Z wudaća: pjatk, 10 awgusta 2018

Horjany w swjedźenskim ćahu

Grodk. Wot dźensnišeho do njedźele wotměje so w Grodku domizniski swjedźeń. Na jewišću Bullwinkel, na Dołhej hasy, zahraje jutře, 11. awgusta, wot 11.30 do 12.45 hodź. dujerska kapała Horja­ny. Jedyn z wjerškow zarjadowanja je tradicionalny swjedźenski ćah, toho­runja jutře w 9.30 hodź. po nutřkownym měsće. Tež tam budu Horjany pódla.

Madstep zaso „zapyri“

Gelenau. Jutře, 11. awgusta, wotměja so w Gelenauwje pola Kamjenca wot 20 hodź. znowa Gelenauske hudźbne dny. Na wjacorych městnach, floorach, zaklinča tež šlagry. Mjez sobuskutkowacymi je młody Serb, Daniel Matka, pochadźacy z Lejna a bydlacy w Drježdźanach. Jako Madstep je wón daloko znaty a w lěću často­ na festiwalach prezentny.

Inka Pabst w sotrownjach

Mały Wjelkow. W Małowjelkowskich sotrownjach kulturne lěćo jutře w 17.30 hodź. po zwučenym wašnju z „yogu zbo­ža“­­ dale wjedu. W 20 hodź slěduje koncert ze spěwarku Inku Pabst a akordeo­nistom Uwe Stegerom. Zaklinča Berlinske štučki 20- do 50tych lět. Njedźelu je w 14 hodź. „rejwanski čaj“ z Thomasom Jordanom na zahrodźe.

Literarno-hudźbne popołdnjo

Pjatk 10. do 12.8.   Domizniski swjedźeń w Grodku

  20:00 Jazzowy koncert z duwom Florianom Poserom a Stephanom Königom w Małowjelkowskich sotrow­njach

Sobotu 11. a 12.8.   Kuzło cokorowych titow w Małowjelkowskim

prazwěrjencu

   Hornčerske wiki w Hózku

Sobotu 11.8. 9:00 Čaporowe wiki při Wojerowskim gondlowanskim haće ( hač do 16 hodź. tohorunja 12. awgusta)

  10:00 Łužiska mineralna bursa w Hórnikečanskej energijo­wej fabrice

  17:30 Yoga z Katju Siemens w Małowjelkowskich sotrow­njach

  19:00 Spominanski koncert na spěwarja Ivana Rebroffa w Dźiwadle we wuchu při Bjerwałdskim jězoru

  20:00 Koncert „LiedGut“ z Inku Pabst w Małowjelkowskich sotrownjach

  21:30 Ekskursija z ekspertom za insekty wot Stróžanskeho Domu tysac hatow

Njedźelu 12.8. 10:00 Čaporowe wiki na Rěčičanskim Erlichtec dworje

  14:00 „Rejwanski čaj“ z Thomasom Jordanom w Małowjelkowskich sotrownjach

  14:00 Lětni koncert z Kulowskim Kolpingowym chórom­ we Wochožanskim parku błudźenkow

  16:00 Koncert SLA „Wobkuzłaca klasika“ w Chróstawskej cyrkwi

  16:30 Serbske kemše w cyrkwi swjateho Antonija w Drježdźanach-Löbtauwje

Póndźelu 13.8. 10:30 Ekumeniski nyšpor w Budyskej Michałskej cyrkwi

Kopańca ze serbskim derbyjom

Na wokrjesnej runinje zahaji so dźensa koparska sezona z prěnjej winowatostnej hru we wokrjesnej wyšej lize w Dobruši mjez ST Hnašecy-Dobruša a Póst Germania Budyšin. Zakop je 18 hodź. planowany, sudnik zazběhoweje hry budźe Sandro Mollinger. A tu su hišće dalše dypkowe hry, mjez druhim tež serbski derby:

