Krótkopowěsće (24.02.25)
Přeprošuja znowa na seminar
Opole. Młodźina europskich narodnych mjeńšinow (MENS) zarjaduje tež lětsa zaso swój tradicionalny jutrowny seminar. Na njón přeprošuja zajimowanych wot 11. do 17. apryla do pólskeho města Opole. Hač do 9. měrca hišće maja młodostni a młodźi dorosćeni chwile so přizjewić. Za to je trěbne, so ze serbskim młodźinskim towarstwom Pawk pod skontaktować.
Lubina Kühnowa je direktorka
Wojerecy. Serbowka Lubina Kühnowa nawjeduje wot 1. februara Wojerowski Lessingowy gymnazij. Dotalna šulska nawodnica Katharina Michelfeit je so po 18lětnym skutkowanju na kubłanišću na wuměnk podała. Tež nawoda tamnišeho Johanneuma Günter Kiefer je so do wuměnka rozžohnował. Jeho městno jako nawoda gymnazija a wyšeje šule so hižo njewupisa.
Powyšenje jasnje přesnadne
Policija (21.02.25)
Diesel kradnyli
Chrósćicy. We wulkim stilu diesel kradnyli su njeznaći minjeny čas na Wićežnym puću w Chrósćicach. Kaž policija zdźěli, paduši tam w času wot 20. januara hač do předwčerawšim z priwatneho zawoda něhdźe 5 000 litrow ćěriwa spakosćichu. Při tym nasta něhdźe 8 000 eurow škody. Nětko pytaja swědkow, kotřiž su w mjenowanym času něšto podhladne wobkedźbowali. Pokiwy přijimuja w kóždym policajskim běrowje.
Tola žadyn dróhotwar
Stipendije za kurs čěšćiny
Budyšin. Štóž ma zajim za rěčny kurs čěšćiny wot 17. julija hač do 14. awgusta 2025 w Praze abo wot 3. hač do 25. awgusta 2025 w Českich Budějovicach, njech w Rěčnym centrumje WITAJ hač do 23. měrca swoje přizjewjenske podłožki woteda (Póstowe naměsto 2, 02625 Budyšin, e-mail ). Formular a dalše informacije su na internetnej stronje www.witaj-sprachzentrum.de přistupne.
Někotre městna swobodne
Smjerdźaca. Serbske šulske towarstwo přewjedźe w měrcu a aprylu dźěłarničku, w kotrejž móža wobdźělnicy stawiznički wuwiwać a je powědać abo hrać. Wona měri so wosebje na kubłarjow, wučerjow zakładnych šulow, staršich, wowki a dźědow kaž tež na wšitkich „wulkich“ powědarjow bajkow. Kurs wotměje so 13. a 14. měrca kaž tež 10. a 11. apryla stajnje wot 14 do 17.30 hodź. w Smjerdźečanskim Serbskim kubłanskim srjedźišću LIPA. Dokelž maja hišće někotre swobodne městna, móža so zajimcy hišće hač do kónca februara přizjewić, a to pola Hanki Šěnec pod telefonowym čisłom 01520 20 92 170.
Kniha změje premjeru
Wjace zajimcow hač bydlenjow
Bydlenjotwarska towaršnosć swoje zaměry za 2025 předstajiła
Wojerecy (AK/SN). Bydlenjotwarska towaršnosć Wojerecy je wažny nadawkidawar za rjemjesło a industriju we Wojerecach a wokolinje. Tole wuzběhny jednaćel Steffen Markgraf srjedu na nowinskej rozmołwje. Loni su wjace hač 13 milionow eurow do swojeho wobstatka bydlenjow inwestowali. Nimo nowotwara su předewšěm bydlenja modernizowali a saněrowali a so wo wohnjoškit a nowe balkony starali. Předewzaće ma něhdźe 6 900 bydlenjow, 260 přemysłowych jednotkow, nimale 200 garažow a 1 500 parkowanskich městnow. Wone je štwórta najwjetša bydlenjotwarska towaršnosć Sakskeje a zastaruje třećinu wšěch wobydlerjow Wojerec z bydlenjemi.
Město chce hejtmanstwo kupić
Kamjenc (UM/SN). Město Kamjenc chce bywše hejtmanstwo (Amthauptmannschaft) na Cyrkwinskej hasy kupić. Tole je měšćanska rada na jednym ze swojich zašłych posedźenjow wobzamknyła. Kaž z předłohi wuchadźa, je wobsedźerka objekt za 202 000 eurow poskićiła. To drje tak mjenowanu wobchadnu hódnotu přesahuje, z wotpowědnym spěchowanjom pak móhło město tole wurunać.
Z twarjenjom by so rumnostna situacija měšćanskeho zarjadnistwa polěpšiła. We měšćanskotwarskim wuwićowym koncepće z lěta 2021 rěka, zo njeměło město jeničce radnicu ponowić, ale zarjadnistwo tež do bywšeho hejtmanstwa rozšěrić. Tam měli so předewšěm tajke posłužby zaměstnić, kotrež wobydlerjo bjezposrědnje wužiwaja. Z tutym postupowanjom město swoju strategiju pokročuje, wuznamne twarjenja z tym zachować, zo je w zajimje zjawnosće wužiwaja.
Hižo štyri dny je hobbyjowy rězbar Xaver Wencl z Kamjeneje w ...
Smykać so a druhim přihladować
Krótkopowěsće (21.02.25)
Dźěłarnistwo žada sej wyše mzdy
Lubnjow. Koncernaj LEAG a MCR Engineering Lausitz stej dźensa swoje tarifowe jednanja zahajiłoj. Dźěłarnistwo IGBCE žada sej za dohromady 7 200 dźěłaćerjow dźewjeć procentow wjace mzdy w běhu dwanaće měsacow. „Jeničke žadanje a jasny fokus lětsa je wjace pjenjez w móšnjach kolegowkow a kolegow“, praji Holger Nieden, nawoda jednanjow ze stron dźěłarnistwa.
Prezentuja swójski krótkofilm
Budyšin. Po měsacy trajacym dźěle přeprošuje młodźinska platforma New World Studios 25. februara na ekskluziwne předstajenje dokumentacije „Nad třěchami Budyšina“ w kinje w Kamjentnym domje. Dokumentacija kombinuje cineastiske wašnje powědanja ze zajimawymi informacijemi a dowola nowy wid na město Budyšin. Zastup je darmotny.
„Gundi“ dale njezapomnity
