5 000 hosćiwjace měli
Serbski ludowy ansambl njehlada jenož z nowej intendantku-dirigentku Judith Kubicec optimistisce do noweho lěta, ale móže tež z lětušej bilancu spokojom dosć być.
Budyšin (SN/CoR). Něhdźe 39 000 přihladowarjow dožiwi lětsa programy Serbskeho ludoweho ansambla. Je to 5 000 ludźi wjace hač minjene lěto. Stopnjowali su ansamblowcy tež ličbu předstajenjow porno lońšemu wo 34 na dohromady 175 předstajenjow. Mjez nimi bě 21 premjerow a nowoinscenowanych programow. Na 21 předstajenjach pokaza so SLA jako pósłanc Serbow w starych zwjazkowych krajach Němskeje kaž tež w Šwicarskej a Awstriskej.
Znamjo respekta
We wopomnjeću Kita Lorenca
Ludwigsburg (BD/SN). W swojim najno- wšim wudaću spomina časopis za literaturu a wuměłstwo MATRIX, wuchadźacy w nakładnistwje Traiana Popa w Ludwigsburgu, na njeboh Kita Lorenca.
Wopominace fota a teksty na wu- znamneho serbskeho, němskeho a mjezynarodneho basnika, přełožowarja a wudawaćela serbskeje literatury pochadźeja wot Elke Erb a Benedikta Dyrlicha (spomnjeći) a Moniki Dyrlichoweje (fota). Někotre teksty z pjera Kita Lorenca pokazuja na wjacore jeho wažne a směrodajne serbsko- a němskorěčne zběrki, kotrež su minjene pjeć lětdźesatkow we wjacorych nakładnistwach wušli. Premjeru wopomnjenskeho wudaća a zjawne počesćenje planuje nakładnistwo z Ludwigsburga na klětušich Lipšćanskich knižnych wikach. Štóž ma ze serbskich koleginow a kolegow zajim, so na počesćenju basnika aktiwnje wobdźělić, njech so prošu přizjewi.
Najebać trochu wichorojte wjedro běchu wjacore sta ludźi wječor do ...
W prěnjej ...
Hodowna kriminalka Serbskich Nowin wot Měrćina Wjenka
„... jenički woprawdźity komunist.“
„Komunist? Tebi so tola mući, kak da na to přińdźeš?“
„Nó, štó hewak je dospołnje čerwjeny a wšěm dźěćom po cyłym swěće wobradźa, njehladajo na jich pochad. Rumpodich je komunist. Dypk!“
Poněčim wróći so jeho wědomje. Bě wón spał? Bě wón do womory padnył? Wón to njewě. Před wočomaj je jemu čorne, ma jej hišće začinjenej a jej tež hnydom njewočini.
„Wón tola njeje komunist. Cyle nawopak, je najhórši kapitalist na swěće. Tajki prawy PPP-kapitalist. Přistojny, pěkny a pilny dyrbiš być, potom ći rumpodich něšto dari. To ničo njeje z ‚kóždy něšto dóstanje‘. To tola sam njewěriš. Rumpodich sej žada konformistow. KK! Kapitalistiskich konformistow.“
Što bě so stało? Štó rěči? Čehodla je wón runje tule, hdźežkuli je? Čehodla je jemu zyma? Čehodla w mokrym leži? Čehodla je jeho hłowa tajka tupa? Čehodla su jeho stawy tajke ćežke a jemu cuze, jako bychu někomu druhemu słušeli?
„Bla-bla-bla! Kažbrjek, zo sej komunizm konformistow nježada.“
Patoržicu wusyłaja w telewiziji ZDF film „Kuzłarski wučomnik“, ...
„Začuwam wulku zhromadnosć“
Mjez wopytowarjemi adwentneho koncerta 1. serbskeje kulturneje brigady zańdźenu sobotu w Budyskej Michałskej cyrkwi běše tež Berlinjanka Rita Plaster-Poppenheger. Wona je mjeztym štwórty króć na tymle zarjadowanju była. Staršej běštaj jej před lětami při zhromadnej jězbje do Łužicy Zhorjelc a Budyšin zbližiłoj. Nětko jězdźi kubłarka, kotraž je njedaloko Bremena wotrostła, lěto wob lěto do sprjewineho města. „Začuwam tule wulku zhromadnosć, a to so mi spodoba“, wona powěda, „mam za spomóžne, zo dóstawaja młodźi ludźo na tymle koncerće tajku platformu, zo móža swoju wuměłsku dokonjanosć pokazać.“
Filmowe přinoški witane
Großhennersdorf (SN/CoR). Hač do 31. decembra móža zajimcy hišće přinoški za klětuši 15. nysowy filmowy festiwal zapodać. Mjezynarodny filmowy swjedźeń w němsko-pólsko-čěskim třikrajowym róžku wotměje so wot 15. do 20 meje. Organizatorojo festiwala pytaja za to produkcije w kategorijach hrajneho, krótkeho a dokumentaciskeho filma. Z dohromady wosom mytami chcedźa nimo najlěpšich přinoškow kóždeje kategorije a mjez publikumom najwoblubowanišeho filma tež najlěpši scenowy wobraz a najlěpši hrajerski wukon wuznamjenić. Dale spožči Sakski filmowy zwjazk wosebite myto. Dohromady 11 000 eurow je za počesćenja k dispoziciji. Wobsahowy fokus wěnuje so klětu pod hesłom „1968“ podawkam, wotměwacym so před 50 lětami w Pólskej, Němskej a Čěskej, a prašenju, kak su wone towaršnosć a politiku změnili a kak hač do dźensnišeho skutkuja.
Mjeztym 5. dźěłarnička łužiskich filmowcow we wobłuku nysoweho festiwala je 18. meje w Großhennersdorfje planowana. Kónc měrca 2018 chcedźa filmy za festiwalny program wuzwolić.
Braniborska ministerka za wědomosć, slědźenje a kulturu dr. ...
Wo knihach a kniharni (22.12.17)
Zaso je so lěto minyło – skokšo hač minjene lěta, chce so mi zdać, štož drje zaleži na přiběracym stresu, kiž nam pokojnosć žiwjenja kazy. Abo snadź tola jenož na rosćacej starobje, kotraž našemu jednomu začuwać da, zo drohotny žiwjenski čas lěto a spěšnišo chwata, doniž nas skónčnje wěčny měr njedosćehnje? Bóh wě, ale traš měli přichodne dny raz trochu na borzdźidło stupić. Wopušćmy přesćahowansku jězdnju a spomalmy na chwilu poklatu honjeńcu. Snadź móhli samo dobru hodźinku lěnjeho pasć a sej na konopeju ležo, spekulacius hrymzajo něšto zabawne naposkać. Dobru hodźinku mjenujcy traje słuchokniha, kotruž chcył wam tule doporučić: „Wjesni šibałcy“.
