Drasty za Indomeni
Münster (B/SN). Transport Němskeje załožby za drasty je jutry wotjěł do grjekskeho regiona Indomeni. Tam dohladuje biskop Grjekskeje ewangelskeje cyrkwje hromadźe z teamom pomocnikow něhdźe 16 000 ćěkancow. Ludźo, kotřiž pochadźeja zwjetša z kónčin wobydlerskeje wójny na Bliskim wuchodźe, nadźijeja so při hranicy k Makedonskej, zo směli dale do srjedźneje Europy. Tuchwilu su špatneho wjedra dla drasta a črije nuznje trěbne. Dalše pod: www.kleiderstiftung.de
Biskop: Assada njezatamać
To a tamne (12.04.16)
Spodźiwnu namakanku mějachu zastojnicy zhromadneje němsko-pólskeje policajskeje jednotki wčera w Žitawje, jako na něhdyšim namjeznym přechodźe 25lětnu Pólku kontrolowachu. W ručnej tobołce bě mokra drasta. Hišće za čas kontrole zastojnikow informowachu, zo je žónska wosoba runje drastu ze šatneje lajny wzała a so zminyła. Při přepruwowanju personalijow žony zwěsćichu, zo je wona hižo wšelakich deliktow dla napadnyła.
Chětro hłódny drje bě paduch, kiž je so w USA do hosćenca za spěšnojědźe zadobył. Pjenjezy jeho scyła njezajimowachu. Město toho zapny kachle a sej hamburger wopječe, kaž wobkedźbowanske kamery we Washingtonje dokumentuja. Film je sej mjeztym 25 000 ludźi w interneće wobhladało. Nichtó muža njeznaje.
Łužica (12.04.16)
Nowy trenar powołany
Choćebuz (dpa/SN). W boju přećiwo hrožacemu wotstupej do štwórteje koparskeje hrajneje klasy je koparski ligist FC Energija Choćebuz swojeho trenarja Vasile Miriutu pušćił. Klub reagowaše dźensa tak na dale trajacu špatnu seriju, přez kotruž steja nětko na direktnym wotstupnym městnje. Prezidij kluba na dźensnišim krizowym posedźenju zdobom wobzamkny, Clausa-Dietera Wollitza za noweho trenarja powołać. Wollitz bě tam hižo wot 2009 do 2011 jako trenar skutkował. 50lětny chcyše hižo dźensa prěni training nawjedować.
Wjacori nowy sudnicy
W Rossendorfje pola Drježdźan je so minjenju nóc woblubowany ...
W Idomeniju wjace hač 300 zranjenych
Plan přećiwo płokanju pjenjez
Wjace wojakow na wuchod
Zastojnstwa so wzdawa
Stanje so Porošenkowy stronjan z nowym premierom?
Kijew (dpa/K/SN). Po dwaj měsacaj trajacej knježerstwowej krizy złoži ukrainski ministerski prezident Arsenij Jacenjuk nětko swoje zastojnstwo. Podwoli so z tym ćišćej prezidenta Petra Porošenka. Składnostnje swojeho tydźenskeho wustupa w telewiziji rjekny 45lětny politikar wčera: „Sym so rozsudźił, wzdać so funkcije premiera“. Jutře zdźěli wón swój rozsud parlamentej. Jeho strona, Ludowa fronta, zwostanje pak dale w prozapadnej koaliciji z Porošenkowym blokom.
G7 so schadźuje
To a tamne (11.04.16)
Nimale 6 300 wobdźělnikow su sobotu wječor na mjeztym 10. lětanišćowym běhu na terenje přichodneho noweho wulkolětanišća BER w Berlinje zličili. Spektakularny parcours wjedźeše po wobswětlenych betonowych pistach jónu wokoło wšeho areala. Najspěšniša běharka połmarathona trjebaše 1:28:59, najspěšniši muž porno tomu 1:15:08. Kaž oficialnje rěka, chcedźa BER klětu wotewrěć.
Mjerzajo so na telewizijny program je muž w Rostocku z wosmeho poschoda swój telewizor dele ćisnył. Wobydlerka policiju sobotu wječor informowaše, zo je runje telewizor nimo jeje balkona dele padnył. Zastojnicy namakachu rozbity nastroj před zachodom domu. 52lětny muž prašacym so zastojnikam skónčnje přizna, zo je aparat z hněwom z wokna ćisnył. Kotre wusyłanje je jeho rozhoriło, njeje znate.
