Sprawny njerozsudny wuslědk
FSV Budissa Budyšin
– ZFC Meuselwitz 1:1 (0:1)
Zestawa domjacych: Ebersbach – Kunze, Hausdorf, Hoßmang, Mack, Krawčik (46. Müller), Pfanne, Weiß (68. Kloß), Milde, Schmidt, Gehrmann (80. Heppner)
Nachwatansku hru w regionalnej lize mjez Budissu Budyšin a ZFC Meuselwitzom přewjedźechu koparjo pod swětłomjetakami na Młynkec łuce. Před 227 přihladowarjemi chcyše sej Budissa na kóždy pad wšitke dypki doma zdźeržeć. Započa tuž koncentrowana a měješe tež hnydom prěnju šansu přez Maxa Gehrmanna, kiž bě w prěnjej hrě w Meuselwitzu dobyćerske wrota třělił. Třělwa ze zdalenosće dwanaće metrow pak dźěše snadnje nimo wrotow (1.). Wrota k 0:1 pak poradźichu so něhdyšemu hrajerjej Budissy Dennyjej Kralej (18.). Domjacy chcychu nětko spěšnje wurunać, štož pak so jim njeporadźi.
Delanscy kehelerjo sezonu z dobyćom zakónčili
Kónčna tabulka
1. KSV Łuty II 10 14 :6
2. KSV Wojerecy 10 10 :10
3. KSV Medingen II 10 10 :10
4. Sokoł Ralbicy/Hórki 10 10 :10
5. Wozydłownistwo Kamjenc 10 8 :12
6. ST Porchow II 10 8 :12
Znowa přeswědčili su kehelerjo Sokoła Ralbicy/Hórki w poslednjej partiji hrajneje doby 2017/2018. Přećiwo ST Porchowej II dobychu woni jasnje z 2 449 k 2 291 drjewami. Jako prěnjej dźěštaj Gisbert Šiman a Tobias Mikławšk na čaru. Šiman spowala 400 drjewow, Mikławšk 429. Přećiwnikaj běštaj tohorunja w dobrej formje, tak zo wuwojowaštaj sej Sokołaj jenož plus šěsć kehelow. Handrij Hejduška a Michał Mark (wobaj Ralbicy) pak běštaj wo klasu lěpšej hač Porchowčanaj. Hejduška spowala 407 a Mark 413 kehelow. Swojimaj kontrahentomaj wotewzaštaj tak 138 dypkow. Jurij Šiman a Roberto Wjenk dźěštaj tuž ze změrowacym předskokom 144 drjewow do poslednjeho koła. Šiman nakula 423 a Wjenk 377 kehelow. Tež wonaj běštaj wo 14 drjewow lěpšej hač přećiwniska dwójka. Delanscy hrajerjo ze suwerenym předskokom 158 kehelow dobychu a steja skónčnje z 10:10 dypkami na 4. městnje tabulki.
24. Mužakowski hrodowy parkowy běh
Prěnje wulke wužadanje na wutrajnosć a spěšnosć wšěch starobnych klasow wulkowokrjesa Budyšin běchu 10. měrca 19. nalětnje tradicionalne crossowe mišterstwa w Połčničanskim hrodowym parku. Hižo dźeń po tym pak je so ze 24. tradicionalnym Mužakowskim hrodowym parkowym běhom zahajił 15. Wopačanski cup běharjow. Tale rjadna lisćina z regionalnym hódnoćenjom skići lětsa 15 wubědźowanjow, kotrež su wšitke w Hornjej Łužicy mjez Žitawu a Mužakowom, Wopakej a Połčnicu. Jasne pak bohužel hižo je, zo njehodźi so 7. apryla 8. Čornobóski běh přewjesć wulkich škodow w lěsu na horje dla, kotrež je hoberski wichor zawinował.
Lětuši tradicionalny běh po Mužakowskim hrodowym parku je na 400 sportowcow, lubowarjow běhanja, mjez kotrymiž běše tež 23 sportowcow walkinga a skupina serbskich atletow, přiwabił. Aktiwni běchu hłownje ze Sakskeje, Braniborskeje, Berlina a z Pólskeje, kotřiž wubědźowachu so na distancach 0,8 km; 2,5 km; 5,0 km a 10,0 km. Běhi hódnoćachu so za rjadnej lisćinje Wopačanski cup, Delnjołužiski cup a za Wjercha Pücklerowy pokal.
