Pandemija haći spěchowanja
Budyšin (SN). We wuchodnej Sakskej je w aprylu 19 051 bjezdźěłnych, 531 resp. 2,7 procentow mjenje hač w měrcu. Kwota bjezdźěłnosće je na 6,8 procentow spadnyła, kaž Budyska wotnožka Zwjazkoweje agentury za dźěło dźensa informuje. Zo je so zaso wjace ludźi do dźěła dóstało, zwisuje z typiskim nalětnim wožiwjenjom dźěłowych wikow. „Předewzaća swojich sobudźěłaćerjow hłownje we wonkownych powołanjach zaso přistajeja, na twarnišćach, w ratarstwje abo zahrodnistwje“, pisa Kathrin Groschwald, předsydka jednaćelstwa Budyskeje agentury.
Nastupajo dźěłowe wiki druhe faktory pozitiwny wliw nalětnjeho wožiwjenja wobmjezuja. „Naprašowanje za personalom je so porno časej do koronapandemije wosłabiło. Nimo toho móžemy pod tuchwilnymi wobmjezowanjemi pandemije dla mjenje spěchowanskich naprawow přewjesć“, Groschwald zwěsća.
Porno aprylej 2020 je tak mjenowana poddźěławosć – ličba wosobow, kotrež su bjezdźěłne abo wobdźěleja so na dźěłowičnych naprawach –, wo 1,6 procentow na nětko 23 048 woteběrała.
Sobudźěłaćerjo Lipšćanskeho zawoda awtotwarca Porsche su so ...
Přeprošenje młodźinje
Znjezboženych wopominali
Kwětki wulka lubosć zahrodnika
Spočatk januara 1987 dósta wučeny zahrodnik a mišter za wuhotowanje zahrodow Pětr Čórlich dowolnosć so zesamostatnić. Wjele prócy a dźěła dyrbješe nałožić, zo by přewinył ćeže a zadźěwki jako samostatny za čas NDR.
Koćina (aha/SN). Tež wužadanjam wičneho hospodarstwa po towaršnostnym přewróće wotpowědować njeje přez wšě lěta lochko było. Tola wot lońšeho nalěća trajaca koronapandemija a napołožene předpisane naprawy jeho kaž tež syna Maćija, kotremuž je Pětr Čórlich po 33 lětach zahrodnistwo přepodał, tuchwilu chětro wobćežuja.
Konsekwenca w swójbach trěbna
Markus Posch chce hač do lěta 2028 Kulowski měšćanosta wostać – Žiwa dwurěčnosć je jemu jara wažna
W Kulowje a jědnaće wjesnych dźělach 9. meje měšćanostu wola. Z Markusom Poschom (CDU) maja tónraz jeničkeho kandidata. 51lětny je wot 2014 měšćanosta. Z hesłami kaž „Ja so wo to staram“ a dalšimi wabi wón na plakatach wo dowěru wobydlerjow. Wo jeho motiwaciji a wobsahach jeho dźěła je so Andreas Kirschke z nim rozmołwjał.
Knježe Poscho, při zašłych wólbach měšćanosty sće štyrjoch sobukandidatow měł. Čujeće so to lětsa někak samlutki?
M. Posch: To móžeš widźeć, kaž chceš. Jónu to pokazuje, zo je wot 2014 bjezdwěla něštožkuli derje běžało a rěči za dobre dźěło w měšćanskim zarjadnistwje. Wotbłyšćuje pak tež wulku zamołwitosć, kotrejž chcu znowa wotpowědować.
Što Was za to motiwuje?
M. Posch: Chcu wobydlerjam blisko dźěłać a na docpěte nawjazać. Štož płaći, su wuslědki.
Što sće wot lěta 2014 docpěł?
Njesmě ke krizy wukubłanja dóńć
Z tuchwilneje krizy koronapandemije dla njesmě kriza wukubłanja abo fachowych mocow wurosć. Tohodla je Zwjazkowa agentura za dźěło hromadźe z partnerami w swójskim samozarjadnistwje z internetnej platformu nowy digitalny poskitk wutworiła.
Wobchody testowanym a šćěpjenym wotewrěć
Budyšin (SN/BŠe). Zwjazkowy sejm chce dźensa změny zakonja wo infekciskim škiće wobzamknyć, kotrež maja potom za cyły Zwjazk płaćić. Přiwótřenych naprawow w zwisku ze zakonjom so wosebje tež wobchodnicy boja.
Dalši króć wuznamjenjene
Budyšin (SN). Předewzaće Hentschke Bau tzwr z Budyšina ma z wida načolnistwow w Němskej wulku inowacisku móc. Znajmjeńša wuchadźa to ze studije informaciskeho sćelaka Welt, kotryž je hódnoćenje zhromadnje z Kölnskim analyzowym institutom Service Value zdźěłał. Cyłkownje staj akteraj něhdźe 22 000 posudkow zběrałoj, naprašujo so 2 337 předewzaćow w 177 branšach. We wobłuku twarstwa docpě Hentschke Bau jedne z prědnich městnow.
„Za nas je to cyle wosebite wuswědčenje“, měni jednaćel Budyskeje twarskeje firmy Thomas Alscher. Dokelž dyrbjachu naprašowani swójske informacije na zakładźe nazhonjenjow posudźować, „je wuslědk kwalitny pječat za rozsudy předewzaća hladajo na přichodne inwesticije“. To podšmórnje Alscher w nětko wozjewjenej nowinskej zdźělence. Zdobom zhladuje na wuspěšne zasadźenje nowych technologijow wosebje nastupajo wužiwanje betona, tak zo je so předewzaće k wodźacej firmje branše wuwiło. Wuznamjenjenje je jedne z wjacorych, kotrež běchu předewzaću Hentschke Bau mjeztym spožčili.
„Nadźija poslednja wumrěje“
Kak so trajace wobmjezowanja koronapandemije dla na Rěčičanski Erlichtec dwór wuskutkuja
Pod nalětnim słóncom žiwjenje po dołhim zymskim času wotuća. To móžemy derje wokoło areala Erlichtec dwora w Rěčicach wobkedźbować. Móc słónca pak tuchwilu njedosaha, zo by so zdobom w jednotliwych twarjenjach sydlišća porjadnje něšto hibało. Kwakla koronawirusa tomu zadźěwa. Nětko w Sakskej hač do 9. meje podlěšeny lockdown staja sćerpnosć rjemjeslnicow a sobudźěłaćerkow turistiskeje informacije na dalšu krutu probu. Wot rjaneho wjedra w minjenych tydźenjach wobchodnicy ničo měli njejsu. Wulětnikarjo su drje swoje awta na parkowanišću wotstajeli, wuchodźujo so po bliskich hatach pak njejsu wulce na to dźiwali, hač tón abo tamny wobchod snano na kupcow čaka. Wo kulturnym poskitku w dźiwadłowej bróžni za čas pandemije rěčeć njetrjebamy, wona je zawrjena.
