Wuspěšny apel zwěrjatownje

Dienstag, 09. Januar 2024 geschrieben von:

Waršawa (dpa/SN). Naležna próstwa zwěrjatownje w Pólskej wo pomoc hladajo na bližacu so žołmu šćipateje zymy je 120 psam nachwilnje nowe doma wu­njesła. Pomocnicy su wot wuspěcha ­„Akcije zyma“ přemóženi, sćelak TVN24 njedźelu rozprawješe. Hodźiny dołho ­běchu ludźo kónc tydźenja před zwěrjatownju w Krakowje w dołhich rynkach čakali, zo bychu sej psa wotewzali. Wšitke psy su ćopły přebytk namakali, rjekny zastupowaca nawodnica zwěrjatownje Małgorzata Paletko sćelakej.

Juh Pólskeje bědźi so tuchwilu ze žołmu zymy. W nocy móža temperatury z městnami hač na minus 16 stopnjow spadnyć. Hižo minjeny pjatk bě dom zwěrjatow KTOZ w Krakowje w socialnych medijach wo pomoc prosył. „Dokelž bydla někotre z našich zwěrjatow we wotewrjenych klětkach, dyrbimy je nuznje w ćopłych rumnosćach zaměstnić. Móžnosće zwěrjatownje pak su wokomiknje wučerpane“, zamołwići informowachu. Njedźelu wječor zdźělichu, zo su wšitke psy pola ludźi priwatnje zaměstnić móhli. „Smy njesměrnje dźakowni a hnući“, zwěrjatownja piše.

Puć Donalda Tuska wobćežny

Freitag, 05. Januar 2024 geschrieben von:

Přiwisnicy dotalneho pólskeho knježerstwa so nowej politice wobaraja

Waršawa. Start noweho knježerstwa w Pólskej je wobćežny. Wosebje wo medije howri horcy a zasakły bój. Zamołwići a žurnalisća, kotřiž běchu dotalne narodno-konserwatiwne knježerstwo strony Prawo a sprawnosć (PiS) podpěrowali a opoziciju po swojich mocach wočornjeli, nochcedźa swoje dźěłowe městno nowemu knježerstwu ministerskeho prezidenta Donalda Tuska přewostajić. Bój wo medije saha hač k ćělnym rozestajenjam w redakcijach a před nimi. Strona PiS nowemu knježerstwu wumjetuje, zo njezakonsce jedna. Prezident Andrzej Duda mjenowaše to anarchiju. Ludźo mjeztym tež wědźa, zo su sej zamołwići žurnalisća swoju swěrnu słužbu na dobro knježerstwa PiS z hoberskimi sumami pjenjez zapłaćić dali, kaž z namakanych mzdowych podłožkow wuchadźa. Knježerstwo PiS bě sebi přichilene medije wulkomyslnje podpěrowało. Polakam je to hotowy šok.

Měrliwy silwester w Čěskej

Mittwoch, 03. Januar 2024 geschrieben von:

Marek Krawc rozprawja wo aktualnje rozjimanych temach w Čěskej

Praha. Tysacy ludźi, mjez nimi wjele wukrajnikow, běchu minjenu njedźelu nowe lěto 2024 na Praskim Staroměšćanskim kaž tež na Wjacławskim naměsće powitali. Eva Kropáčová, rěčnica Praskeje policije, zdźěli póndźelu rano, zo su wobydlerjo čěskeje stolicy započatk noweho lěta měrniši swjećili hač lěto do toho. Policija trjebaše jenož někotrych bijeńcow dla zakročić a někotrych swjećacych z pjenježnymi pokutami pochłostać, dokelž běchu njedowolene praskotaki wotpalili. Třinaće ludźi dowjeze wuchowanska słužba do chorownje, sydom ludźi zranichu so w zwisku z praskotakami.

Zwada wo medije dale traje

Freitag, 29. Dezember 2023 geschrieben von:

Pólski prezident Duda weto zapołožił – zjawno-prawniske sćelaki rozpušćene

Waršawa (dpa/SN). W Pólskej traje ćahańca mjez nowym knježerstwom Donalda Tuska a wotwolenym konserwatiwnym knježerstwom PiS wo kontrolu zjawno-prawniskich medijow dale. „Powěsćowe sćelaki měli funkciju spjelnić, pokazać, što je realita, dalokož móžno, bjez komentara“ rjekny nowy wiceminister za digitalizowanje Michal Gramatyka wčera jako zaměr. W rozmołwje z priwatnym telewizijnym sćelakom wón zdobom připowědźi, zo měli zjawno-prawniske medije „chětro wotbyć“.

Dźeń do toho bě kulturny minister Bartlomiej Sienkeiwicz formalnje připowědźił, zjawno-prawniski telewizijny sćelak TVP, pólske radijo a powěsćernju PAP rozpušćić, dźěłowe městna pak zachować. Minister reagowaše tak na weto prezidenta Andrzeja Dudy. Tón bě plany knježerstwo nastupajo financowanje zjawno-prawniskich z třomi miliardami złotych (690 milionow eurow) za lěto 2024 wotpokazał.

