Z wudaća: pjatk, 19 oktobera 2018

Nowa hra z ABC

Choćebuz. Choćebuske Dźěłanišćo za serbske kubłanske wuwiwanje (ABC) je wudało kóstkowu hru z titlom „Magellan – Płachtakowanje wokoło zemje wot lěta 1519 do 1522“. Licencu přewostajił je zarjadnišću Dieter Potente. Anja Piniekojc je přewzała wuhotowanje hry, kotraž zaběra so z płachtakowanjom za čas portugiziskeho kapitana Ferdinanda Magellana.

Pawk protyku zestaja

Wotrow. Serbske młodźinske towarstwo Pawk je runje při tym, terminowu protyku młodźinskich klubow a towarstwow kaž tež tamnych młodźinskich cyłkow za klětu zestajeć. K tomu su sej ju­tře popołdnju do Wotrowskeho młodźinskeho kluba zastupjerjow klubow a dalšich na mjezsobne dorěčenje přeprosyli. Terminy zarjadowanjow a projektow w protyce Pawka 2019 wozjewja.

Inwestuja do interneta

Tobias Herling (prědku) a Alex Mörlin z Budyskeje pišćelotwarskeje firmy Eule wutwarištaj póndźelu ze swojim mištrom w Klukšanskej cyrkwi wjetše dźěle pišćelow. Přichodne dny chcedźa pišćele rjedźić a drjewjane dźěle drjewowych čerwow dla zwupo­rjedźeć. Wjele chwile za to Eulec firma nima, wšako je 27. winowca w cyrkwi w 17 hodź. pišćelowy koncert. Foto: SN/Hanka Šěnec

„Hornjołužiska knižna nazyma“ rěka zarjadowanje, kotrež předewzaće Lubijska kulturna a dalekubłanska towaršnosć a Dittelsdorfske Hornjołužiske nakład­nistwo sobotu w Žitawje wuhotujetej. Tež Ludowe nakładnistwo Domowina budźe tam z hosćom. Bosćan Nawka je so ze sobudźěłaćerjom Smolerjec kniharnje Měrćinom Korjeńkom, kotryž je ze stron LND za koordinaciju zamołwity, rozmołwjał.

Knježe Korjeńko, wo čo so při „Hornjołužiskej nazymje“ jedna?

M. Korjeńk: Dokelž wuhotuja zarja­dowanje lětsa prěni raz, móžemy jenož prajić, što je zakładna mysl: Skićić zajimcam přiležnosć, wosobinsce wobhonić so wo portefeuillu kaž tež nowostkach regionalnych nakładnistwow a wuměnić so z tudyšimi kulturnymi akterami.

Čehodla so na zarjadowanju wobdźěliće?

Starši móža so nowosćow nasrěbać a wo swojich nazhonjenjach rěčeć

Chrósćicy/Budyšin (SN/MiR). Postupowa­nje při zwoprawdźenju koncepcije 2plus na serbskich a serbšćinu wuwučowacych šulach je zasadny wobsah fachoweho dnja 2plus. Lětuše zarjadowanje při­chodny kónc tydźenja steji pod hes­łom „Diskursy pozbudźowaca wučba – empatiska a za žiwjenje wuznamna“. Regionalna wotnožka Sakskeho krajneho zarjada za kubłanje a šule (LaSuB) fachowy dźeń w kooperaciji z Budyskim Rěčnym centrumom WITAJ w nadawku Sakskeho ministerstwa za kubłanje při- a wuhotuje.

Najebać wjacore njeplanowane wudawki­ móhli w delanskej gmejnje lěto­ 2018 z wurunanym hospodarskim planom zakónčić. Tole bě jedna z temow na dnjowym porjedźe gmejnskich radźićelow.

Pod titlom „MineLife“ su wčera we Wo­cho­žanskim parku błudźenkow pućowansku wustajeńcu wo stawiznach, wuwiću a perspektiwje hórnistwa w namjeznym regionje wotewrili.