Hru z wulkotnym mustwowym bojom hišće zwjertnyli
Wojerowski FC – ST 1922 Radwor 2:3 (2:1)
Zestawa hosći: Wróbl – Wjeńka, Šěrak, Henke, Zähr, Mark (90.+1 Glücklich), Zimmermann, Bauer (74. Omran), Bejmak, Schulze, Kurjat (90. Hettasch)
Po tym zo bě tydźeń prjedy wjedra dla nimale kóžda hra wupadnyła, smědźachu so Radworscy koparjo sobotu we Wojerecach z tamnišim FC měrić. Hosćićel bě do hry jasny faworit, a tak tež druhi tabulki wustupowaše. Hižo z prěnim nadběhom w 3. min. klinkaše w klětce Fabiana Wróbla. Hosćo njeběchu mentalnje hišće na polu, a tak móžachu so Wojerowčenjo na lěwym boku přesadźić. Erik Lanzky přetwori. Wotnětka chowancy trenarja Pětra Bejmaka wojowachu. Hra bě wočiwidnje wurunana, tola zmylk w 26. min. wuži Kevin Kratschmer za domjacych k 2:0. Jenož pjeć mjeńšin pozdźišo pak posłuži Tom Schulze z perfektnej přihrawku Měrćina Kurjata, kiž w druhim pospyće na 2:1 skrótši. Hišće do połčasa potom kuriozna situacija před wrotami Wróbla. Po dalšim nadběhu Wojerowskich padny hrajer w šěsnatce, sudnik pak chcyše z wotkopom pokročować. Asistent při liniji jeho skorigowa a pokaza na jědnatku. Kaž hižo w zašłej hrě móžeše Wróbl třělwu wotwobarać.
Widźał, słyšał, napisał (26.03.18)
Awtor dźensa
Jan Hrjehor
Gerat Lipič z Róžanta dźěła w Bayerskej zhromadnje z olympiskej dobyćerku, kotraž je tež hišće swětowa wicemišterka a jedna z najlěpšich spěšnosněhakowarkow swěta, na twarnišću při Tegernskim jězoru. Jemu pak njeje wědome, štó pomocnica je ... . Loni, zawěsće w lěćnym času, tak dokładnje to njewěm, bě Róžeńčan, kiž je hižo přez lětdźesatkaj na zapadźe pola Mnichowa přistajeny twarskeje firmy Wolfbauer, při Tegernskim jězoru zasadźeny. Tam bydli mjez druhim tež Uli Hoeneß, prezident FC Bayerna Mnichow.
Wuslědki (26.03.18)
Kopańca, wokrjesna wyša liga
Bukecy – Großröhrsdorf 2:2 (1:1)
Wojerowski FC – Radwor 2:3 (2:1)
Kulow – Póst Germ. Budyšin 0:0 (0:1)
Hnašecy-Dobruša – Sokoł Ralbicy/Hórki
0:1 (0:0)
Hory – Rakecy 3:3 (1:1)
Ramnow – ST Budyšin 5:1 (2:0)
1. SC Großröhrsdorf 20 46 : 8 50
2. Wojerowski FC 19 38 : 24 39
3. Rakečanske ST 19 50 : 28 37
4. Motor Kumwałd 20 40 : 28 32
5. Módro-běli Kulow 20 42 : 20 31
6. Póst Germ. Budyšin 20 45 : 32 30
7. Sokoł Ralbicy/Hórki 20 29 : 31 30
8. SG Großnaundorf 19 36 : 31 27
9. Drohotka Ramnow 19 39 : 40 27
10. LSV Hory 19 45 : 43 26
11. ST Radwor 19 42 : 41 24
12. ST Hnašecy-Dobruša 20 32 : 41 24
13. ST Wjelećin 17 32 : 49 18
14. Zeleno-běli Bukecy 21 28 : 64 18
15. ST Kinspork/Łužnica 19 35 : 46 13
16. ST Budyšin 21 20 : 73 7
Sport (23.03.18)
Wostrowski nalětni běh
Njedźelu přewjedu we Wostrowcu nad Nysu tradicionalny 28. nalětni běh. Po njedawnym Mužakowskim parkowym běhu je to lětuše druhe hódnoćenske wurisanje za Wopačanski cup běharjow, kotryž so hižo 15 lět přewjeduje. Jednotliwe distancy wurisanja budu 0,8/2,0/4,0 a 12 km. W 9.45 hodź. započnje so prěni běh za mjeńše dźěći (U 8 a U 10). Hłownej budźetej w 10.15 hodź. na 4 km a w 10.45 hodź. na 12 km.
