Z poražku do přestawki
LSV Bluń 74
– Sokoł Ralbicy/Hórki II 2:1 (2:0)
Zestawa hosći: J. Matka – Zynda, Materna, Bogusz, M. Matka, Čórlich (86. Cyž), Kobalc, Ma. Serbin, Šołta, Mi. Serbin, Kurjat
Po dobrym wukonje w zašłymaj hromaj wjedźeše puć koparjow Sokoła Ralbicy/Hórki II do Blunja. Trenar Michał Čóška dyrbješe z Tomašom Rawšom (žołto/čerwjena), Stefanom Róblom, Křesćanom Matku a Feliksom Šěnom hnydom štyrjoch narunać. Wupady so wosebje w prěnim połčasu na wukonliwosć hosći wuskutkowachu. Zastatk 0:2 bě zasłuženy. W 14. min. přizemi zamjet pola domjaceho hrajerja, kiž sej kulowatu kožu hrabny a z něhdźe 30 metrow wótrje a wuspěšnje wotzamkny. Sokoljo mějachu w běhu prěnjeho połčasa jeničku šansu přez Symana Bogusza, kiž pak njetrjechi. Mjeńšinu do přestawki přijimachu Sokoljo 0:2. Po zamjeće so nadběhowar wušiknje wokoło Michała Serbina zwjertny a kolega z krótkeje distancy Jurja Matku znowa přewiny.
Škit znowa přesłaby był
SC Großröhrsdorf II
– SJ Njebjelčicy 3:0 (2:0)
Zestawa hosći: Hahn – Kral, Deleńk, Pawlik, Šołta, Mjechela, Haška, Hanuza, Lejnart, Hrjehor (55. Schütz), Čornak
Znowa bě trenarska dwójka koparjow Njebjelčanskeje SJ Handrij Krawčik/ Detlef Panic nućena mustwowu zestawu přerjadować. Z wjacorych přičin pobrachowachu hnydom štyrjo stajni hrajerjo. Nimo toho wotmě so partija na kumštnym trawniku, na kotrymž mějachu domjacy wězo lěpšiny. Bul běži na tajkich kopanišćach bjez zadźěwkow spěšnišo a přihrawki dyrbja precizne być. Z tym pak su sej hrajerjo wokoło zastupowaceho kapitana Roberta Lejnarta ćežko činili. Wulke šansy sej tuž žane njewuhrachu. Za domjacych pak zwjertny so wysoki bul, kotryž bu hišće wot sylneho wětřika podpěrany, w 40. min. do hornjeho kuta k 1:0. Prjedy hač so Njebjelčenjo tak prawje zhrabachu, ležeše přesłabje wotwobarany bul pjeć mjeńšin pozdźišo znowa w saku Nica Hahnoweje klětki. To bě wězo dospołnje kontraproduktiwne.
Wulosowane skupiny za koparske mišterstwa narodnych mjeńšin ...
Skupina A – mužojo
A1 Ladinojo
A2 Zapadothrakiscy Turkojo (z Grjeksk.)
A3 Madźarojo z Ru- munskeje
A4 Krimscy Tatarojo
Skupina B – mužojo
B1 Retoromanojo
B2 Romojo z Madźarskeje
B3 Karačajenjo z Ruskeje
B4 Wubranka mjeńšin z Estiskeje
Skupina C – mužojo
C1 Korutanscy Słowjency
C2 Łužiscy Serbja
C3 Němcy z Danskeje
C4 Madźarojo ze Sło- wakskeje
Skupina D – mužojo
D1 Danojo z Němskeje
D2 Okcitanojo
D3 Słowacy z Madźarskeje
D4 Aromunojo
Skupina E – mužojo
E1 Němcy z Južneho Tirola
E2 Sewjerni Frizojo
E3 Němcy z Pólskeje
E4 Manksojo
Skupina F – mužojo
F1 Němcy z Madźarskeje
F2 Južni Serbja z Chor- watskeje
F3 Cymbrojo z Italskeje
F4 Němcy z Ruskeje
Skupina G – žony
G1 Němki z Južneho Tirola
G2 Łužiske Serbowki
G3 Okcitančanki
Skupina H – žony
H1 Ladinjanki
H2 Retoromanki
H3 Němkiz Ruskeje
Widźał, słyšał, napisał (14.12.15)
Awtor dźensa
Mikławš Krawc
Tole je mój posledni přinošk za tutu kolumnu. Docpětych 45 lět dopisowanja je dobra składnosć, pjero młódšim awtoram přewostajić. Rady budu so dale na někotre wjerški dopominać: Započało bě so wšitko 1970. Wot awgusta komentowachu třo Budyšenjo – Józef Kilank, Pětr Šołta a ja – hry koparskeje wyšeje ligi NDR. Swój prěni artikl wotedach njedźelu, 13. awgusta, wječor w redakciji na Sukelnskej. Nowa doba započa w póndźelnišim wudaću aktualnje wo sportowych podawkach rozprawjeć. Do toho běchu tele wudaće mjenujcy hižo pjatk ćišćeli.
