Dobyćerjo wubědźowanjawo najrjeńše serbske jutrowne jejko
wóskowanje wjacebarbne
1. Bettina Borcherding, Rahden
2. Sandra Siegert, Lawalde
3. Marja Šefrichowa, Njebjelčicy
wóskowanje jednobarbne
1. Bettina Borcherding, Rahden
2. Sandra Siegert, Lawalde
3. Beatris Sachse, Mikow
bosěrowanje wjacebarbne
1. Ines Trenschel, Allendorf Lumda
2. Beatris Sachse, Mikow
3. Bettina Borcherding, Rahden
3. Sylke Roßbach-Schreier, Choćebuz
bosěrowanje jednobarbne
1. Vanessa Trenschel, Allendorf Lumda
2. Ines Trenschel, Allendorf Lumda
3. Beatris Sachse , Mikow
škrabanje
1. Andrea Hertel , Weimar
2. Vanessa Trenschel, Allendorf Lumda
wužrawanje
1. Sylke Roßbach-Schreier, Choćebuz
2. Bruno Schreier, Choćebuz
3. Helena Palmanowa, Budyšin
připóznawanske myto
Horst Fabian, Drježdźany
wóskowanje wjacebarbne
Kornelia Thor, Lipsk
wóskowanje wjacebarbne
Sabine Modsching, Wojerecy
wóskowanje wjacebarbne
Friederike Zobel, Kamjenc
wóskowanje wjacebarbne
spěchowanske myto
Linda Trenschel, Allendorf Lumda
bosěrowanje wjacebarbne
Lisa Sachse, Mikow
bosěrowanje jednobarbne
Jana Paulik, Miłoćicy
Přednošuje wo hudźbje
Budyšin. Sekcija hudźba Maćicy Serbskeje přeprošuje na swoje přichodne zarjadowanje. Wone wotměje so srjedu, 19. měrca, w 19 hodź. w sydarni Budyskeho Serbskeho domu. Měrko Šołta přednošuje wo temje „Interpretaciske tradicije wuměłskeje serbskeje wokalneje hudźby“. Přednoškej přizamknje so rozmołwa.
Dźěło zarjada zeznać
Wojerecy. Składnostnje dnja strowotniskeho zarjada předstaji so strowotniski zarjad Budyskeho wokrjesa srjedu, 19. měrca, we Wojerowskim Łužiskim centeru zjawnosći pod hesłom „Koho stara strowota wobydlerjow Budyskeho wokrjesa?“. Wot 10 do 16 hodź. poskićeja zamołwići zajimcam wotměnjawy program. Dorosćeni móža na přikład swoje znajomosće prěnjeje pomocy wupruwować, swój šćěpjenski wupokaz kontrolować abo strowotny staw swojich woči přepruwować dać. Štóž 100 mililitrow čisteje wody sobu přinjese, móže jeje kwalitu zwěsćić dać. Tež za dźěći změja wšelake poskitki. Zarjadowanje je darmotne.
B 6 blisko Biskopic bórze zawru
Jako Budyske wěže po puću byli
Policija (18.03.25)
Wopojeneho po přesćěhańcy lepili
Wodowe Hendrichecy. Zastojnicy čěskeje policije su njedźelu rano zahe na hraničnym přechodźe mjez Čěskej a Němskej šofera awta marki Peugeot zadźeržeć spytali. 41lětny čěski staćan pak stupi na płun a twochny jim na němsku stronu mjezy. Čěscy policisća jeho přesćěhowachu a dóstachu bórze podpěru zastojnikow policiskeho rewěra Žitawa-Horni kraj. Naposledk poradźi so jim ćěkaceho zadźeržeć. Spěšnje wujewi so zastojnikam přičina ćěkańcy. Spěšnotest na drogi reagowaše pozitiwnje na substancu kokain a muž měješe 0,64 promilow alkohola w kreji.
Namócne rozestajenje ze sćěwkami
Běła Woda. Jako spytachu policisća Běłowodźanskeho rewěra njedaloko dwórnišća sobotu wječor personalije 22lětneho muža zwěsćić, kotryž běše 18lětnemu na hłowu dyrił, započa tón na zastojnikow hrózbnje swarjeć. Test na alkohol zwěsći 1,72 promilow. Po tym zo běše młodostny skućićel tež zastojnika ćělnje nadběhował, jeho na blaku zajachu. Kriminalna słužba dale přepytuje.
