Pomnik zasoz Körnerom a Ćišinskim
Wopomnišćo za padnjenych Prěnjeje swětoweje wójny w Słonej Boršći wobnowjene
Jědźeš-li přez Słonu Boršć, wuhladaš na wuchodnej kromje wsy wopomnišćo za padnjenych Prěnjeje swětoweje wójny. Markantnje na wyšinje postajeny pomnik ze zornowca ma za mału wjes nahladnu wulkosć a dosć bohate wuhotowanje. Wokoło njeho je zelenišćo připrawjene, nad nim wupřestrěwa wysoki dub swoje hałuzy a na nakromnym trawniku přeprošuja ławki k posydnjenju.
W minjenych lětach bě pomnik z algami porosćeny a měješe šěro-zelenkojty napohlad. Napisma běchu wupłokane a lědma hišće spóznać. Čim bóle nětko nadpadnje, zo su pomnik w zańdźenych měsacach wobnowili. Zornowc je wurjedźeny a so zaso jasny swěći. Horjeka spóznaješ zaso z dubowej a ławrjencowej hałžku wobwěncowany wojerski křiž. Wšitke napisy su čerstwje wumolowane a zaso derje čitać.
Poswjećenje w lěće 1920
Jurja Šěna wopominali
Bartels nastupi profesuru
Wot spočatka oktobra budźe direktor Serbskeho instituta (SI) dr. Hauke Bartels profesor za sorabistiku Drježdźanskeje techniskeje uniwersity (TUD). Wčera přijima Bartels wotpowědne wopismo z rukow rektorki TUD, prof. Ursule M. Staudinger. Nawodnistwo SI pak wostanje jeho hłowny nadawk.
Drježdźany/Budyšin (SN). „Sorabistika skići šěroke a zajimawe slědźenske polo. Tute njemóže jenož Drježdźansku slawistiku wobohaćić, ale tež zajim studowacych zbudźić – tež hladajo na praktiske nałožowanje přiswojeneje wědy, na přikład w nowym masterskim studiju ,Digital humanities‘“, Bartels podšmórny. Nowopowołany profesor budźe w Instituće za slawistiku TUD wuwučować. Wědomostnej ćežišći stej digitalna sorabistika kaž tež rěčespyt za mjeńšinowe rěče, wosebje za delnjo- a hornjoserbšćinu.
Nowy swětowy rekord karnewalistow su zawčerawšim před historiskej ...
Hudźbna jězba ze „słowjanskej dušu“
Kocor takrjec raz cyle priwatnje
Budyšin (SN/bn). We wobłuku swjedźenskeho „Lěta Kocora a Zejlerja 2022“ je Serbski ludowy ansambl minjeny pjatk dalši wosebity koncert wuhotował. Na žurli Budyskeho Serbskeho domu předstajichu dohromady dwanaće ansamblowcow w měnjacych so wobsadkach pod hesłom „Pój, wječoro k nam rjany“ skerje njeznate komornohudźbne twórby a wuměłske spěwy Korle Awgusta Kocora kaž tež wuběr na njeho złožowacych so kompozicijow.
Lěto swjatkow za koho?
Pod heslom „Woheń a kristal“ je wčera wječor Nowa łužiska ...
Samo na pjećoch pišćelach
Budyske pišćelowe lěćo znowa ze sepju naročnych koncertow, mištersce interpretowanych wot wirtuozow z tu- a wukraja
Pišćelowe lěćo 2022 bu spočatk smažnika wot cyrkwinskohudźbneho direktora Michaela Vettera, kantora Ewangelskeje wosady swj. Pětra, a Kamila Maksymiliana Kulawika, nětčišeho kantora katolskeje tachantskeje wosady na dwojich pišćelach w Budyskej simultanej cyrkwi swj. Pětra zahajene. Spočatk požnjenca zakónči Vetter serial tradicionalnje z improwizacijemi k historiskemu němemu filmej. Dohromady dwanaće organistow z tu- a wukraja běše stajnje srjedu zahudźiło, mjez druhim Yves Rechensteiner z Toulousea, Susanne Harwtich-Düfel z Erlangena a Izumi Ikeda z Fukuoki. Wospjet jako publikumowy magnet wukopa so koncert bywšeho kantora Berlinskeje katedrale swj. Jadwigi Tomaša Žura (SN rozprawjachu). Na tejle stronje wěnujemy so dalšimaj wjerškomaj lětušeho rjadu.