Wuslědki (14.12.15)
Wokrjesna koparska liga, stafla II
Nowe Město II – Šćeńca 19:0 (11:0)
Bluń – Ralbicy/Hórki II 2:1 (2:0)
Lubuš – Rakecy II1:2 (0:1)
FC Łužica – Ćisk II1:3 (1:1)
HZ Łaz – Hory II0:0 (0:0)
N. Hrabowka – Njeswačidło 2:2 (2:1)
Wojerecy 1919 – Hórnikecy 3:0 (1:0)
1. Wojerecy 1919 14 38 : 13 32
2. Rakecy II 13 37 : 8 30
3. FC Łužica 14 29 : 14 28
Sport (11.12.15)
Wosmifinale młodźiny A
Jutře, sobotu, wočakuje koparska młodźina A Hrajneho zjednoćenstwa Wojerecy we wosmifinalu krajneho pokalneho koła mustwo młodźiny A Dynama Drježdźany, kotraž hraje w regionalnej lize-sewjerowuchod. Zakop budźe w 12 hodź. na kumštnym trawniku Jahnoweho stadiona.
Přeprošeja na jubilejny turněr
ST Marijina hwězda přeproša zajimcow na 30. jubilejny nowolětny volleyballowy turněr. W jednym mustwje smědźa hrać třo aktiwni z wokrjesneje klasy, z nich móže jedyn być aktiwny nadwokrjesneje runiny. Za hrajerki žane wobmjezowanja njejsu. Nastupić smědźa jenož mustwa ze šěsć volleyballist(k)ami. Maksimalnje šěsnaće cyłkow smě so wobdźělić. Rozsudźi rjad přizjewjenja. Turněr budźe sobotu, 2. januara, wot 13 hodź. w Pančičansko-Kukowskej sportowni. Přizjewće so prošu pola Pětra Barta telefonisce pod 01733736479 abo e-mailnje pod .
Blidotenisowe dypkowe hry
11.12. 19:30 Konjecy – Połčnica IV
11.12. 18:00 Budyšin 04 III – Worklecy
11.01. 19:30 Radwor – Biskopicy III
14.01. 19:00 Konjecy III – Wětnica III
Koparske dypkowe hry
12.12. 13:30 Kamjenc – Taucha
12.12. 11:30 Großröhrsd. II – Njebjelčicy
12.12. 13:30 ST Budyšin – Radwor
Doma zaso wuspěšni
ST 1922 Radwor
– ST Porchow 3:1 (1:0)
Zestawa domjacych: Wróbl – Bauer, Buša, Henke, Karwin (68. Omran), Šram, Zähr, Nuk, Wjeńka, Mark, Schulze (88. Sćapan)
Tež poslednju domjacu hru prěnjeje połserije chcychu Radworscy koparjo wuspěšnje zakónčić. Před jědnaće lětami běchu woni přećiwo Porchowej posledni raz w pokalu nastupili. Tehdom su Radworčenjo 1:0 dobyli. Prěnje dwaceći mjeńšin nětko pak słušachu tónkróć hosćom, kotřiž spytachu z dołhimi třělwami strašne nadběhi startować. Radworčenjo sej šansu po šansy poněčim wuwojowachu. Wosebje spěšnaj Matej Wjeńka a Daniel Nuk zamóštaj Filipa Marka a Toma Schulzu přeco zaso do dobrych pozicijow wjesć. W 25. min. pospyta so najprjedy Schulze. Jeho kop pak najlěpši Porchowčan z dobrej paradu we wrotach wotwobara. Mark so w druhim pospyće wobsuny. Tež Pawl Šram a hišće jónu Schulze z distancy wrota snadnje misnyštaj. Lěpje sčini to młody Nuk. W 36. min. storči wón bul po rjanej kombinaciji ze Schulzu k 1:0 do wrotow.
