Wobrazy dweju molerkow překwapjeja
Budyšin (SN/CoR). Štóž sej mysli, zo wuměłstwo Budyskeje molerki Almut-Sophije Zielonka znaje, tón móže w jeje nowej wustajeńcy w Muzeju Budyšin překwapjenku dožiwić. Sylne barby přihladowarjej do woči bija, nimale wšudźe steji čłowjek w srjedźišću wulkoformatnych mólbow-portretow. 55lětna wuměłča pak wěnuje so tež z wotmachom palacym towaršnostnym problemam. Titul přehladki „Do swěta sunjene“, předstajaceje něhdźe 60 twórbow z minjenych pjeć lět, wopisuje nowu fazu tworjenja Almut-Sophije Zielonka. „Wona je z wulkim skokom swoje dotalne hranicy překročiła, samo politika je nětko tema za nju“, rozłožuje Ophelija Hrjehorjowa z Budyskeho muzeja. „Dołhi čas mějach rezignatiwne zhladowanje nimale za winowatosć. To sym wotbyła, móžu nětko wuswobodźena dźěłać a z barbami hrać“, Almut-Sophia Zielonka wuswětla.
29 namjetow zapodali
Zarjadowanja na połsta městnach
Druhi raz ma so wot 25. awgusta do 18. septembra Łužiski festiwal jako mjezy a sparty přesahowacy wjeršk pod kmótřistwom ministerskeju prezidentow Sakskeje a Braniborskeje Michaela Kretschmera (CDU) a Dietmara Woidki (SPD) wotměć. Pod hesłom „Zwischensamkeit“ zetkaja so mjezynarodni wuměłcy z kulturnymi akterami z regiona.
Zhorjelc (dpa/SN/CoR). „Moje najwjetše přeće za Łužiski festiwal je, ludźom rjec: Njejsu žane barjery, kotrež maš přewinyć. Přińdźće z wotewrjenej wutrobu a lóštom něšto zhonić, potom w našim programje něšto wunošne namakaće“, rjekny intendant festiwala Daniel Kühnel na nowinarskej konferency braniborskeho ministerstwa za wědomosć, slědźenje a kulturu a sakskeho statneho ministerstwa za wědomosć a wuměłstwo minjeny pjatk w Zhorjelcu. Centralna tema festiwala je strukturna změna.
Label „Sorbian Music“ załoženy
Budyšin (SN/CoR). Nowy label „Sorbian Music“ poskića wotnětka na wšěch znatych streamingowych platformach wothrawanje serbskeje hudźby a dalšich awdijowych produkcijow, kotrež je Załožba za serbski lud hdy produkowała abo spěchowała. Label wopřijima wšelake žanry wot klasiki přez rock a pop hač k słuchohram a bajkam za dźěći.
„Pój, wutroba, a wjesel so“
Serbski ludowy ansambl pandemijowu přestawku zakónčił
Hrodźišćo (CRM/SN). Po přestawce, pandemije dla, zahaji Serbski ludowy ansambl Budyšin swój rjad lěćnych wustupow wčera popołdnju z openairowym koncertom w čerstwej krasy Hrodźišćanskeho hrodoweho parka. Tež někotrych Serbow z Budyšina a z dalšich kónčin běše tutón hudźbny poskitk w idyliskim prastarym serbskim sydlišću nad Lubatu najebać mało přećelneho wjedra wuwabił.
Strachi wo eksistencu tema byli
Jako „Žonjacy dialog“ Budyska Žonjaca iniciatiwa zhromadnje z wjacorymi partnerami akciske tydźenje digitalnje dale wjedźe. Strach wo eksistencu w zwisku z koronapandemiju wosebje samostatnych steješe w srjedźišću wčerawšeho zarjadowanja pod hesłom „Schlendere deinen Umweg mit Stil!“.
Budyšin (SN/CoR). Přeprosyli běchu sej aktiwistki wokoło hosćićelki Sabriny Baumann samostatnu kosmetikarku, wučerku za yogu a hladarku nohowpodologowku we wukubłanju Simonu Lauer, swobodnje skutkowacu filmowču a medijowu pedagogowku Angelu Šusterec kaž tež Jacqueline Bramborg z kontaktownišća za sebjepomoc Budyskeho wokrjesa we Wojerecach.
Libuše Šafránková zemrěła
Festiwal aquamediale 14 zahajeny
Z wuměłstwowym čołmikowanjom su minjenu sobotu aquamediale 14 w Słopišćach (Schlepzig) zahajili. „Wjeselu so, zo je so aquamediale z krutym dźělom Braniborskeho kulturneho lěća stała. Mjeztym 14. błótowski wuměłstwowy festiwal zwjazuje na jónkrótne wašnje načasne wuměłstwo a tradicionalne rjemjesło“, rjekny zastupjerka krajneho rady wokrjesa Dubja-Błóta Susanne Rieckhof (nalěwo) na wotewrjenju. Pod hesłom „Hand Werk Kunst“ je aquamediale do 18. septembra zjawnje přistupna, to pak jeno z čołma. Dohromady su twórby jědnaće wuměłcow z wosom krajow widźeć. Foto: spěchowanske towarstwo aquamediale
