Z wudaća: pjatk, 14 junija 2019

Tež za dwanatkarjow Budyskeho Serbskeho gymnazija wčera rěkaše: „Skónčnje posledni šulski dźeń.“ Kaž přeco ćehnjechu tež lětuši­ wotchadnicy hejsujo a spěwajo po měsće a zbudźichu tak wjeselo mnohich so wuchodźowacych, nakupowacych a wo­sebje turistow. Někotryžkuli z nich so serbskich słowow a žortneho napisa na T-shirće dla dźiwaše. Foto: SN/Hanka Šěnec

Pjatk 14. do 16.6.   2. zetkanje sorabistiskeho dorosta w Budyskim Serbskim instituće

   Molerska dźěłarnička z Maju Nagelowej w Domje Měrćina Nowaka w Njechornju

Pjatk 14.6. 18:00 Sokołski koparski turněr starych knjezow w Radwo­rju

Sobotu 15. a 16.6.   Kulturna akcija Wuměłstwowy bus w Hornjej Łuži­cy

   Wjesny swjedźeń w Kulowcu

   Wjesny swjedźeń we Wojerecach Kinajchće (Kühnicht­)

Sobotu 15.6. 7:30 Dźěłowe zasadźenje na Chróšćanskej cyrkwi

  10:00 Dźeń młodźiny pod hesłom „Wěra zetkawa so z wědomosću“ w Čornochołmčanskim ewangelskim domje „Engedi“

  11:00 660 lět Słona Boršć – Pućowanje na slědach prjedow­nikow po stawiznach a kulturje domizny

  13:30 Swjedźenski ćah a kulturny program w Sprjejcach składnostnje 600lětneho wobstaća wsy

  14:00 Dźeń wotewrjenych duri w Stróžanskim šulskim muzeju

  19:00 Hudźbny wječor při Miłočanskej skale

Njedźelu 16.6. 10:00 Filmowy loop na temu „Domizna“ w Budyskim Serbskim muzeju (kóždu połnu hodźinu)

  10:00 Europske dny archeologije z pućowanjom ke Kopšinjan­skemu hrodźišću

  11:00 Dźeń wotewrjeneje knježerstwoweje štwórće w Drježdźanach

njedźelu hornjoserbsce

10:00 Wusyłanje swjedźenskeje Božeje słužby z Budyskeje Michałskeje cyrkwje

11:00 Łužica tutón tydźeń z powěsćemi tydźenja

11:20 Michałska wosada 400 lět

12:00 Wjesny wobraz: Słona Boršć

po tym zbožopřeća

delnjoserbsce

12:30 Aktualny magacin, mjez druhim wo Janšojskej šuli

13:00 „Akcija Mužakow – pospyt załoženja serbskeje gmejny w Pólskej“

13:40 Nabožne wusyłanje

 (Hartmut Leipner)

po tym gratulacije

Choćebuz (SN). Junijske wudaće delnjoserbskeho telewizijneho magacina Łu­žyca jutře w 13.40 hodź. telewiziji RBB je na­hrawanje podijoweje diskusije na temu „Wumrěje serbska rěč?“ Diskusijny wječor w Choćebuskim měšćanskim domje je 6. junija Christian Matthée mo­derěrował. Debatowali su tam čłonka Rady­ za serbske naležnosće Braniborskeje Angela Šurmanowa, Astrid Šramina z Gołbinskeje drastoweje skupiny, referent krajneje zamołwiteje za naležnosće Serbow Měto Nowak, direktor Serbskeho instituta dr. Hauke Bartels a prof. Edward Wornar, direktor Inistituta za sorabistiku na Lipšćanskej uniwersiće.

Na Dołhu nóc kultury

Budyšin. W nócnej atmosferje wotměje so jutře, 15. junija, w Budyšinje Dołha nóc kultury. 19 městnosćow, mjez nimi NSLDź, tachantska cyrkej, Löbnerec hudźbny dom, Serbski muzej kaž tež měšćanska biblioteka, poskići wot 18 do 24 hodź. zajimawy a wotměnjawy program.

Na cyrkwinski dźeń

Budyšin. Pod hesłom „Wjeselće so“ wotměje so tónle kónc tydźenja w Budyšinje 73. serbski ewangelski cyrkwinski dźeń. Zahajenje je jutře, 15. junija, w 14 hodź. w Michałskej cyrkwi. W 15 hodź. su zajimcy na přednošk sakskeho krajneho bisko­­pa dr. Carstena Rentzinga „Lud a domizna w swětle biblije“ přeprošeni. Wot 17 hodź. je wosadny swjedźeń na far­skej zahrodźe. Njedźelu, 16. junija, su w 10 hodź. swjedźenske kemše.

Sejm so zjawnje schadźuje

Budyšin. Na žurli Budyskeho Serbskeho domu wotměje so jutře wot 13 hodź. dalše zjawne posedźenje Serbskeho sejma. Po witanju poskića so hosćom ně­hdźe poł hodźiny rozmołwy. Na dnjowym porjedźe steja hač do 18 hodź. tež rozprawy a protokole wuběrkow.

Smječkečenjo swjeća

Wo pokal Serbskeho Sokoła

Serbski Sokoł přewjedźe dźensa zhromadnje z koparskim mustwom starych knjezow ST 1922 Radwor 23. koparski turněr starych knjezow wo pokal Serbskeho Sokoła. Sudnik zahwizda prěnju hru we 18 hodź. Přeprošene su SJ Njebjelčicy, SJ Chrósćicy, Sokoł Ralbicy/Hórki, ST Radwor, Zeleno-běli Hórki a ST Marijina hwězda.

