Namołwjeni wotpadki zběrać
Wojerecy. Wojerowske měšćanske zarjadnistwo namołwja wobydlerjow, zo bychu wospjet wotpadki zběrali. Mjeztym druhi króć přewjedu akciju sobotu, 12. junija, wot 10 do 18 hodź. kaž tež njedźelu wot 11 do 17 hodź. To zdźěli Corinna Stumpf z wotrjada za nowinarske a zjawnostne dźěło města Wojerec.
Diskusija wo pjenjezach
Za dwě lěće ma nowa pěstowarnja „Milenka“ w Rownom hotowa być
Slepo (AK/SN). Planowanja za nowotwar Rownjanskeje Witaj-pěstowarnje „Milenka“, kotraž je w nošerstwje gmejny Slepo, postupuja. To potwjerdźi Steffen Seidlich, nawoda twarskeho zarjada Slepjanskeho zarjadniskeho zwjazka, zašłu wutoru na posedźenju Slepjanskich gmejnskich radźićelow. „Trěbne podłožki, wopřijace wobličenje kóštow za spěchowansku próstwu, kotrež trjebaja za spotorhanje na městnje nowotwara hišće stejaceho stareho domu, su žadanjam wotpowědnje na termin 28. meje zarjadam posrědkowali“, Seidlich rozłoži „4. junija je so prěni króć wotpowědna komisija pruwowanja stajenych próstwow dla zetkała. Wo spěchowanju doskónčnje rozsudźić chcedźa hač do 25. junija.“ Wšitke zapodate próstwy dotalne móžnosće dawarja spěchowanskich srědkow daloko překročeja. Je tuž jasne, zo njehodźa so wšitke projekty wobkedźbować.
Šulerkaz njewšědnym talentom
Šansa za Nisku a drjewotwarstwo
Předewzaće sakskeho knježerstwa, wutworić w Niskej drjewotwarski centrum, maja w něhdyšim wokrjesnym měsće za wulce zajimawe. Tež druhe města bychu inwesticiju witali.
Mnozy wjesnjenjo přichwatachu minjenu sobotu na Worklečansku mału ...
Dalši krok k žiwjenskej normaliće
Pjeć dnjow za sobu bě incidenca po Roberta Kochowym instituće koronapandemije dla w Budyskim wokrjesu pod 50. Wot jutřišeho płaća tohodla dalše wolóženja.
Budyšin (SN). Wo změnach jako dalšej kročeli k normaliće wšědneho žiwjenja je tudyši krajnoradny zarjad wčera informował:
Nastupajo kontakty su priwatne zetkanja w zjawnym abo priwatnym rumje z hač do dźesać wosobami dowolene. Dźěći hač do zakónčeneho 14. žiwjenskeho lěta, dospołnje šćěpjeni a wustrowjeni njejsu sobu ličeni.
Šule a dźěćace dnjowe přebywarnje přeńdu wot jutřišeho na normalne dźěło. Měnjaceje wučby w dale wjeducych šulach žaneje wjace njeje, wšitke šulerki a wšitcy šulerjo smědźa zaso zhromadnje w šuli wuknyć. Wotzjewjenje w šuli je trěbne, maja-li dźěći we wuknjenskim času dale doma wostać. W dźěćacych zarjadnišćach njeje striktne dźělenje skupin, wosebje wonka kaž tež w zažnej a pózdnjej słužbje wjace trěbne.
Krótkopowěsće (08.06.21)
Dale woteběraca incidenca
Budyšin. Indicenca w hornjołužiskimaj wokrjesomaj po hódnotach Roberta Kochoweho instituta dale woteběra. RKI mjenuje za Budyski wokrjes dźensa hódnotu 31,4. Tu su wčera wo dźesać natyknjenjach z koronawirusom informowali. Za Zhorjelski wokrjes je RKI dźensa 16,2 podał. Tam wčera žanu dalšu infekciju njemějachu, za to pak tři smjertne pady z časa wot 15. meje do 1. junija.
Namołwa Altmaierej
Budyšin. Budyski krajny rada Michael Harig je zwjazkoweho hospodarskeho ministra Petera Altmaiera (wobaj CDU) namołwjał, zo měł nuzne naprawy přećiwo podróšenju twaršćiznow zawjesć. Za jednu z přičin ma Harig kumštne pomjeńšenje poskitka ze stron producentow. Najebać potrjebu a kapacity su wulke koncerny produkciju wobmjezowali, zo bychu pjenjezy za krótkodźěłacych dóstali, rěka z krajneho zarjada.
Naležnosće Romow polěpšić
Skónčnje zaso live-koncert dožiwili
Kołowokoło wjesnjanosty
W zwisku z komunalnym dźěłom w městach a gmejnach nastawaja zas a zaso prašenja, čehodla wobsteja wěste rjadowanja, kak je to a tamne zakonsce předpisane a štó ma poprawom kotre prawa. Na tajke a podobne prašenja wotmołwjamy wotnětka w małej seriji. Naš awtor je bywši wjelelětny předsyda zarjadniskeho zwjazka Při Klóšterskej wodźe Alfons Ryćer. (1)
Zakonske postajenja w zwisku z wólbami wjesnjanostow a měšćanostow so mjez jednotliwymi zwjazkowymi krajemi zdźěla trochu rozeznawaja. Za Saksku płaća slědowace bytostne rjadowanja:
W gmejnach z wjace hač 5 000 wobydlerjemi je wjesnjanosta hłownohamtski zastojnik. Hdźež je mjenje wobydlerjow, dźěła wón čestnohamtsce. Wuwzaćnje móža gmejny z wjace hač 2 000 wobydlerjemi, kotrež žanomu zarjadniskemu zwjazkej njepřisłušeja, w swojich hłownych wustawkach tohorunja hłownohamtskosć wjesnjanosty postajić.
Městno gratownje dadźa přepytować
Dźěwin (AK/SN). Gratownju dobrowólneje wohnjoweje wobory w Brězowce chcedźa powjetšić. Do toho ma so městno noweho dźěla na móžne stare wobćežma a na krutosć přepytować. Na to su so Dźěwinscy gmejnscy radźićeljo na swojim zašłym posedźenju dojednali. „Něhdy bě na prědnim dźělu ležownosće tankownja. „Poprawom by w tajkim padźe specialny zawod trěbny był“, Dźěwinski wjesnjanosta Helmut Krawc (SPD) rozłoži. „Tankownju pak běchu hižo w najhłubšim času NDR wotstronili.“ Wo tym njeje hižo žanych podłožkow.
Krušwičanski inženjerski běrow je gmejnje nětko poskitk za přepytowanje předpołožił. Po nim dyrbja něhdźe 7 500 eurow wudać. Jeničce laborowa analyza w Mužakowje by 3 500 eurow płaćiła. „Zo móhli pódu přepytować, trjebaja material z hłubokosće dweju do šěsć metrow“, praji nawoda twarskeho wotrjada Slepjanskeho zarjadniskeho zjednoćenstwa Steffen Seidlich. Wot inženjerskeho běrowa namjetowany puć ma wón za zmysłapołny. Tomu su tež gmejnscy radźićeljo přihłosowali, zo inženjerski běrow pódu přepytuje.
