Planuja nowu gratownju
Rjadowanje popłatkow za stejnišća k festiwalej wobzamknyli
Chrósćicy (JK/SN). Na posedźenju Chróšćanskeje gmejnskeje rady w oktobrje njemóžachu radźićeljo hišće popłatk za stejnišća za wikowarjow a gastronomiske zastaranje wobzamknyć, dokelž bě popłatk wjacorym radźićelam přesnadny. Tohodla je so wjesnjanosta Marko Kliman (CDU) pola wjacorych gmejnow, kotrež maja nazhonjenja z tajkimi rjadowanjemi naprašował za jich postupowanjom. Tak móžeše wón na wčerawšim posedźenju předstajić naćisk rjadowanja. Tutón předwidźi, zo maja mějićeljo stejnišćow zapłaćić 80 eurow na dźeń a k tomu pawšalnje 20 eurow za milinu a 15 eurow za wodu. Z tymi płaćiznami leža Chrósćicy w srjedźnym polu we wokrjesu. Mjenowany popłatk zběra gmejna bjez wobrotoweho dawka, to su takrjec netto- a bruttopłaćizny w jednym.
Po přestawce zaso Wjacławske wiki
Budyšin (SN/MWj). Dwójce za sobu dyrbjachu Budyske Wjacławske wiki korony dla wotprajić. Nětko móža so wone zaso wotměć, a to 639. raz. Wot 25. nowembra hač do 22. decembra poskićuje 80 wikowarjow swoje twory na Hłownym torhošću, Bohatej a na Žitnych wikach, zdźělichu Budyski wyši měšćanosta Karsten Vogt (CDU) a jeho sobudźěłaćerjo wčera nowinarjam. Wotewrjene budu wiki wot njedźele do štwórtka wot 11 do 20 hodź., pjatk a sobotu wot 11 do 21 hodź.
Wotewrěć budźe Vogt wiki dźensa za tydźeń w 17 hodź. z wokna sukelnicy, při čimž ma tež wulka hwězda na žerdźach wěstu rólu hrać. Nazajtra budźe takrjec serbski dźeń hodownych wikow. Wot 14.30 hodź. Wojerowske dźěćatko na Hłownym torhošću ludźom dariki rozdźěli a jich pomajka. W 15.30 hodź. přizamknje so před radnicu koncert chóra Budyšin z hodownym programom.
Jabłučinu družiny „Rubinola“ su Čornochołmčenjo ...
Nikoho njewuzamknyć
Krótkopowěsće (18.11.22)
Žadaja sej wotstup prezidenta
Budyšin. Serbske młodźinske towarstwo Pawk žada sej wotstup prezidenta Młodźiny europskich narodnosćow (JEV), Andora Barabása. Wón swojej wažnej róli w prezidiju FUEN, kotremuž přisłuša, „bohužel njewotpowěduje“. W statemenće kritizuje Pawk minjenu hłownu zhromadźiznu FUEN w Berlinje a jednanje prezidenta JEV při tym.
Pjenjezy za serbsku skupinu
Drježdźany. Z tak mjenowanej crowdfunding-akciju chce towarstwo Stup dale w Drježdźanach pjenjezy nazběrać, zo bychu w dalewobstaću wohroženu tamnišu serbsku pěstowarsku skupinu zachowali. Docpěć chcedźa 10 000 eurow za zapłaćenje podruže wužiwanych rumnosćow za přichodnej lěće, kaž Serbski rozhłós dźensa rozprawja. Dotalny nošer skupiny bě zrěčenje kónc lěta wupowědźił.
Bjezbarjernje po puću
Kartki za přidatne stólcy
Pyramidu dyrbja porjedźeć
Policija (17.11.22)
Pokradnjene awto lepili
Słona Boršć. W Hessenskej pokradnjeny Audi Q5 je policija předwčerawšim na awtodróze A4 lepiła. Dokelž wodźerka trochu njewěsće jědźeše, zadźeržachu SUV při wotpočnišću pola Słoneje Boršće. Žona chcyše najprjedy pěši ćeknyć, ju pak spěšnje dosahnychu. Na to so wukopa, zo bu awto w nocy do toho w hessenskim Limburgu pokradnjene. 32lětna pólska staćanka njeměješe jězbnu dowolnosć a steješe pod wliwom drogow. Ju tyknychu do přepytowanskeje jatby.
Jutře hač do pózdnjeho wječora nakupować
Kleplowane dźěła a cynowe figury
Njeswačidło (ML/SN). Filigrane wudźěłki kleplowarkow kružka Smochčanskeho kubłanišća swj. Bena kaž tež cynowe figury móže wopytowar wot minjeneje njedźele w hodownej wustajeńcy w Njeswačanskim domizniskim muzeju wobdźiwać. Čłonki kleplowanskeho kružka pod nawodom Sigridy Bähr z Małeho Wjelkowa su swoje twórby za 48. wosebitu wustajeńcu w Njeswačidle předstajili. Při zachodźe do wustajenišća strowi božodźěsćowy štom, na kotrymž wisaja kleplowane hwěžki, jandźeljo a druhe hodowne symbole, wopytowarjow do spodobneje přehladki.
Hižo wot 16. lětstotka su mustrowe knihi za kleplowanje znate. Nitki wjerća a křižuja so tak, zo přez kleplowanje canki nastanu. Z nimi najprjedy šaty a dalše tekstilne wudźěłki pyšachu. Pozdźišo kleplowarki tež mjeńše pyšne twórby, kaž našijniki, broše a wjetše knefle zhotowjachu. Znata spěchowarka kleplowanja bě Barbara Uthmann w Rudnych horach. Wona je kleplowanje zawjedła jako přidatnu zasłužbu za zežiwjenje chudych swójbow hórnikow. A z tym je tam samostatna hospodarska hałžka nastała.
