjenowanje. Z „překřćenjom“ kraja drje so dołholětna zwada ze susodnej Grjekskej skónči. Dokelž jeje sewjerna prowinca tohorunja Makedonska rěka, je Athen dotal přistup Makedonskeje do NATO a Europskeje unije zasakle prěkował. Najwjetša opozicionelna strona VMRO-DPMNE ma mjenowu naprawu za kusacu so z wustawu. Po zakonju ma so w běhu dweju njedźelow formalny proces změny wustawy započeć. Tale procedura móže wšak někotre měsacy trać.W referendumje kónc septembra bě so přemóžaca wjetšina wolerjow za přemjenowanje kraja wuprajiła. Snadneho wobdźělenja dla pak njebě wuslědk woprašowanja płaćiwy. ...

póndź., 22. oktobera 2018

Wotrow (jwo/SN). 16 młodostnych zetka so sobotu popołdnju we Wotrowskim młodźinskim klubje, mjez nimi zastu­pjerjo Njebjelčanskeho, Serbskopazličan­skeho kaž tež Radworskeho młodźin­ske­ho kluba. Tež studenća z Lipska a čłonojo Zwjazka serbskich studowacych běchu­ přijěli, zo bychu sej zhromadnje terminy za lěto 2019 wotrěčeli. Na zhromadźiznu přeprosyło bě Serbske młodźinske towarstwo Pawk. Wosebje za młodźinske kluby je dlěšodobne planowanje wažne, wšako chcedźa dwojenju terminow zadźěwać.

nawěšk

  • Tež lětsa je Domowina na swjedźenskim zarjadowanju wjacorym čestnohamtsce skutkowacym Serbam Myta Domowiny, Čestne znamješko Domowny a tohorunja čestne čłonstwo třěšneho zwjazka spožčiła.  Mjez wuznamjenjenymi běchu zastupjerjo wjacorych generacijow.

nowostki LND