Wotběhanje jutrownych jejkow
Sportowe towarstwo Natwar Němske Pazlicy přeproša swójby a dalšich zajimcow na tradiconalne wotběhanje jutrownych jejow, a to jutry póndźelu. Loni bě so při dešću 180 ludźi wobdźěliło. Pjećkilometrowske koło je za kóždeho zmištrujomne. Wšako ma chětro płony profil. Běh budźe 2. apryla w 10 hodź.
Kónctydźenska kopańca
24.03. 13:00 TSV Wachau II –
SJ Njebjelčicy II
24.03. 15:00 Wojerowski FC –
ST Radwor
24.03. 15:00 Módro-běli Kulow –
Póst Germanija Budyšin
24.03. 15:00 ST Hnašecy-Dobruša –
Sokoł Ralbicy/Hórki
24.03. 15:00 HZ Łaz/Běły Chołmc –
SJ Njebjelčicy
25.03. 10:30 LSV Hory –
Rakečanske ST
25.03. 13:00 ST Marijina hwězda –
1896 Wulka Dubrawa
25.03. 15:00 Natw. Němske Pazlicy –
SJ Chrósćicy II
25.03. 15:00 Laubegast – SJ Chrósćicy
Blidotenisowe duele
24.03. 16:00 Viktoria Worklecy –
Wažne dobyće přećiwo faworitej docpěli
ST Lubuš – SJ Chrósćicy II 1:3 (0:0)
Zestawa hosći: B. Klimant – T. Klimant, Wićaz, M. Donat, Dehn, A. Dórnik, Löschau, C. Šmit, Liznar (86. M. Dórnik), D. Šmit (69. J. Donat), Bogusz
Minjeny kónc tydźenja je na hrajnym planje Chróšćanskeje koparskeje rezerwy (SJC II) poprawom duel přećiwo druhemu mustwu Wojerowskeho FC stał. Sněha dla pak móhli na serbskich trawnikach skerje sankować hač za bulom honić. Kompletny hrajny dźeń běchu tuž we wokrjesnej lize-stafli II wotprajili. Dodać móžemy tu tuž rozprawu k njewočakowanemu dobyću SJC II před tydźenjomaj w Lubušu. Běše to zaso raz tajka hra, kaž dožiwichu ju koparjo a trenarjej Chróšćanskeho zastupnistwa hižo časćišo w sezonje.
Sněh koparjam kónc tydźenja skazył
Kaž tu w Ralbicach njebě minjeny kónc tydźenja na žanym trawniku Zapadołužiskeho koparskeho zwjazka móžno za bulom honić. Wot najmłódšich juniorow hač k mužam bě to wjac hač sto hrow, kotrež su wupadnyli. Nětko towarstwa mjez sobu wuradźuja, hdy móhli dypkowe hry najlěpje nachwatać.
Foto: Jurij Bjeńš
Wostanje Budissy dalše lěto swěrny
Z Jonasom Krawčikom wostanje dalši kopar z regiona Budissy Budyšin swěrny. Rodźeny Njebjelčan je z njej njedawno zrěčenje wo dalše lěto hač do kónca junija 2019 podlěšił. Mjeztym ma hrajer Serbskeje koparskeje wubranki w zestawje mustwa wažnu rólu.
Trenarski team Budissy so nadźija, zo wostanje Krawčik bjez zranjenjow, zo so dale wuwije a na swojich kmanosćach a zamóžnosćach dźěła. SN
