Samo wołaj sobu worałoj
Po lětomaj přestawki zaso njewšědne ratarske wubědźowanje přewjedli
Protecy (BG/SN). Wubědźowanje we woranju předwčerawšim w Protecach (Prietitz) pola Halštrowa je dr. Axel Geide z Hórkeje pola Zhorjelca dobył. Zapřahnył bě wón ćopłokrejneju šumjelow Einsteina a Eragona. Lěkar za HNO je sej přewšo nahladnych 109 dypkow zdobył.
Modla so kadiš
Policija (30.08.22)
Koleso a telefon sej hrabnył
Němcy. Pječa dołha dla je sej 29lětny muž minjenu sobotu handy a koleso přiswojił. Na parkowanišću Wojerowskeje kupnicy wón najprjedy 25lětnemu do hrudźe dyri a sej na to jeho 450 eurow drohi mobilny telefon k sebi storhny. Na to poda so do Němcow a wza sej tam hórske koleso typa Cube 52lětneho wobydlerja. Wone bě něhdźe 250 eurow hódne. Z woběmaj padomaj so nětko Wojerowski policajski rewěr zaběra.
Nochce być prosće jenož čłonka
Nimo dalšich insektow su předewšěm tež pčołki za přirodu nimoměry wažne. Často sej małe stworjenčka prawje wažić njewěmy. Tohodla so w lětnjej seriji na lokalnej stronje lětsa pilnym pčołkam a pčołarjam wěnujemy. (17)
Mjez studentami wučerstwa 8. semestra Drježdźanskeje Techniskeje uniwersity je tež 22lětna Lucretija Brězanec z delnich Sulšec. Hižo dźensa wjeseli so přećelna młoda žona po złoženju statneho eksamena na swój referendariat na jednej ze serbskich šulow. Zajimawe je zhladować na puć, kak je so wona, bórze wučerka za němčinu a wuměłske kubłanje, stała z pčołarku.
Drastowy swjedźeń we Wjerbnje był
Krótkopowěsće (30.08.22)
Protokole digitalnje přistupne
Budyšin. Dalšich 243 aktow Budyskeho měšćanskeho archiwa je digitalizowanych. Jedna so wo protokole zhromadźiznow Budyskich měšćanskich zapósłancow wot 1832 hač do 1945. Wone dokumentuja nastaće a dźěło w měrcu 1831 prěni raz woleneho wobydlerskeho zastupnistwa. Do toho bě jenož wosobam z priwilegowanych kruhow přistup k měšćanskim gremijam móžny. Protokole su nětko online přistupne.
Najsłónčniše lěćo scyła
Offenbach. Lětuše lěćo je po dotalnych ličbach Němskeje wjedroweje słužby najsłónčniše zašłych 70 lět. Dohromady su inkluziwnje prognozy hač do kónca měsaca 817 słónčnych hodźin naměrili. Dotalny rekord bě lěćo 2003 ze 793 hodźinami słónca w Němskej. 1951 su započeli zapisować, kak dołho słónco swjeći.
Nowinka při „wuchodźowanju“
Nad drastami so jara wjeselili
Policija (29.08.22)
We wulkim stilu kradnyli
Słona Boršć. Dobry čuch mějachu policisća sobotu nawječor při awtodróhowym wotpočnišću „Hornja Łužica“ pola Słoneje Boršće, jako transporter z litawskim čisłom kontrolowachu. W jězdźidle bě mjenujcy 44 drohich kolesow. Dale ležachu tam wšelake kolesowe dźěle kaž tež škitna drasta. Zwotkel šofer wšo to měješe, wón zastojnikam plawsibelnje rozkłasć njemóžeše. Na někotrych kolesach wuhladachu policisća samo hišće originalne předawanske etikety. Kaž so při dalšim přepytowanju wukopa pochadźachu transportowane twory z padustwa w Awstriskej. Rubizna bě dohromady něhdźe 250 000 eurow hódna, kaž Zhorjelska policajska direkcija zdźěli. 38lětneho šofera nachwilnje zajachu. Hromadźe z awstriskej policiju tónle pad njewšědneho padustwa dale přepytuja.
Přijězd zawrjeny
Budyšin. Wot jutřišeho hač do 9. oktobra wostanje přijězd na awtodróhu A 4 Budyšin-zapad do směra na Drježdźany zawrjeny. W mjenowanym času tam jězdnju ponowjeja, kaž awtodróhowa towaršnosć zdźěli. Šoferojo měli město toho přijězdaj Budyšin-wuchod abo Słona Boršć wužiwać.
Seniorojo škotuja
Radwor. Přichodny škotowy turněr serbskich seniorow wotměje so jutře, wutoru, w Radworskim hosćencu „Zelena hałžka“. Započatk budźe w 14 hodź. Kaž hłowny organizator Měrćin Nowak zdźěli, su nowačkojo tež tónraz wutrobnje witani. Dalši turněr je za 27. september w Budyšinje planowany.
Kupać jenož wotydźenja
Tohodla Abrafaksy serbsce wuknu
Budyšin (UM/SN). Štóž bě kónc 1970tych, spočatk 1980tych lět w NDR dźesać lět stary, je pola nich lědma nimo přišoł – Abrax, Brabax a Califax – hromadźe Abrafaksy. Mozaikowe zešiwki wo nimi ležachu drje na pisanskim blidźe nimale kóždeho hólca tuteje staroby. Mjeztym je so 40 lět minyło a tehdyši hólcy su dawno mužojo, kiž su mjeztym 50 lět abo samo hišće starši. A tola zwjeseluja so postawy z rozdźělnej barbu włosow hišće přeco nad swojej wulkej popularitu.
W Budyšinje wobsteji bórze składnosć, stare znajomstwo wožiwić. Za mozaikowy wosebity zešiwk maja Abrax, Brabax a Califax mjenujcy hižo bórze misiju spjelnić. Hólc z mjenom Johann Gottlob Kauly hraje při tym wažnu rólu. Syn chudeje serbskeje swójby z Rachlowa, hudźbnje wulce nadarjeny, dóstanje přez podpěru Budyskeho měšćanskeho hudźbnika Petrija šansu, gymnazij w sprjewinym měsće wopytać. To zmóžnja jemu załožba dawno hižo zemrěteho wobydlerja města Gregoriusa Mättiga, kiž runaše w běhu lětstotkow mnohim dźěćom z chudych poměrow puć k wyšemu kubłanju.
