Z wjace hač 2 500 awtami nakładźena łódź „Fremantle Highway“ ...
Bidenej hrozy wotsadźenje
Ukraina wažny nadběh zahajiła
Niske mzdy na wuchodźe rozšěrjene
Berlin (dpa/SN). Na wuchodźe Němskeje su niske mzdy po informacijach zwjazkoweho statistiskeho zarjada bóle rozšěrjene hač na zapadźe. Najwjetši cyłoněmski podźěl přistajenych ludźi za hodźinsku mzdu pod 14 eurami ma Mecklenburgsko-Předpomorska ze 30 procentami. Slěduja Braniborska, Saksko-Anhaltska, Sakska a Durinska ze stajnje 28 procentami. Najniši podźěl maja w Hamburgu ze 18 procentami kaž tež w Badensko-Württembergskej a Berlinje z 20 procentami, statistiski zarjad zdźěla.
Ličby bě sej Lěwica w zwjazkowym sejmje wužadała. Hižo do toho bě strona cyłoněmski mzdowy přerězk pod 14 eurow tematizowała: Dobrych 23 procentow abo nimale 9,3 miliony ludźi.
Społnomócnjeny Lěwicy za wuchod Sören Pellmann kritizuje, zo dźěła nimale 30 procentow wuchodnych Němcow za mjenje hač 14 eurow za hodźinu. „To je wulki potencial njespokojnosće, kiž so tež politisce wuskutkuje. Nichtó njetrjeba so wuspěcham AfD dźiwać, hdyž dyrbi třećina ludźi z niskej mzdu domoj hić.“
Tesla dyrbi plany změnić
Twarc elektroawtow chcył produkciju južnje Berlina masiwnje stopnjować
Grünheide (dpa/SN). Twarc elektroawtow Tesla z USA dyrbi swoje plany za wutwar baterijoweje fabriki w Grünheide južnje Berlina po woli kraja Braniborskeje změnić. Planowana produkcija baterijowych celow w nowym twarjenju leži zdźěla we wodoškitnym pasmje, zdźěla krajny wobswětoškitny zarjad w stejišću k wotpowědnej próstwje awtotwarca nastupajo rozšěrjenje awtoweje twornje. „To samsne płaći za čisćenje wopłóčkow, kiž při produkciji celow nastanu. Nowina Tagesspiegel bě předwčerawšim, wutoru, wo tym informowała. Krajny zarjad za wobswět rěči wo njepřewinjomnych zadźěwkach za dalšu dźělnu dowolnosć.
Skónčnje so přesadźili
To a tamne (27.07.23)
Swoju wowku z wnučkowym trikom zjebać chcył je 29lětny w Demminje w Mecklenburgsko-Předpomorskej – bjez wuspěcha. Muž bě swoju 85lětnu wowku zazwonił a jej napowědał, zo je w lěsnej chaće w „rukach dwělomnych muži“, kotřiž chcyli jemu křiwdu načinić, jeli njewobstara 600 eurow. Wowce bě tole „spodźiwne“. Wona zazwoni policiju. Zastojnicy móžachu 29lětneho zazwonić a jeho přeswědčić, akciju skónčić. Wón přizna, zo trjeba pjenjezy za wólnočasne wudawki. Nětko dyrbi muž z chłostanjom ličić.
Nócna posyłka muki je w Erfurće zasadźenje policije zawinowała. Wobydlerka bě zastojnikow alarmowała, dokelž bě pječa wutřěle słyšała. Policisća zwěsćichu, zo bě šofer nakładneho awta w fabrice nudlow kotoł muki z powětrom wupryskał. Při tym nastachu woprawdźe na wutřěle podobne zwuki.
Kretschmer za pragmatizm
Drježdźany (dpa/SN). „Cyle jasne wotmjezowanje wot AFD“ njeje po měnjenju sakskeho ministerskeho prezidenta Michaela Kretschmera na komunalnej runinje móžne. Politikar CDU zasadźuje so w rozmołwje z nowinarjemi Frankfurter Allgemeine Zeitung w dźensnišim wudaću za „pragmatiske wobchadźenje“ ze stronu. We wěcnych rozsudach njedosaha rjec: „Smy přećiwo tomu, dokelž je AfD za to“, Kreschmer rjekny. Wědomi pak měli sej wšitcy być, što AfD w Němskej planuje.
Morjenja dla zasudźeni
Brüssel (dpa/SN). W procesu islamistiskich nadpadow 2016 w Brüsselu dla je sudnistwo wjacorych wobskorženych teroristiskeho mordarstwa dla zasudźiło. Tole je rěčnica sudnistwa wčera wječor w belgiskej stolicy zdźěliła. Šěsć wobskorženym móžachu mordarstwo dopokazać, třoch su wuwinowali. Wo chłostanjach chcedźa w septembru rozsudźić. Při terorowych nadpadach 22. měrca 2016 běchu nadpadnicy cyłkownje 32 ludźi morili a 340 zranili.
Žadaja sej pjenjezy za šule
