Zajimy zawodow wobkedźbować
Berlin (dpa/SN). Z naležnym apelom namołwja hospodarstwo Němskeje uniju CDU/CSU a SPD, zajimy předewzaćow w koaliciskich jednanjach sylnišo wobkedźbować. Němska tči w ćežkej hospodarskej krizy, kotruž je z wulkeho dźěla sama zawinowała, rěka w zhromadnej deklaraciji sto hospodarskich zwjazkow. „Wobdźělnikow koaliciskich jednanjow pak tole wočiwidnje njestara. Dotalne wuslědki su njedosahace w napjatemu połoženju zawodow njewotpowěduja.“
Podpěruja namjet ćěkancow dla
Berlin (dpa/SN). W rjadach CDU/CSU podpěruja namjet, indiwidualne prawo na azyl wotstronić a město toho wobmjezowanu ličbu migrantow w Němskej přiwzać. Prezident Zwjazkoweho zarjada za migraciju a ćěkancy, Hans Eckhard Sommer, bě so za to wuprajił, wjace migrantow po ryzy čłowjeskich směrnicach přiwzać, štož by wosebje žony a dźěći potrjechiło. Parlamentariski jednaćel frakcije CDU/CSU Thorsten Frei ma namjet za „wažny přinošk“ noweje politiki.
Sudnistwo rozsudźi klětu
Frakcija BSW w sakskim sejmje je wčera zastupjerjow Serbow ...
Trump wukaza nowe cła
Frederiksen w Grönlandskej
Namóc w Němskej dale přiběra
Berlin/Drježdźany. Ličba registrowanych chłostajomnych njeskutkow w Němskej je 2024 wo 1,7 procentow na 5,837 milionow woteběrała. Wo tym rozprawja policajska kriminalna statistika, kotruž je amtěrowaca zwjazkowa nutřkowna ministerka Nancy Faeser (SPD) dźensa předstajiła. Ličba registrowanych namócnych njeskutkow je porno tomu znowa přiběrała – wo 1,5 procentow na 217 277 padow. Wosebje razny rozrost 9,3 procenty registrowali su z 13 320 padami pola „wumocowanja, splažneho nuzowanja a splažnych namócnosćow we wosebje ćežkich padach.“
Statistiku kriminality w Sakskej je wčera krajny minister nutřkowneho Armin Schuster (CDU) předstajił. Jeho wosebje přirost deliktow namocy dźěći (plus 34,6 procentow) a młodostnych (plus 16,5 procentow) starosći. Wulke problemy je 1 524 wospjet resp. sylnje kriminelnych migrantow-požadarjow azyla předewšěm ze Syriskeje, Tuneziskeje, Libyskeje, Afghanistana a Georgiskeje zawinowało. Wot nich su hakle 55 z kraja wupokazali. Tohodla sej Schuster wot noweho zwjazkoweho knježerstwa změnu zakonjow žada, zo njebychu tajcy ludźo hižo prawo na pobyt w Němskej měli.
Wažne nazhonjenje
Wobrazowka žort była
impresum
Serbske Nowiny wudawaja so w Domowina-Verlag GmbH Ludowym nakładnistwje Domowina
Jednaćel: Syman Pětr Cyž
Ludowe nakładnistwo Domowina tzwr spěchuje Załožba za serbski lud, kotraž dóstawa lětne přiražki z dawkowych srědkow na zakładźe hospodarskich planow, wobzamknjenych wot Němskeho zwjazkoweho sejma, Krajneho sejma Braniborskeje a Sakskeho krajneho sejma.
Šefredaktor a zamołwity redaktor w zmysle
nowinarskeho zakonja: Marcel Brauman 577 232/233 Wyša redaktorka: Bianka Šeferowa 577 230
tel.: 03591 577 232 faks: 03591 577 202 e-mail: www.serbske-nowiny.de
Adresa redakcije a nakładnistwa: Sukelnska 27, 02625 Budyšin
Adresse der Redaktion und des Verlages: Tuchmacherstraße 27, 02625 Bautzen
Serwis za abonentow: 577 263
Předań nawěškow: Jadwiga Šołćic 577 266 e-mail:
Ćišć: DVH Weiss-Druck GmbH & Co. KG, Lejnjanska 14, 02979 Halštrowska Hola, wjesny dźěl Hory
Vertriebskennzeichen: 2 B 2560 B
To a tamne (02.04.25)
Wosady zhubjeja stotki wěriwych
Katolska cyrkej zhubja dźeń a wjace wěriwych, nic jenož wustupow, ale tež přestarjenja wosadow dla. Biskopstwa w Němskej wozjewja tele dny swoje statiske daty za lěto 2024.
Drježdźany/Zhorjelc/Bonn (SN/MG). Hdyž wozjewja katolska cyrkej swoje statistiki, potom je to stajnje dobra składnosć so raz intensiwnišo z tym zaběrać. Zašły štwórtk běše tež Drježdźansko-Mišnjanska dieceza zjawnosći najnowše ličby spřistupniła. Z nich wuchadźa, zo su serbske wosady w zašłym lěće dohromady 224 wěriwych zhubili. Z nich je 92 ludźi aktiwnje wustupiło. Tole je hladajo na trend w cyłym biskopstwje skerje změrowaca ličba. Tak maja wosady w Ralbicach, Njebjelčicach, Chrósćicach, Radworju, Baćonju, Wotrowje a Budyšinje dohromady něhdźe 12 000 wěriwych.