11.08. 15:00  Zeleno-běli Bukecy –

  Módro-běli Kulow

12.08. 11:00  HZ Wulke Ždźary –

  SJ Njebjelčicy

12.08. 13:00  Sokoł Ralbicy/Hórki –

  SG Großnaundorf

12.08. 13:00  ST Marijina hwězda –

  SJ Chrósćicy II

12.08. 15:00  ST Radwor –

  Rakečanske ST

Hišće jónu a potom finale

W Budyšinje wuhraja póndźelu po­sledni přihotowanski turněr bičwolej­buloweje tury Radija Satkula. Hrać budu na bičwolejbulnišćach w Sprjewinej kupjeli. Cyłki zetkaja so we 18 hodź.

Motocross na Kaponicy

Wodorunje: 1 srědk dorozumjenja, 3 třělwa, 5 kow skrótš., 7 wodu přiliwać, 10 rostlina z kitkami za poliwku, 14 kanton Šwicarskeje, 15 přikryw za blido, 16 narod

Padorunje: 1 strašna chorosć, 2 napoj, 3 Kauf serbsce, 4 při ćopłoće dyrbimy wjele ..., 6 komponist operetow (Franz), 8 brazilske město skrótš., 9 mjezynarodny olympiski komitej skrótš., 10 ratar, 11 dźěl kusadła, 12 afriska rěka, 13 program telewizije

Offenbach (dpa/SN). Njewjedra su w dźělach Němskeje wčera a dźensa w nocy wulke haćenja zawinili. Wosebje na zapadźe a sewjeru Němskeje měješe wohnjowa wobora njeličomne zasadźenja, přede­wšěm spowalanych štomow dla. Zdźěla­ běchu železniske čary na sewjeru hišće dźens dopołdnja njewužiwajomne. Wčera­ wječor dyrbjachu tam samo ně­kotre wotrězki awtodróhow nachwilnje zawrěć. W Braniborskej, Durinskej, Saksko-Anhaltskej a Sakskej njejsu njewjedra žane wulke škody zawostajili.

Zasudźa nadpad na bus

New York/Sanaa (dpa/SN). Generalny sekre­tar António Guterres je nalět na šulski bus ze znajmjeńša 50 mortwymi wčera w Jemenje zasudźił. Wopory běchu hłownje dźěći a młodostni. Guterres žada­ sej njewotwisne a spěšnje přepytowanje nadpada, za kotryž je wojerske zwjazkarstwo pod nawodom Sawdi-Arabskeje zamołwite. Wšitke strony w jemenskim konflikće měli so wo to prócować, žanych ciwilistow a žane ciwilne objekty do wojerskich jednanjow njezapřijeć.

Njewužiwaja kubłanske šansy

Horcota a suchota stej w Sakskej po prěnim trochowanju tudyšeho ratarskeho mini­ster­stwa škody we wobjimje 308 milionow eurow zawiniłoj. Daty posrědkowachu nětko zwjazkowemu hospodarskemu ministerstwu. Zakład trochowanja su informacije statistiskeho krajneho zarjada. Tak wučinjeja straty w rólnistwje 215 milionow eurow a w produkciji picy za skót 93 milionow eurow. Foto: dpa/Jan Woitas

Frankfurt n. M. (dpa/SN). Piloća irskeho předewzaća Ryanair dźensa we wjacorych europskich krajach – w Němskej, Šwedskej, Irskej, Belgiskej a Nižozemskej – stawkuja. Předewzaće je tuž z 2 400 planowanych lětow štyrista šmórnyło. Ćežišćo je Němska, hdźež wodźerjo lětadłow 24 hodźin dźěło złoža. Tu je zjednoćenstwo Cockpit 250 lětow wotprajiło, předewšěm w rańšich hodźinach. W běhu dnja pak startowachu někotre, kotrež běchu z njestawkowacych krajow přilećeli. Po cyłej Europje je něhdźe 55 000 pasažěrow potrjechenych, na wšě 42 000 z nich w Němskej, a to wosrjedź dowoloweho časa. Woni mějachu składnosć, lět překnihować abo sej pjenjezy za tiket wupłaćić dać. Piloća běchu stawk dźensa rano­ w třoch zahajili a chcedźa jón jutře rano w samsnym času zakónčić.

