Zapósłane (16.02.23)
Julian Nyča z Prěčec reaguje na přinošk Marje Macalineje, kotryž bě minjeny pjatk w rubrice SN Zapósłane wozjewjeny.
Dowolam sej někotre linki k přispomnjenjam Marje Macalineje wo „měrliwym dialogu“ a nawjazuju na jeje (wopačne) twjerdźenje, zo dodawanje wójnskeho materiala hišće ženje wójnu skónčiło njeje.
Zapósłane (15.02.23)
Benedikt Dyrlich z Drježdźan podawa wosobinske doporučenje za pomoc woporam zemjerženja:
Jeli chce něchtó našim kurdiskim přećelam, wot zemjerženja w sewjernej Syriskej potrjechenym, trochu pomhać, móže to přez podate konto činić (hlej deleka).
Pjenjezy so direktnje za kup stanow, drasty, zežiwidłow atd. wužiwaja. Woporam w sewjernej Syriskej je posrědkowanje pomocy – kaž su to tež Serbske Nowiny minjeny pjatk na 1. stronje wuraznje a wurjadnje komentowali – přewšo wobćežne.
Kontowe čisło mam wot kurdiskeho předewzaćela a přećela Serbow a serbskich spisowaćelow w Drježdźanach Yuonesa Bahrama, kiž bě so mjez druhim z druhimi hižo na našich swjedźenjach poezije wobdźělił – a na přikład tež na našim čitanju za měr w Ukrainje 16. měrca 2023 w Domje Kästnera w Drježdźanach.
Dr. Theresa Jacobsowa komentuje wuprajenja intendanta Serbskeho ludoweho ansambla Tomasa KreibichaNawki:
Zapósłane (10.02.23)
Křesćan Krawc z Hrubjelčic je „Jakub a Kata“, lětuši ptačokwasny program Serbskeho ludoweho ansambla (SLA), minjenu njedźelu w Bukecach dožiwił a k tomu tele linki napisał:
Zapósłane (02.02.23)
Marka Maćijowa z Budyšina wupraja so k póndźelnišej rozprawje wo Zwjazkowym předsydstwje Domowiny:
Z wulkim spodźiwanjom sym w póndźelnišich Serbskich Nowinach čitała, zo je zwjazkowe předsydstwo Domowiny wuběrk wutworiło, kiž ma dźěławosć serbskich radźićelow a strukturu załožby ewaluować. Institucija, kiž so z wjacorymi milionami wot Załožby za serbski lud institucionelnje spěchuje, ma swojeho pjenjezydawarjo ewaluować? Hižo při wólbje nowych załožbowych radźićelow je Domowina dopokazała, zo wšo čini, zo njebychu so hinak myslacy do jich terena zadobyli a byrnjež snano jenož jenički był. Što budźe, hdyž bychu jenož Serbja wo wobsahach a prioritach rozsudźili a tući bychu wot zwjazkoweho předsydstwa wuzwoleni byli?
Zapósłane (25.01.23)
Jan Wjenk z Wotrowa wupraji so k wólbam zastupjerjow załožboweje rady:
Haj, jako swěrny čitar SN dopomnich so na swojeju wučerjow Jana Měškanka a Cyrila Nawku. Mnohim znaty Měškank by zawěsće swoje zwučene słowo „zatrašne“ wužiwał hladajo na to, štož so tu stawa. Nawka pak by při nawuknjenju basnje Handrija Zejlerja „Swětłabojazni čashaćerjo“ šulerjam pomhał a jich jednotliwe dźěle słowow a zapřijećow na taflu pisać dał, zo móhli baseń a jeje zmysł zrozumić.
Hdyž mjenowanu baseń z dźensnišim časom přirunuješ, zmysł spóznaješ. Tak wojuja ludźo wo jednu funkciju, kotraž wšěch Serbow nastupa, nic jenož čłonow zwjazkoweho předsydstwa. Hdźe je tolerantnosć, słuchać na druheho, kotryž nima po jich měnjenju ničo prajić, ale jenož woni.