Zrudne hody w Čěskej

Donnerstag, 28. Dezember 2023 geschrieben von:

Marek Krawc rozprawja wo aktualnje rozjimanych temach w Čěskej

Praha. Smjerć někotrych wuknjacych a wuwučowacych na Karlowej uniwersiće w Praze zawostaja přeco hišće hłuboki šok w mnohich čěskich swójbach a měješe wězo tež swój wliw na swjate dny w susodnym kraju. Minjeny štwórtk popołdnju bě na znatym kubłanišću k najhóršemu masakrej w stawiznach Čěskeje dóšło. 24lětny student filozofiskeje fakulty David K. bě rano swojej maćeri sms-ku pósłał, w kotrejž pisa, zo chce sej žiwjenje wzać. Mać sposrědkowa wobsah krótkopowěsće policajskim zastojnikam w Hostounju blisko Prahi, kotřiž pósłachu patrulju do domu studenta. Tam nańdźechu nana Davida K. zatřěleneho. Na to namołwi Praska policija wšěch wuknjacych a wuwučowacych w twarjenju filozofiskeje fakulty w Celetnej hasy dom wopušćić, wšako bě K. mjeztym po puću do Prahi. Zastojnicy policije čakachu na fakulće na njeho, dokelž měješe tam přednošk. Někotři studenća podachu so po namołwje do hłowneho twarjenja filozofiskeje fakulty na Jana Palachowym naměsće. Jenož: K.

W Praze wo wopory žaruja

Freitag, 22. Dezember 2023 geschrieben von:

Na Filozofiskej fakulće Karloweje uniwersity (FF UK) je wčera popołdnju třělc mordował – wuslědk je hač dotal štyrnaće mortwych a pjećadwaceći ranjenych.

Medije přetwarja

Donnerstag, 21. Dezember 2023 geschrieben von:

Waršawa (dpa/SN). Nowe knježerstwo w Pólskej je cyłe nawodnistwo zjawno-prawniskich medijow pušćiło, zdźěli wčera tamniše kulturne ministerstwo. Nowych čłonow dohladowanskeje rady su hižo pomjenowali. Woni maja nowych nawodow wuzwolić. Powěsćowy sćelak TVP Info njeje w běhu dnja hižo wusyłał. Na wobrazowce pokazachu jenož hišće hodowne motiwy.

Přetwar a wobsahowe nowowusměrjenje zjawno-prawniskich medijow je jedne z ćežišćow knježerstwa Donalda Tuska. Tak wumjetuje knježerstwo medijam, zo su minjenych wosom lět jenož propagandu strony PiS wozjewili. Hižo předwčerawšim wječor je parlament wobzamknył, zo maja medije prawa dodźeržeć a jednostronsce njerozprawjeć.

Kontrole w lěsu paduchow dla

Mittwoch, 20. Dezember 2023 geschrieben von:

Marek Krawc rozprawja wo aktualnje rozjimanych temach w Čěskej

Praha. Krótko do hód kontroluja zastojnicy čěskeho lěsnistwoweho zarjada husćišo swoje přestrjenje z młodymi jehlinowcami, zdźěli zastupjer statneho přede­wzaća. Chcedźa tomu zadźěwać, zo sej ludźo „darmotnje“ swoje hodowne štomy wobstaraja. Nimo toho popryskachu hajnicy jehlinowcy z wosebitej kapalinu, kotraž ma poprawom skoru młodych štomow před sornami a jelenjemi škitać. W ćopłej stwě póčnje chemikalija smjerdźeć, štož je tohorunja najlěpši škit před paduchami. Na swojich internetnych stronach informuje čěski lěsnistwowy zarjad, zo móža sej ludźo čerstwe šmrěki a jědle za płaćiznu mjez 90 a 300 krónami (3,70 do 12,25 eurow) kupić.

Bywši wjesnjanosta Njebjelčic, Tomaš Čornak, a bywši direktor Budyskeho Serbskeho muzeja, Tomasz Nawka, pobyštaj wčera tydźenja w Namysłowje, partnerskim měsće Njebjelčic. W rozmołwje z měšćanostu, dr. Bartłomiejom Stawiarskim, rozprawješe Tomaš Čornak wo skutkowanju wsy na dobro partnerskich stykow a dalšich předewzaćach. ­Hižo w lěće 1998 zahaji so partnerstwo mjez Namysłowom a Njebjelčicami. Žiwjenje a skutkowanje serbskeho politikarja, nowinarja a wudawaćela (Kulturwille, Kulturwehr) Jana Skale a jeho zasadźenje za prawa a runoprawosć (za samopo­stajenje njebě hišće čas zrały) w Němskim rejchu mjez swětowymaj wójnomaj ­bydlacych „njeněmskich narodnych skupinach“ bě a je woběmaj stronomaj postajowacy narok přećelskich stykow.

Antižidowski skandal w sejmje

Freitag, 15. Dezember 2023 geschrieben von:

Prawicarski zapósłanc Pólsku na swjedźenju chanuka wohańbił

Waršawa. Wosrjedź politiskich podawkow w zwisku ze změnu mocy w Pólskej wudyri politiski skandal, kotryž je mjezynarodnu nahladnosć kraja chětro wobškodźił a zamołwitych wohańbił.

Na swjatočnosći parlamenta minjenu wutoru, na kotrymž wopomina w přitomnosći zastupnikow wosady židow jich tradicionalny swjedźeń chanuka, je zapósłanc prawicarskeje strony Konfederacija Grzegorz Braun z wohnjohašakom swěčki na židowskej menorje hasnył. Za pultom rěčeše Braun wo „dźiwim akće satanizma“ swjedźeń chanuka nastupajo. Chanuka dopomina na zběžk židowskeho ludu přećiwo Grjekam w lěće 164 do Chrystusa a na „dźiw“, zo bě so tehdy sydomručny swěčnik cyłe wosom dnjow swěćił.

Antižidowski njeskutk Brauna je nablaku mjezynarodnu rozhorjenosć zbudźił. Israelske wulkopósłanstwo we Waršawje je runje tak protestowało kaž wulkopósłanc USA w Pólskej Mark Brzezinski.

Serbska debata

Neuheiten LND