Krótkopowěsće (22.08.18)
Wjace wužiwarjow na wsach
Frankfurt n. M. Energijowy přewrót na wsach spěšnišo postupuje hač w městach. Cyłkownje wjace hač 90 procentow domjacnosćow w Němskej jón podpěruje, kaž z dźensa wozjewjeneho naprašowanja statneje spěchowanskeje banki KfW wuchadźa. W městach wužiwa 15 procentow domjacnosćow solarne připrawy, ćopłotne klumpy a podobnu techniku, na wsy pak 33 procentow.
Deinege znowa njekandiduje
Zhorjelc. Zhorjelski wyši měšćanosta Siegfried Deinege (njestronjan) k wólbam 25. meje 2019 wjace njenastupi. Zhorjelski zapósłanc krajneho sejma CDU Octavian Ursu chce so wo zastojnstwo požadać. Jeli wón dobudźe, móhł ministerski prezident Michael Kretschmer (CDU) jeho wólbny wokrjes jako direktny kandidat za krajny sejm přewzać.
Wjace njemandźelskich dźěći
Serbske chorhoje sobu njesli
Pokazujakluče nadźije
Policija (21.08.18)
Pokradnjene koleso spóznał
Běła Woda. W nocy na minjenu njedźelu běchu njeznaći w Běłej Wodźe mountainbike typa Bulls pokradnyli. Njedźelu dopołdnja jědźeše přiwuzny škodowaneho do pólskeje Łęknicy, zo by tam tankował. Krótko za hraničnym mostom wuhlada wón štyrjoch młodostnych z kolesom. Hnydom wón čorno-běło-zelene jězdźidło spózna a hólcow narěča. Ći nablaku ćeknychu a koleso ležo wostajichu. Po dorěčenju z pólskej policiju je swědk sobu domoj wza a wobsedźerjej přepoda. Policija pad dale přepytuje.
Na knižnu premjeru
Zelena swěca za festiwalej
Gmejnscy radźićeljo dołhodobnym přihotam za lěto 2019 přihłosowali
Hamor (AK/SN). Při Bjerwałdskim jězoru maja so dale festiwale pod hołym njebjom wotměwać. Na swojim zašłym posedźenju čłonojo Hamorskeje gmejnskeje rady wobzamknychu, zo matej so 1. junija 2019 Holi-openair a wot 1. do 4. awgusta 2019 festiwal „Break the rules“ přewjesć. Wjesnjanosta Achim Junker (CDU) ma za to zrěčenje z Budyskej firmu GBG jako zarjadowarjom wotzamknyć. Jeje jednaćel Toni Heide chce na dobre nazhonjenja minjenych lět nawjazać.
Lětsa 9. junija wotmě so Holi-openair šesty raz. Něhdźe 4 500 wopytowarjow je přišło, samo z Drježdźan a Kamjenicy, Toni Heide radźićelam rozłoži. „Zarjadowanje bě derje planowane. Komunikacija z policiju, wohnjowej woboru a dalšimi partnerami bě dobra.“ Mjeztym zo steješe lětsa mexiska hudźba w srjedźišću, budźe to klětu hłownje filmowa hudźba. Papjerjanych šlebjerdow a konfetija chcedźa so klětu wzdać a tak mnóstwo wotpadkow pomjeńšić.
Wobnowjeny park přepodaty
Při horcych temperaturach pyta čłowjek za chłódnym městnom. Tajke namaka wjele ludźi zawčerawšim w Koporčanskim parku. W chłódku wulkich štomow njejsy jenož temperaturu derje znjesł, ale sy nimo toho hišće na hudźbu słuchać móhł.
Koporcy (SN/MWj). Něhdźe 150 wobydlerjow Koporc a wokolnych wsow dožiwi zawčerawšim popołdnju pisany koncert Bukečanskeje domizniskeje skupiny, tamnišeho pozawnoweho chóra a chóra Bukečanskeje zakładneje šule w Koporčanskim parku při tamnišim hrodźe. Z kulturnym podawkom wotzamknychu wobšěrne dźěła, kotrež běchu trěbne, zo bychu škody wulkeje wody z lěta 2013 wotstronili. Tehdy bě njewšědnje sylne njewjedro park dospołnje wobškodźiło.
Park wopytahódny
Zahaja štwórty kurs serbšćiny
Wojerecy (SN/at). Mjeztym 4. kurs serbšćiny zahaja jutře we Wojerowskim měšćanskim zarjadnistwje. Kaž bě z radnicy zhonić, je so za njón 20 wosobow přizjewiło. Nimo sobudźěłaćerjow zarjadnistwa samoho su to tež někotři z měšćanskich zarjadow a zawodow kaž z Hórnikečanskeje Energijoweje fabriki, z Kulturneje fabriki, ze zastarowanskich zawodow a bydlenskeho drustwa. Dalši dźěłaja w jězorinowym klinikumje abo w turistiskej informaciji Wojerec. Přizjewili su so tohorunja dwě kita-kubłarce, ewangelski farar a někotři wobydlerjo.
Kaž dotalne tři kursy budźe wučerka serbšćiny na wuměnku Brigita Šramina tež tón podawać, informuje Wojerowska społnomócnjena za serbske naležnosće Gabriela Linakowa. Kursisća maja dale wo serbskej kulturje a stawiznach w měsće nad Čornym Halštrowom zhonić, a społnomócnjena chce jim za Serbow wažne zakonje a postajenja rozłožić.
We Wojerecach z toho wuchadźeja, zo płaćiwe zakonje same serbšćinu njezachowaja. „Wona ma so wobstajnje nałožować, zo bychu ju tež w přichodnych lětach hišće rěčeli“, rěka z radnicy.
Krótkopowěsće (21.08.18)
Jednanja wuspěšnje zakónčene
Choćebuz. Jednanja wo přesydlenskim zrěčenju za Miłoraz su minjeny tydźeń wuspěšnje zakónčili, kaž předewzaće LEAG wčera informowaše. Gmejnje Trjebin a Slepo stej w dalšim jednanskim kole z koncernom poslednje wotewrjene dypki konstruktiwnje rozrisali. Wobdźěleni maja wuslědk za měznik nastupajo přihoty na přesydlenje.
Třělc njeskutki přiznał
Biskopicy. Serija wutřělow na awta w Biskopičanskej kónčinje je wujasnjena. Njedźelu zajaty 42lětny je njeskutki „wobšěrnje přiznał“, statne rěčnistwo a policija zdźělatej. W bydlenju muža běchu płunowej pistoli a płunowu třělbu z dalokowidom a municiju našli. Wumjetuja zajatemu, zo je wjace hač 20 króć na nimo jěduce awta třělał. Prawdźepodobnje psychisce choreho su do psychiatrije zapokazali.
Wustajeńca wo zběžku