Jenož Dawid Kliman je swoju njewotwisnosć zwuraznił, zo w žanej instituciji a w žanym towarstwje njedźěła. Přirunujo pak zwěsćiš, zo su jednotliwi kandidaća, kotřiž so jako čłonojo załožboweje rady požadachu, wšitcy předsydźa towarstwow abo wottam pósłani.
Žana čłonka njeje
Zapósłane (18.01.23)
K přinoškej „Chaos a njedokónčene wólby“ a ke krótkokomentarej „Mój wid“ we wudaću SN 16. januara piše dr. Hartmut Leipner z Choćebuza, městopředsyda Domowiny:
Serbske Nowiny su rozprawjeli, zo je so wuzwolenje sakskich serbskich čłonow rady Załožby za serbski lud w chaosu skónčiło. Tomu tak było njeje. W čestnohamtskim dźěle móže so stać, zo so hišće raz prašeja, hač je cyłe postupowanje prawje było. Tajke prašenja a slědowace zjawne diskusije njejsu chaos, ale wobstatk demokratije. Naposledk je zwjazkowe předsydstwo za wuslědk měło, zo pjeć wot 25 wotedatych hłosow wjetšina njeje, štož hižo ze šulskeje matematiki wěmy.
Zapósłane (17.01.23)
„Domowina postaji prosće přidatne zadźěwki za nowych čłonow załožboweje rady“, pišu kandidatka a kandidataj Serbskeho sejma Marlis Pjacec, dr. Hagen Domaška a dr. Měrćin Krawc po wólbje čłonow załožboweje rady minjeny pjatk, 13. januara. Tak njebu jedne městno zastupowaceho čłona najebać dosć kandidowacych wobsadźene:
Smy so na wólbach wobdźělili, dokelž chcemy so na centralnym městnje rozdźělenja srědkow na dobro serbskeho ludu angažować. Runočasnje smy so z tym, najebać naše kritiske nastajenje napřećo aktualnej politiskej strukturje w Serbach, tež jako akt podaća ruki a podpěry Domowinje k dispoziciji stajili, wšako je so w prěnjej dobje požadanja přemało kandidatow přizjewiło. To smy w swěrnej wěrje nastupajo płaćiwy wólbny porjad činili. Tele wólby maja wysoki demokratiski narok, dźe we wolenym gremiju tola wo wužiwanje wysokich sumow zjawnych srědkow, potajkim wo wyšnostny nadawk.
Zapósłane (11.01.23)
Hinc Cuška z Budyšina wo aktualnym wusyłanju magacina „Wuhladko“ piše:
Ze zajimom sćěhowach přinošk wo rozsudźe předsydy Domowiny Dawida Statnika, w Budyskim wokrjesnym sejmiku za namjet AfD hłosować. Chětro so dźiwach, zo rjad profilowanych serbskich wosobow wotpokaza, so zjawnje k tomu zwuraznić. Měnju, zo smě tež předsyda Domowiny po swojim přeswědčenju stronje přisłušeć, zo njesměł so pak we wšěm stronskej disciplinje kłonić.
Zapósłane (06.01.23)
Elwira Hančo ze Slepoho wupraja so k přinoškej wo „Slepjanskim dźěćetku“ na Wjacławskich wikach w Budyšinje (SN 23. decembra 2022). Wona je čłonka towarstwa „Kólesko“ a awtorka knihi „Gładźarnica“, w kotrejž wopisuje drastu dźěćetkow.
Njepřemyslena akcija, kotruž drje su organizatorojo za dobru ideju měli, je w Slepjanskej wosadźe wulki hněw zbudźiła: jako su na hodownych wikach w Budyšinje dźěćetko našeje wosady napodobnili, a to hišće do 1. adwenta! Tuta groteskna scenerija „Slepjanskeho dźěćetka“ ze swojimi přewodźerkami běše mi hrózbny napohlad, přetož ze Slepjanskej drastu so woprawdźe wuznaju. Njewěm ani, što je mje bóle mjerzało: hač wopak a njerodnje zdrasćene holcy abo zo bě tónle wustup w Budyšinje wot poprawneho nałožka dospołnje wotrěznjeny.