SJC rozžohnuje koparjow

Prěnje koparske mustwo SJ Chrósćicy chce jutře do swojeje poslednjeje domjaceje dypkoweje hry sezony 2018/2019 někotrych hrajerjow rozžohnować. W sportowym centrumje Jednota wočakuja mjez druhim něhdyšeho nadbě­howarja Radima Věcheta.

Kónctydźenska kopańca

15.06. 15:00  SJ Chrósćicy

  – FSV Oderwitz II

15.06.  15:00  Jednota Kamjenc

  – Markkleeberg

15.06.  15:00  Póst Germania Budyšin

  – ST Radwor

15.06.  15:00  Rakečanske ST

  – Sokoł Ralbicy/Hórki

15.06.  15:00  Módro-běli Kulow

  – Němske Pazlicy

16.06.  12:30  SJ Chrósćicy II

  – HZ Wulke Ždźary

16.06.  13:00  SJ Njebjelčicy II

  – Arnsdorfske KT II

16.06.  15:00  ST Nadrózna Hrabowka

  – ST Marijina hwězda

16.06.  15:00  SJ Njebjelčicy

  – HZ Rakecy II/Šćeńca

Bičwolejbulowy turněr

1 nic Horjany

2 počas

8 ćežke dźěło

4 naraz, njejapcy

5 wjednik

6 hora w Turkowskej

7 dźeń tydźenja

8 přećel

9 lěpimy ju na sćěnu

Žurnalistiske myta přepodali

Wrócław. Lětušich lawreatow Němsko-Pólskeho žurnalistiskeho myta Tadeusza Mazowieckeho su wčera we wobłuku Němsko-Pólskich medijowych dnjow we Wrócławju počesćili. We wosebitej kategoriji „žurnalizm w pomjeznym regionje“ doby Małgorzata Jurgiel, Polskie Radio Szczecin, z přinoškom „Doma pólsce rěčimy“. W nim dźe wo nawuknjenje rěčow za zhromadny pomorski přichod.

Nowej dźěćacej knize wušłoj

Budyšin. Pod titulomaj „Findus a hara z honačom“ resp. „Findus a kokot-spiwarik“ stej w Ludowym nakładnistwje Domowina wušłoj knize dyrdomdejow po cyłym swěće znateho a woblubowaneho duwa Petterson a Findus. Šwedski original Svena Nordqvista stej Dorothea Šołćina do hornjo- a Madlena Norbergowa do delnjoserbšćiny přenjesłoj.

Posledni sněh w Kyrkonošach

Jan Šołta ma wotpohlad, wědu na šulach šěrić, za dobry a trěbny

Konjecy/Drježdźany (SN/MiR). Tučasny trend, přirodu zachować pomhać, zawjazuje zdobom tež škit překasancow, předewšěm pčołkow. Hižo šulerjo trjebaja pohon, wědomje z wobswětom wobchadźeć. Sakske knježerstwo a sakski zwjazk pčołarjow stej podpisałoj zwjazowacy dokument pod hesłom „Šulerjo pomhaja pčołkam“. K tomu pohonjał je serbski pčołar Jan Šołta z Konjec na njedawnej rozmołwje ze sakskim statnym ministrom za kultus Christianom Piwarzom (CDU) w Ralbicach. Šołta mjeztym hižo jědnate lěto zajimowanym šulerjam Ralbičanskeje wyšeje šule wědu wo pčołarjenju posrědkuje. „Sym ministrej Piwarzej tehdy rjekł, zo dyrbjeli na kóždej šuli tajki poskitk měć. Při tym njejsym zatajił, zo žada sej angažement wot pčołarja wjele mocy, prócy a drobne dźěło.“ Konječan je dotal wšitke trěbne financne a materielne inwesticije sam přewzał. Tak wón jenož w Ralbicach za dorostom njepyta, ale posrědkuje swoju wědu šulerjam z Budyšina přez Chrósćicy hač do Kulowa.

Axel Arlt

Tworićelskosć je wulka, ideje wjelestronske. Přelistuješ-li we wobłuku Sakskeho fondsa Čiń sobu mytowane projekty, čuješ so zawěsće w tym měnjenju wobkrućeny. Wobydlerjo brunicoweju rewěrow we Łužicy kaž tež w srjedźnej Němskej su sej hłójčku łamali a napisali, z čim chcyli zhromadne žiwjenje w komunje abo regionje přisporjeć. Wuslědki swědča wo tym, zo njejsu so serbscy požadarjo ze swojimi namjetami jeničce na wosebitu kategoriju „Łužica – žiwa dwurěčnosć“ koncentrowali. Jich namjety běchu tež hódne za Myto ReWir, Myto mobility a Myto MINT . Gratulaciju!

Wězo wučitaš z lisćin mytowanych jenož­ hesło nastupajo zapodatu ideju. Zapodaćelam to dosaha, zjawnosć pak ma zdźěla jenož łahodne předstawy wo tym, što so za jednotliwej płódnej myslu chowa. Zawěsće budźe to přichodne tydźenje a měsacy nadawk nowinarjow, prawje wjele z mytowanych projektow před­stajić.