Po nawjedowanju tola jenož dypk docpěli
Berlinski AK 07
– FSV Budissa Budyšin 1:1 (0:0)
Zestawa Budissy: J. Jakubov – Kolan, Klippel, Pfanne, Čermák, Hoßmang, Hausdorf (90. A. Jakubov), Kral, Reher, Walther (82. Rupf)
W němskej stolicy měješe Budissa Budyšin pola Berlinskeho AK ćežki nadawk, wšako bě tón hižo wjacorym faworitam nohu podtyknył. Trenar Budissy Tomaš Henčl pak chcyše ze swojim cyłkom přiwšěm wuspěšnje hrać. Bohužel dyrbješe Ezequiel H. Rosendo hižo zahe kopanišćo wopušćić. Prěnju šansu za hosća měješe Budyski top-nadběhowar Paul-Max Walther. Třělwa z kónčkojteho kuta pak dźěše snadnje nimo. Tež Waltherowy wólny kop ze zdalenosće 18 metrow wrota misny. Budyšenjo hru kontrolowachu a wšitke přećiwniske nadběhi před šěsnatku wotpopadnychu. Při wólnym kopje přećiwnika bě Jakub Jakubov na městnje a třělwu wotwobara. Hač do přestawki wotměwaše so hra mjez šěsnatkomaj a mjezywuslědk rěkaše tuž 0:0.
Lekciju dóstali
Puć k wonkownej hrě wjedźeše Marijine hwězdźički do Habrachćic pola Zhorjelca. Tam witachu je volleyballistki TSV Kunnersdorfa z rumpodichowymi měcami na lětuši předposledni hrajny dźeń. Bohužel pak hosćićel nikomu ničo njedari, ale wobdari so radšo sam.
TSV Kunnersdorf – ST Marijina hwězda 3:1 (25:18, 22:25, 25:11, 25:16)
Dypkownje započa so prěnja hra. Hóstne volleyballistki spěšnje nawjedowachu, a to přez wótre nadaća Susi Glücklichoweje. Tola wjeselo bě jenož nachwilne. Krótko do kónca 1. sadźby mějachu domjace z 20:15 nós prědku.
Druhi přechod zahaji Anne Fünfstück ze seriju nadaćow a nawjedowanjom 4:1. TSV Kunnersdorf pozdźišo na 8:8 wuruna a započa znowa předskok powjetšować. Hrožeše samsna poražka kaž w prěnjej sadźbje. Znowa postara so Anne Fünfstück ze sylnymi nadaćemi wo wurunanje a mjezystaw 20:15. Z pazorami a zubami Marijine hwězdźički předskok zakitowachu, pokazujo swoju sylnu stronku. Tak zawěsćichu sej dobyće, kotrež zbudźi w nich nowu nadźiju.
Bohate wobradźenje w Delanach
Sokoł Ralbicy / Hórki II
– SZ Lubuš 6:0 (2:0)
Zestawa domjacych: J. Matka – Materna, Zynda, Róbl, Serbin (65 M. Matka), Bejma, Rawš, Šěn, Čórlich, Kobalc, Kurjat (86. Cyž)
Po wysokim dobyću koparjow Sokoła Ralbicy/Hórki II přećiwo Wětnicy/Holi rěkaše tež doma přeswědčiwu hru pokazać. Kaž tydźenja pak njemóžachu so tónkróć na pomoc prěnjeho mustwa spušćeć. Zwosta jenož Fabian Bejma w srjedźnym polu, kiž zhromadnje z Tomašom Rawšom hrajne nitki ćahaše.
Domjacy optimalnje startowachu. W 3. min. dóstachu róžk, z kotrehož Markus Kobalc bul hnydom k nawjedowanju přez liniju storči. To zaruči trěbnu wěstosć. Sokoljo zady derje stejachu a so prědku stajnje wo njeměr starachu. W 14. min. so to wudani. Bejma nahra Rawša na lěwym boku, kiž hač na zakładnu liniju přeběža a mudrje Měrćinej Kurjatej wróćo hraješe. Tón njeda so dołho prosyć a přetwori do dołheho kuta. Po diagonalnej třělwje smaleše hóstny hrajer na wrota Jurja Matki, kiž pak kut derje skrótši. Ze změrowacym 2:0 dźěše do kabiny.
