We wobłuku prěnjeho festiwala zwjazka šesćiměstow „Přińć a ...
Lajkojo jara profesionelnje hrali
Ćisk (JT/SN). Sčasom přińć zawěsća dobre městno, myslachu sej mnozy, kotřiž přichwatachu minjenu sobotu na Ćišćanski statok. Tamniša dźiwadłowa skupina pokaza „Das Schwiegermonster“. W kruchu dźe wo wšědne temy kaž domjace hladanje a ćělne zbrašenje, štož zdatej so skerje chutnej naležnosći być. Ale awtorka Viola Schößler stwori napjatu kriminalnu komediju ze žortom a dramatiku, štož su Ćišćanscy lajscy hrajerjo pod režiju Katje Tillich wuběrnje přesadźili.
Róli na chorobny stoł sputaneje přichodneje maćerje Paule a jeje přichodneho syna Kurta běštej z Anett Zahrodnikowej a Tobiasom Herrmannom optimalnje wobsadźenej. Paula, kotraž něšto dnjow pola přichodneho syna Kurta bydli, čušli w jeho póšće a wotpokazuje potencielnych kupcow, tak zo hrozy plan Kurta, so jako financny makler pospytać, zwrěšćić. Spěšnje je Kurtej jasne: „Ta dyrbi preč.“ Zhromadnje z přećelom Siggijom, předstajenym wot Tiny Schubert, wumyslitaj sej plan, kak móhło so někajke njezbožo stać.
Tanki „Praske nalěćo“ podusyli (2)
21. awgusta dopołdnja knježeše wulka nerwoznosć w redakciji Noweje doby, dokelž njemějachmy jako jeničcy ani rjadku dołheje powěsće TASS na blidźe. Tydźenje do toho bě mjenujcy direktor LND lutowanja dla, přećiwo protestej šefredaktora Maksa Pilopa přikazał, zo ma wrotar LND swoju słužbu hižo w 20 hodź. skónčić a dalokopisak hasnyć, kotryž powěsće posrědkowaše. Nowa doba dyrbješe sej nětko znowa powěsć agentury skazać a ju zeserbšćić. Hakle nazajtra móžachu abonenća potom nimale cyłostronsku powěsć wo zaćahu wójska do ČSSR čitać.
Wustajeńca zdobom portret
Budyšin (SN/bn). W Budyskim Serbskim muzeju je wčera direktorka Christina Boguszowa nowu wosebitu wustajeńcu wotewrěła. Pod hesłom „Dźěl wote mnje“ pokazuja hač do 14. oktobra w štyrjoch wobnowjenych rumnosćach na prěnim poschodźe muzeja twórby w Lipsku rodźeneje, dołho we Wuježku bydlaceje wuměłče Reginy Herrmann. „Witam wšitkich, kiž su přišli – předewšěm nowu generalnu konsulku Čěskeje republiki w Drježdźanach dr. Markétu Meissnerovu –, a dźakuju so wšěm, kotřiž su nam pomhali přehladku žiwjenskeho dźěła z našim domom wusko zwjazaneje Reginy Herrmann składnostnje jeje 70. narodnin zwoprawdźić“, rjekny Boguszowa k zazběhej wernisaže. Nimo toho wona wuzběhny, zo je za wustajeńcu zdźěłany katalog „prěnja publikacija toho razu, kotraž wobšěrne tworjenje wuměłče adekwatnje wotbłyšćuje“.
Pytaja wobdźělnikow za wuměnu
Budyšin/Jelenia Góra (SN/bn). We wobłuku projekta „1 000 lět Budyski měr“ su so w meji młodostni z partnerskeju městow Budyšina a Jelenjeje Góry w hornjołužiskej stolicy zetkali. Z dwurěčnym wodźenjom po měsće wotkrychu sej zajimawostki a historiske městnosće. Na tym zakładźe wuwichu koncept za aplikaciju/app „Adventure game“, kotraž zmóžnja takrjec digitalnu turu po cyłkownje 16 stacijach – předewšěm su to wopomnišća resp. za stawizny regiona wažne objekty, twarjenja abo areale. Z pomocu smartphona abo tableta móže sej zajimc tak indiwidualnu čaru zestajeć a so při kóždej staciji wo jeje woznamje a stawiznach wobhonić. Za to maja we formje na přikład krótkich filmow, tekstow abo animacijow medialnje přihotowane wobsahi nastać, zdźěłane wot młodostnych pod profesionalnym nawodom.
Japoštołski puć poswjećeny
Tanki „Praske nalěćo“ podusyli (1)
21. awgusta 1968 wobsadźichu armeje Sowjetskeho zwjazka, Pólskeje, Madźar- skeje a Bołharskeje Čěskosłowaksku a podusychu z wojerskej mocu „Praske nalěćo“ reformerow wokoło woblubowaneho šefa komunistiskeje strony KSČ Alexandera Dubčeka. Hižo měsacy běchu wojacy krajow Waršawskeho pakta, tež Narodneje ludoweje armeje, w lěsach na mjezy k ČSSR přebywali. W juliju a awgusće 1968 wotměchu so zeńdźenja nawodnistwow komunistiskich stron Sowjetskeho zwjazka, Pólskeje, NDR, Madźarskeje a Bołharskeje z načolnikami KSČ w Bratislavje kaž tež mjez KSSZ a KSČ w Čiernej nad Tisou a hišće 12. awgusta mjez KSČ a SED w Karlovych Varach. Z mjeztym přistupnych dokumentow z archiwow zhonimy, zo je generalny sekretar Leonid I. Brježnjew dołho spytał konflikty z reformerami KSČ politisce rozrisać, dokelž boješe so mjezynarodneho protesta při wojerskim zakročenju. Přiwšěm rozsudźi so za wojersku akciju.
Z lubosće k serbskim korjenjam
Wo njewšědnu atrakciju bohatši je Čornochołmčanski Krabatowy młyn. Tam je nětko dospołny serbski katolski kwasny ćah widźeć, za kotrymž chowa so zajimawa stawiznička.
Čorny Chołmc (AK/SN). Elisabeth Deutschmannowa z Łutow je spěchowanske towarstwo Krabatoweho młyna w Čornym Chołmcu njedawno njewšědnje wobdariła. 76lětna přewostaji towarstwu drastowe klanki, předstajace serbski katolski kwasny ćah, křižerja z konjom jako dekoraciju, kołwrót a wobrazowej albumaj. „W 1990tych lětach sym klanki zhotowiła. Před něšto lětami běchu wone we Łazowskim Domje Zejlerja a Smolerja wustajene“, powěda Łutowčanka. „Nětko chcych swoju zběrku do swěrnych rukow wotedać. Krabatowy młyn je za to prawe městno.“
Wjednistwo so předstajiło
Kwasy a jubilarojo ćežišća aktualneje hrajneje doby SLA
Budyšin (SN/bn). Serbski ludowy ansambl je spočatk awgusta hrajnu dobu 2018/2019 zahajił. Na wčerawšej nowinarskej konferency w Röhrscheidtowej bašće předstaji so dwójne wjednistwo institucije – to stej nowa intendantka Judith Kubicec a dale jako překupska jednaćelka skutkowaca Diana Wagnerec – a rozjima zdobom hrajny plan aktualneje sezony kaž tež nowosće SLA.