Dom za wšitke generacije
Sociokulturny centrum w Běłej Wodźe dźěłowu rozprawu podał
Běła Woda (AK/SN). Běłowodźanski sociokulturny centrum, kotryž ma swoje sydło na ležownosći něhdyšeje škleńčernje Telux, prócuje so wo mnohostronske dźěćace, młodźinske, šulske, kulturne a socialne dźěło. Tole podšmórny Christian Klämbt, předsyda towarstwa Mobilne młodźinske dźěło a sociokultura, w swojej rozprawje na zašłym posedźenju měšćanskeje rady. „W zašłych sydom lětach smy dźakowano spěchowanju ze stron Zwjazka a Swobodneho stata dohromady 270 000 eurow inwestowali. Obligatoriskich dźesać procentow swójskeho podźěla smy sami zwjesć móhli“, wón podšmórny. Ze stron zwjazka Kulturny rum Hornja Łužica/Delnja-Šleska je towarstwo loni cyłkownje 98 000 eurow projektneho spěchowanja dóstało.
Spalowčanki dźeń žonow woswjećili
Dróha we Łazu bórze zaraćena
Łaz (AK/SN). Krajny zarjad za dróhotwar a wobchad pokročuje we Łazu ze saněrowanjom wjesneje dróhi S 108. Trěbne dźěła přewjedu w štyrjoch etapach. W prěnjej ponowja najprjedy 245 metrow dołhi wotrězk wot nakupowanišća Penny hač ke křižowanišću při nalutowarni. Wot 31. měrca hač do 4. julija budźe dróha za přechodny wobchad tohodla dospołnje zawrjena. „Wobjězdku zarjaduje krajny zarjad na susodnej zwjazkowej dróze“, informowaše wjesnjanosta Thomas Leberecht (CDU) tydźenja na posedźenju wjesnych radźićelow. „Wobchad we wsy pak na wobjězdku wodźić njemóžemy. To budźe wulke wužadanje za nas“, wón doda.
Wjace hač 600 štomikow a kerkow je něhdźe 40 Šunowčankow a ...
Krótkopowěsće (18.03.25)
Prěni Lětopis lěta 2025
Budyšin. Serbski institut (SI) je prěnje lětuše wudaće digitalneho časopisa Lětopis wozjewił. Dr. Lubina Malinkowa předstaja nowe dopóznaća wo „Statistice Łužiskich Serbow“ Arnošta Muki, dr. Robert Lorenc wěnuje so digitalizaciji w serbskim muzealnym wobłuku a dr. Ines Kellerowa zjima lońšu konferencu „Kulturna diwersita w slědźenskej a poradźowanskej praksy k imaterielnemu kulturnemu herbstwu“. Lětopis je na internetnej stronje SI zdarma přistupny.
Drježdźanscy Serbja nalěćo witaja Drježdźany. Serbja chcedźa so pod hesłom „Witaj, nalěćo!“ sobotu, 22. měrca, w 10 hodź. na lěsnym hrajkanišću w Albertowym parku zetkać. Nadja Herbichowa prosy wo přizjewjenje za serbsko-němski dźěćacy kružk hač do zajutřišeho na z ličbu wosobow a starobu dźěsća. Zajimcy njech napoje, jědźe a něšto, štož móža z druhimi dźělić, sobu přinjesu. W 15 hodź. so serbski BBQ přizamknje.
Nimale połojca na gymnazij?
Starosće z wušimi (1. dźěl)
Nic jenož na wsach, ale tež w městach maja mnozy doma skót. Něchtóžkuli nimo toho drobny skót plahuje. Wšitcy so wo strowotu swojich lubuškow prócuja. K tomu přinošować chce naša serija z pokiwami z weterinarneje mediciny. (53)
Naše domjace zwěrjata spušćeja so časćišo, hdyž-li čłowjek, na swojej wuši. Hońtwjerjo kaž kóčki trjebaja dobry słuch, hdyž w ćmě hižo woči zaznaće popada njezaruča.
Tola tež za mnohe dalše funkcije w běhu žiwjenja skotu je dobry słuch jara wažny, tak na př. za spóznaće, hdy hrozy strach wot rubježneho zwěrjeća. Tež w stadle wjele wowcow trjebatej jehnjo a maćerne zwěrjo kmanosć, so na zakładźe hłosa namakać. Eksistuja wšelake brachi, schorjenja abo njedostatki, kotrychž dla wuši poćerpja a hižo wotpowědnu funkciju njezaruča. W dźensnišim serialu wobjednawaja so někotre tajke schorjenja wonkowneho wucha.