Wochozy (AK/SN). „Sym połna nadźije, zo sposrědkujemy z pućowanskej ekspoziciju inspiraciju k rozmyslowanju. Njech je to zakład dalšeho zhromadneho skutkowanja“, dr. Miranda Ptak, wiceprezidentka Wrócławskeho hórniskeho za­rjada na wotewrjenskim zarjadowanju podšmórny. Wochožanski park błudźenkow je hač do 15. nowembra prěnja stacija wustajeńcy. Přehladka nasta jako zhromadny projekt Sakskeho wyšeho hórnistwoweho zarjada, wobwodneho hórnistwoweho zarjada Wrócław, wyšeho hórni­stwoweho zarjada Katowice a maršaloweho zarjada delnjošleskeho wójwodstwa. Financowanje bě so přez spěchowanski program „Ziel 3. Interreg Pólska-Sakska“ zmóžniło. Hač do kónca lěta 2020 projekt traje.

Berlin (dpa/SN). Unija a SPD stej w nowymaj woprašowanjomaj na dotal najniši staw wolerskeho přihłosowanja spadnyłoj. Bychu-li njedźelu wólby zwjazkoweho sejma byli, byštej po aktualnym politbarometrje ZDF CDU a CSU jenož hišće 27 procentow hłosow dóstałoj, SPD jeno 14 procentow. W aktualnym „Trendźe Němskeje“ za rańši magacin ARD je unija z 25 procentami hišće dypk słabša, SPD ma tež tu 14 procentow. Wobě naprašowani matej Zelenych za druhu najsylnišu politisku móc w kraju z 19 (ARD) a 20 procentami (ZDF).

Pegida diskurs přesunyła

Drježdźany (dpa/SN). Politologa Hans Vorländer ma islamej a wukrajnikam njepřećelske hibanje Pegidu sobu zamołwitu za prawicarski mach w Němskej. „Pegida je diskurs w Němskej a hranicu toho, štož hodźi so wuprajić, jasnje doprawa přesunyła“, rjekny wón powěsćerni dpa. Pegida je so přiběrajcy zesku­pjenjam z prawicarskeho a prawicarsko­ekstremneho wobłuka wotewrěła.

Italski dołh přewzać nochcedźa

Na połkupje Krim žaruja wo wopory masakra na šuli z cyłkownje 20 mortwymi. Zawčera­wšim, srjedu, bě 18lětny wučomnik w połowanskej šuli w měsće Kerč na šulerjow a wučerjow třělał a so po tym sam morił. Postupowanje młodostneho přirunuja ze šulskimi masakrami w USA. Foto: dpa/Maxim Grigorjew

Berlin (dpa/SN). Předsydka Zelenych Annalena Baerbock je wuchodoněmskim ministerskim prezidentam w zwisku ze skónčenjom zmilinjenja brunicy misnjenja wumjetowała. „Lěta dołho su ministerscy prezidenća twjerdźili, zo so po­trjechene kónčiny po kóncu brunicy potepja“, rjekny Baerbock nowinarjam. „Město toho zo bychu jednali, su ruce do klina połožili a ze swojej ‚dale-tak-politiku‘ pokročowali“. Wuchodoněmscy ministerscy prezidenća Michael Kretschmer (CDU/Sakska), Reiner Haseloff (CDU/Saksko-Anhaltska) a Dietmar Woidke (SPD/Braniborska) chcychu dźensa w Berlinje so schadźowacej wuhlowej komisiji swoje předstawy wo kóncu brunicy rozłožić.

Na piwo a pomfritki so přeprosyć dała je zwjazkowa kanclerka Angela Merkel w Brüsselu. Turisća móžachu wob­kedźbować, kak wona po prěnim dnju wjer­ško­weho zetkanja EU zhromadnje z francoskim prezidentom Emmanuelom Macronom, belgiskim knježerstwowym šefom Charlesom Michelom a luxemburgskim premierom Xavierom Bette­lom w sławnym Brüsselskim Grand Place sedźeše. Zličbowanku zapłaćił je Xavier Bettel. Po njedźelnych wólbach w Luxemburgu wostanje wón drje premier.

Ze spodźiwnej maskeradu je muž w Dortmundźe spytał hosćenc wurubić. Po informacijach policije žadaše sej 33lětny w hosćencu pjenjezy. Maskěrowany bě ze spódnymi cholowami na hłowje. Korčmar a jedyn z hosći móžeštaj rubježnika přewinyć a přiwołanym zastojnikam přepodać, policija zdźěli.