Kuchnja trjeba nowy milinowód
Tak kaž spyta kóždy w swójskej domjacnosći milinu lutować a ju po móžnosći efektiwnje zasadźeć, dyrbja to tež předewzaćeljo a wězo komuny činić. Z naležnosću je so tele dny tež gmejnska rada Ralbicy-Róžant zaběrała.
Ralbicy (JK/SN). Zo w Ralbičanskej šuli słódny wobjed warja, su mjeztym mnozy sami nazhonili. Nic naposledk, jako je kuchnja za čas prěnjeho lockdowna koronapandemije dla lětsa w měrcu a aprylu mnohe porcije přidatnje wariła a je pak za wotewzaće poskićiła pak je sama dodawała. Samo na sebi móhł kuchar Helery Hančik spokojom być, štož wón snano tež je, njeby-li njesměrnje wulke wudawki za milinu měł.
W Čornochołmčanskim Krabatowym młynje je třěchikryjerski mišter ...
Nastajić so na čo?
Chutne połoženje korony dla
Ličba nowych infekcijow z koronawirusom w Budyskim wokrjesu z kóždym dnjom dale rozrostuje. Tohodla je so krajny rada Michael Harig (CDU) z widejowym poselstwom wčera na ludnosć wobroćił. Tež předsyda Domowiny Dawid Statnik so starosći a wobydlerjow namołwja, „sebjekritisce z aktualnym stawom pandemije w našich kónčinach wobchadźeć“.
Krótkopowěsće (05.11.20)
Dale mnohe nowonatyknjenja
Budyšin/Zhorjelc. Ličba wšitkich wobkrućenych koronainfekcijow w Budyskim wokrjesu je wčera wo 250 na cyłkownje 2 376 rozrostła. Aktualnje schorjenych je 1 459 ludźi (+230). Z nich 36 (+7) w chorowni lěkuja. Zhorjelski wokrjes je wčera 194 nowonatyknjenjow přizjewił, cyłkownje 1 814. W klinikach staraja so wo 110 pacientow (+5).
Wokrjesny zjězd přestorčeny
Budyšin. Za 14. nowember planowany zjězd Budyskeho wokrjesneho zwjazka CDU přesunu trajaceje koronapandemije dla najprjedy raz na 9. januar 2021. To je wokrjesne předsydstwo rozsudźiło, rěka w nowinskej zdźělence wokrjesneho běrowa. Wot přestorčenja je zdobom nominacija direktneho kandidata za klětuše wólby zwjazkoweho sejma potrjechena. Po zakonju móhli zjězd wotměć. Tuchwilnych wobmjezowanjow zetkawanja dla pak chcedźa ludnosći z přikładom być, tak so tež po tym maja.
Symbol města ponowjeja
Z Kukowa do lěsa njebě daloko
Policija (04.11.20)
Solarny panel sobu wzali
Wulke Ždźary. Njewšědnu rubiznu běchu sej njeznaći skućićeljo w nocy na póndźelu při Hórnikečanskim jězoru blisko Wulkich Ždźarow wupytali. Na tamnišim wulkotwarnišću pokradnychu woni solarny panel. Kaž policija zdźěli, dodawaše tónle nastroj trěbnu milinu za měrjensku techniku, kotraž je na tamnišich nasypnišćach instalowana. Paduši pak njejsu jeničce solarny panel w hódnoće něhdźe 2 500 eurow sobu wzali, ale tež hišće bateriju, kaž w policajskej rozprawje rěka.
Nowa šćežka ze štyrjomi temami
Stróža (SN/MWj). Wjetši twarski projekt su tele dny w biosferowym rezerwaće Hornjołužiska hola a haty zwoprawdźeć započeli. Kaž zamołwita za zjawnostne dźěło Christina Schmidt zdźěli, natwarja tam nowu přirodowu wučbnu šćežku Hućinjanske haty a Olbaski jězor, kotraž ma na městnje dotalneje šćežki nastać. Hižo wot lěta 2004 wona w swojej dźensnišej formje mnohich zajimcow přiwabja.
Dokelž pućiki, platformy, ławki, informaciske tafle a druhe připrawy hižo najnowšemu stawej njewotpowěduja, su wučbnu šćežku zasadnje znowa koncipowali. „Po wšěm zdaću hač do swjatkow 2021 ma so wona wobsahowje a twarsce předźěłać“, praji Christina Schmidt.
Pěstowarnju chcedźa ponowić
Prócuja so wo financowanje ze srědkow za strukturnu změnu
Slepo (AK/SN). Pěstowarnja „Pfiffikus“ w nošerstwje Slepjanskeje gmejny budźe wobšěrnje saněrowana. Za to wuprajiła je so wčera tamniša gmejnska rada, kotrejež čłonojo to jednohłósnje schwalichu. Za financowanje projekta prócuje so gmejna nětko wo srědki z programa za strukturnu změnu. Konkretnje chcedźa to zwoprawdźić přez prěnju směrnicu sakskeho statneho ministerstwa za regionalne wuwiće wo sakskim strukturnym wuwićowym programje w brunicowych rewěrach. „Spěchowanje wučinja 90 procentow cyłkownych twarskich kóštow. Swójski podźěl we wobjimje dźesać procentow ma do hospodarskeho plana zapisany być“, rěka we wobzamknjenju.
Radźićeljo so zetkaja
Chrósćicy. Přichodne posedźenje Chróšćanskeje gmejnskeje rady wotměje so jutře, štwórtk, w 19 hodź. we wjacezaměrowym rumje „Jednoty“. Na dnjowym porjedźe steji nimo wjacorych priwatnych twarskich naležnosćow wobzamknjenje wo njeplanowanych wudawkach za wottorhanje bywšeje Chróšćanskeje pěstowarnje. Nimo toho informuje wjesnjanosta wo nakupje mobilnych kónčnych nastrojow za Chróšćansku zakładnu šulu.
Njebjelčicy. Tohorunja jutře, štwórtk, ale w 19.30 hodź. zetkaja so čłonjojo Njebjelčanskeje gmejnskeje rady w posedźenskej rumnosći gmejny. Mjez druhim porěča woni wo tym, kak chcedźa srědki za skrućenje wjesneje kónčiny 2020 wužiwać. Wopytowarjo maja płaćiwe postajenja hygieny wobkedźbować a škitny nahubnik wužiwać.
Wotnožku zaso wotewru
