Budyšin (SN/CoR). „Dołho sym za tutym bajkowym domom pytał. Běše dźě Jan Radyserb mój lubowany, njezapomnity wučer, přećel mojeho nana a tež mój nanowski přećel.“ Tak dołho kaž Oto Wićaz njejsu Přećeljo Smolerjec kniharnje minjeny pjatk za ródnym domom basnika Jana Radyserba-Wjele pytali. Na Židowje, při Hrodźiškowych schodach w Budyšinje, hdźež steješe jónu tónle dom, započina lětuše literarne wuchodźowanje towarstwa při najrjeńšim wjedrje w zmysle Ota Wićaza z basnju „Bajka“ Radyserba.

W lěće 1997 załožichu młodostni w Smječkecach swójski klub. W minjenych lětach su so předewšěm přetwarej swojeho domicila wěnowali. Składnostnje 25lětneho wobstaća kluba zaběraja so młodostni hižo dlěši čas z organizaciju openaira Vinea Mea, kotryž ma so 1. a 2. julija wotměć. Tak přewjedu tež wabjensku turu w ramiku kotrejež chcedźa tamne serbske młodźinske kluby wopytać.

W zašłych lětach so přetwarej kluba wěnowali

Rogow (HA/JaW). Swoju jubilejnu 30. hłownu zhromadźiznu minjeny pjatk je Domowinska župa Delnja Łužica w Rogowje (Horno) w měšćanskim dźělu wo­krjesneho města Baršć (Forst) přewjedła. To ma swoju přičinu. Domowina wšak je mnohe lěta sobu wojowała wo to, zo njebychu „stary“ Rogow wuhla dla wotbagrowali, ale bój njebě wuspěšny. Přiwšěm pak Domowinske dźěło tež w nowej wsy dale běži a třěšny zwjazk je mjez wobydlerjemi jara připóznaty.