Krótkopowěsće (06.07.21)
Incidenca w Zhorjelcu nul
Budyšin. W Budyskim wokrjesu informowachu wčera wo dwěmaj koronanatyknjenjomaj a třoch smjertnych padach – wšitke jako dodawanja. Incidenca po Roberta Kochowym instituće je tu dźensa 2,0. Zhorjelski wokrjes njeje wot minjeneje soboty wo žanej nowoinfekciji a žanym zemrětym rozprawjał. Incidenca je tam dale woteběrała, po RKI je to jenički wokrjes w Sakskej z nulowej incidencu.
Nowa šulska nawodnica
Radwor/Chrósćicy. Radworsku wyšu šulu „Dr. Marja Grólmusec“ budźe wot přichodneho šulskeho lěta Diana Wowčerjowa nawjedować. Na Chróšćanskej zakładnej šuli „Jurij Chěžka“ pytaja dale za nowym nawodu respektiwnje nowej nawodnicu. Přechodnje ma ju nawodnica Ralbičanskeje zakładneje šule Andrea Liehnowa nawjedować.
Prěni raz z kmótom
Kołowokoło wjesnjanosty
W zwisku z komunalnym dźěłom w městach a gmejnach nastawaja zas a zaso prašenja, čehodla wobsteja wěste rjadowanja, kak je to a tamne zakonsce předpisane a štó ma poprawom kotre prawa. Na tajke a podobne prašenja wotmołwjamy w małej seriji. Naš awtor je bywši wjelelětny předsyda zarjadniskeho zwjazka Při Klóšterskej wodźe Alfons Ryćer. (5)
Nětko chcedźa wužiwanski koncept zdźěłać
Měšćanscy radźićeljo w Běłej Wodźe wojuja wo přichod swojeho ludoweho domu. Na posedźenju minjeny štwórtk rozsudźichu so woni za natwar wot wohenja wobškodźeneho objekta rozsudźili a su tak jasny signal za přichod imobilije sadźili.
Próstwy załožbje zapodać
Policija (05.07.21)
Njeznaći wobsah kasety pokradnyli
Łaz. Dotal njeznaći su w času wot 1. julija nawječor do 3. julija nawječor parkowanski awtomat na přibrjoze Třižonjanskeho jězora we Łazu skóncowali a z njeho pjenježnu kasetu pokradnyli. Kelko pjenjez je w njej było, dotal znate njeje. Wěcna škoda wučinja něhdźe tysac eurow.
Při wróćostorkanju njekedźbował
Běła Woda. Na Heinricha Heinowej w Běłej Wodźe je sobotu dopołdnja 44lětny ze swojim awtom marki Opel ducy z ležownosće wróćo wujěł. Při tym zrazy do wosoboweho awta marki Mercedes, kotryž tam parkowaše. Cyłkowna škoda wučinja 2 200 eurow.
Zetkać so pod sadowcami
W skale so mjez sobu zeznać a sej kulinariske dobroty zesłodźeć dać
Sćenjow (SN/MiR). Na štomach zrawja tuchwilu mnohe płody. Runje mamy sezonu wišni. Při pućach a na łukach widźiš tu a tam ludźi, kotřiž sej při pućach słódne płody z hałuzow šćipaja.
Zo bychu wosebje stare družiny sadowcow zachowane wostali, wo to stara so wobydlerska iniciatiwa Łužiscy přećeljo za sadowcowe łuki (Streuobstwiese). Wona chce w regionje biotopy jako refugij tu zasydlenych zwěrjatow a rostlin zachować, chce jim dobre žiwjenske wuměnjenja tworić, je hladać a produkty z plahowanja wužiwać.
Pozhubjaca so drohoćinka
Wulka wustajeńca w parku
Wochozy (AK/SN). Wjace hač 300 rysowankow dósta loni Łužiski park błudźenkow we Wochozach. Dźěći zbliska a zdaloka běchu so na wulkim molowanskim wubědźowanju k jutram 2020 wobdźělili. Wuslědki wubědźowanja nětko we Wochožanskim parku wustajeja. Simone Beyer z wobłuka zjawnostne dźěło a marketing tamnišeho spěchowanskeho towarstwa rozprawja: „Dóšło je wjace hač 300 wuměłskich twórbow młodych wuměłcow w starobje třoch do dwanaće lět. Bohužel njeje so pandemije dla poradźiło sej wšitke wobhladać, je wuhódnoćić a přehladku zestajeć. Tuž to nětko nachwatamy.“
Lětsa prěni króć su katolscy Serbja pěši w procesionach na ...
Krótkopowěsće (05.07.21)
Incidenca dale niska
Budyšin. Wot minjeneho pjatka je tež w šćěpjenskimaj centrumomaj Kamjenc a Lubij móžno, bjez přizjewjenja přećiwo koronje so šćěpić dać. Budyski wokrjes informowaše pjatk wo jednym natyknjenju a dwěmaj smjertnymaj padomaj. Wo kónctydźenskim wuwiću Budyski a Zhorjelski wokrjes hakle dźensa rozprawjatej. Incidenca po RKI je dźensa w Budyskim wokrjesu 3,3, w Zhorjelskim 1,2.
Etat za kulturnu stolicu 2025
Kamjenica. Zwjazkowa statna ministerka za kulturu a medije Monika Grütters, sakski ministerski prezident Michael Kretschmer (wobaj CDU) a Kamjeničanski wyši měšćanosta Sven Schulze (SPD) su minjeny pjatk financne dojednanje za Europsku kulturnu stolicu 2025 podpisali. Cyłkowny budget něhdźe 66 mio. eurow chcedźa Zwjazk, swobodny stat a Kamjenica hrubje po třećinach přewostajić.
Zaso wjace ćěkancow přišło
