z rjadowniskej

wučerku

Berit Hubatsch

rjadownja

1a

Zakładna šula

„Dr. Marja Grólmusec“ Slepo

rjadownja

1b

rjadownja 1/1

z rjadowniskej

wučerku

Bianku Klugowej

rjadownja 1/2

z rjadowniskej

wučerku Weroniku

Brězanowej

Serbska zakładna

šula Ralbicy

Nowych datowych postajenjow dla starši často

rozsudźeja mjena swojich dźěći nje­wo­zjewić.

Prosymy tuž našich čita­rjow wo zrozumjenje.

Šula je dźěl žiwjenja,

čitać, pisać, ličić su najrjeńše wjesela! Tež hdyž zda so najprjedy ćežko być,

Wěm, zo budźe ći to tyć. A bórze, to ja praju ći:

chodźiš rady do šule pospochi!

Myslička Wězo wjeselu so

nad wašimi wobrazami

wo šulskim zastupje. Přichodne tydźenje chcu

je tule wozjewić. Kak sće šulski zastup woswjećili? Waš Dźěćiznak.

Wuměłči a wuměłcy 16. mjezynarodneje rězbarskeje dźěłarnički při Miłočanskej skale chwala sej wulkotne wuměnjenja

Dźesać wuměłcow ze šěsć krajow na třoch kontinentach je w běhu dweju tydźenjow na 16. mjezynarodnej rězbarskej dźěłarničce při Miłočanskej skale dohromady 14 skulpturow stworiło. Ryzy wulkosć nastupajo je zornowcowy wudźěłk ze Simbabwe pochadźaceho Tapiwa Chapowa „Mać – Česćedostojna“ najimpozantniši. Nimale archaiskej estetice wotpowědowaca figura samodruheje žony njezahori jenož publikum, ale tež na dźěłarniče wobdźělacych so kolegow. Tak wospjetowaše Thomas Baier wjacekróć: „Kajka to twórba!“ Poměrnje minimalistisce (tež nastupajo měry) je w napřećiwku „Nahłowniko-hłowowy wutwor“ Thomasa Lindeho, tohorunja ze zornowca a na ekstra zhotowjenym woclowym podtwarje. Kaž rězbar zajimowanym wopytowarjam přeradźi, ma swoju twórbu za „kombinaciju kubizma, elementow filmoweho rjadu ‚Star Wars‘ a legoklockow“.

Čłowječe prawa – Za ruske mjeńšiny w baltiskich statach a Ukrainje je Europska unija dotal lědma něšto činiła

Wobmjezowanje transitneho wobchada mjez Ruskej a jeje enklawu Kaliningradom, kotryž přez EU-stat Litawsku wjedźe, njeje to jeničke, štož wóčko kedźbnosće tuchwilu na Baltikum wodźi. Srjedź junija su w Rize wozjewili, zo tam sowjetski wojerski pomnik wotstronja a wopodstatnichu to z nadpadom Ruskeje na Ukrainu. „Pomnik sowjetskim wojakam, wuswobodźerjam sowjetskeje Letiskeje a Rigi wot němskich fašistiskich okupantow“ – je na wosom metrow wysokej steli napisane. Letiski parlament bě wobzamknył, zo ma so pomnik nazymu zwottorhać. To je so stało, byrnjež abo dokelž bě tam runje hakle 20 000 ludźi demonstrowało, na dnju wuswobodźenja, 9. meje, tónraz njedźiwajo płotu, kotryž bě wokoło pomnika sćehnjeny, a njedźiwajo zakaza zarjadowanjow w jeho bliskosći (hlej tydźenik Freitag 22/2022). Wopodstatnjenje z wójnu w Ukrainje je jenož połojca wěrnosće, kaž budźe nam paralelny podawk w susodnej Estiskej pozdźišo pokazować.

Na serbskich slědach po cyrkwinskej wsy we wuchodnych Serbach

Hromadźe z dalšimi wsami w Budyskim kraju swjeći Hrodźišćo pola Wósporka lětsa 800. róčnicu swojeho prěnjeho naspomnjenja. Swoje mjeno ma wot starodawneho hrodźišća, kotrež so při hrodźe na juhowuchodnej kromje wsy wysoko nad skalnej dolinu rěčki Lubaty pozběhuje. Serbsce rěčeć dźensa hižo z nikim we wsy njemóžeš, tola serbskich slědow móžeš sej tam tójšto wotkryć.

Cyrkej a kěrchow

Na wyšinje stejaca Hrodźišćanska cyrkej hlada daloko do kraja. Natwarjena w lěće 1902, dopominaja w njej wjacore serbske a dwurěčne napisy na tehdyšu narodnu zestawu wosady. W zachodźe wita kemšerjow hrono „My chcyli radźi Jezusa wohladać.“, nad wołtarnišćom steji započatk hodowneho poselstwa „Česć budź Bohu we wysokosći!“, a na wołtarju pod wobrazom křižowaneho Chrystusa „Hlaj, to je Bože jehnjo, kotrež swěta hrěchi njese“.