Stadło kruwow je nětko policiji pomhało skućićelku nańć. Zastojnicy běchu mjenujcy dweju paduchow awta lepili a jeju přesćěhowali. Podhladna žona će­kny na pastwu, hdźež kruwy za njej běhachu. Widejo je policija w staće Florida wozjewiła. Natočiło bě to helikopter, kiž je wot horjeka zasadźenje delegował. Poli­cisća dyrbja na zemi jenož kruwam sćěhować, pomoc z helikoptera rěkaše.

Zasadźenje samopomjenowaneje społnomócnjeneje soniny na zwjazkowej awtodróze A2 w Delnjej Sakskej, hdźež je stajnje wjele njezbožow, njeje po słowach Zwjazkoweho wobchadneho ministerstwa wuspěšny model. Społnomócnjenu soninu chce Zwjazk hakle zasadźić, jeli Harry Potter zwrěšći, ministerstwo zdźěli. Delnjosakski krajny zarjad za dróhotwar a wobchad bě ju w awće sobu wzał. Wona měješe přichodnym njezbožam na awtodróze zadźěwać.

Berlin/Brüssel (dpa/SN). Komisija EU wotpokazuje nowe rjadowanje płaćenja dźěćaceho pjenjeza do europskeho wukraja. Přiměrić płaćenja žiwjenjatrěbnym wudawkam na bydlenskim městnje dźěsća njeje zakaza diskriminacije dla w europskich prawach nihdźe předwidźane, zdźěli rěčnica komisije dźensa powěsćerni dpa. Město toho měli znjewužiwanju sylnišo zadźěwać, štož sej tež Němska žada­. Wyši měšćanosta Duisburga Sören Link (SPD) žada sej změnu socialnych zako­njow w Němskej. Pozadk toho je rekordna ličba wukrajnych přijimarjow dźěćaceho pjenjeza. W juniju je na wšě 268 336 dźěći dźěćacy pjenjez dóstało, kotrež we wukraju bydla. Wot lońšeho je to­ rozrost wo 10,4 procenty.

Lipsk (dpa/SN). Ze swojim fachowym přinoškom wo saněrowanju hórnistwa je Techniska uniwersita Hórniska akade­mija w sakskim Freibergu mjezynarodne zetkanje „Mine Closure“ do Němskeje zwabiła. Něhdźe 250 fachowcow z cyłeho swěta schadźuja so wot 3. do 7. sep­tembra w Lipsku, zo bychu wo zawrěću brunicowych jamow a wo jich sćěhach rěčeli. Sakski ministerski prezident Michael­ Kretschmer (CDU) je patronat za zarjadowanje přewzał a ma postajenu městnosć konferency za „wuraz wćip­noty za naš know-how“. Z pusćinow, kajkež bě brunicowe hórnistwo zawostajiło, su atraktiwne jězoriny za dowolnikow a wodowych sportowcow nastali. „Tele wuspěšne nazhonjenja widźimy, hdyž wo to dźe, strukturnu změnu we Łužicy pohonjować, prjedy hač tam za něšto lětdźesatkow hižo žanu brunicu njewudobywaja“, Michael Kretschmer rozkładźe.

Po informaciji Hórniskeje akademije su Zwjazk a kraje wot 90tych lět něhdźe 16 miliardow eurow za to nałožili, wotstronić škody z hórnistwa na wuchodźe Němskeje. Hižo dlěje zaběra so akade­mija z fachowym wobłukom saněrowanske hórnistwo.